Svanir - 01.05.1939, Blaðsíða 6
4
/ öllum héruðum þessa lands er til mikið af allskonar
sögnum, eldH og yngri, sem lifa á vörum fólksins, en hvergi
eru skráðar. Sagnir um svipi, undarlegar sýnir og ein-
kennilega atburði. Sagnir um merkilega menn og konur,
— harmsögur eða hetjuljóð. Slíkum sögnum úr Borgar-
fjarðarhéraði viljum við halda til haga í riti þessu.
Síðast en ekki sízt mun ritið flytja borgfirzkan skáld-
skap í bundnu og óbundnu máli.
í þessu hefti er reynt að fylgja þessarri stefnu eins og
efni standa til, en nokkuð vantar þó á, svo að vel sé. Veld-
ur, þar um of skammur tími til undirbúnings og aðrir
byrjunarörðugleikar. Ágrip af sögu U. M. S. B., fyrri
hluti, er hér skráður af tveim kunnugum mönnum, sem
stóðu fremst í fylkingu ungmennafélaganna hér, þeg-
ar sambandið var stofnað fyrir 27 árum. Sú sveit, sem
fyrst var valin til að lýsa, er Norðurárdalur, — dalurinn,
sem frá landnámstíð hefir verið þjóðleið milli Norðurlands
og Suðurlands. Fræðslumál sveitanna og slcógrækt er nú
ofarlega á baugi hjá U. M. S. B. Fyrir forgöngu þess var
á s. I. hausti stofnað Skógræktarfélag Mýra- og Borgar-
fjarðarsýslu. Við það eru tengdar bjartar vonir um gæfu-
ríkt starf í framtíðinni. Hverju sambandið fær áorkað í
bamaskólamálinu, getur framtíðin ein sagt.
Svo felum við þetta rit Borgfirðingum og borgfirzkum
ungmennafélögum í þeirri von, að viðtökurnar verði svo
hlýlegar, að Sambandið sjái sér fært að halda áfram þess-
arri tilraun til útgáfu á borgfirzku tímariti, þann veg, að
sómi og gagn verði að.
Borgarnesi, 15. apríl 1939.
HALLDÓR SIGURÐSSON
p.t. form. U. M. S. B.