Svanir - 01.05.1939, Blaðsíða 67

61
Nú vill svo til, að fyrir áhrif frá áhugamönnum innan
U. M. S. B. hefir Skógrækt ríkisins keypt jörðina Jafna-
skarð, sem liggur að Hreðavatni á kafla. í þeirri landar-
eign er allmikill skógur og fallegur, eftir því sem hér er
um að ræða. Einnig á Skógræktin kost á því svæði í
Hreðavatnslandi, sem að vatninu liggur og skógi er vaxið.
Þriðja jörðin, sem land á að vatninu, er Laxfoss. Auk þess
á svo Hjarðarholtskirkja þar dálítinn landskika, þar sem
trén eru einna hæst og bezt.
Hér er þá hafið verk, sem í höndum góðra manna og
með góðum skilningi jarðeigenda við Hreðavatn gæti orð-
ið merkilegt menningar- og uppeldismál fyrir þetta fagra
hérað. Hversu stórt svæði sem þarna verður endanlega
tekið til friðunar og ræktunar, þá verður það væntanlega
nógu stórt til þess að sýna mátt og þrótt hins íslenzka
gróðurs, — okkar lágvöxnu birkiskóga, og verða þannig
eitt meðal annars til að auka trú okkar á íslenzka mold
og tryggð okkar við sveitir þessa lands. Því eins og skáldið
segir:
Þó að margt hafi breytzt, síðan byggð var reist,
geta börnin þó treyst sinni íslenzku móður.
Um leið og Skógræktin snýr sér að því að girða og
rækta þetta skóglendi, sem hún hefir þegar hlotið við
Hreðavatn, verður óefað settur skógarvörður í þetta hér-
að. Er líka fullkomin þörf á því, þar sem enginn skógar-
vörður er á öllu Vesturlandi. Líkur benda til þess, að sá
skógarvörður mundi verða búsettur annaðhvort á Hreða-
vatni eða einhversstaðar á næstu grösum. Það kæmi því
vel heim við hugmynd þá, sem hér hefir verið sett fram
um þjóðgarð á þessum slóðum.
Það lítur út fyrir, að á næstu árum verði skógræktar-
málum sinnt meira í Borgarfjarðarhéraði en verið hefir,
enda hefir ástand það, sem í þeim hefir ríkt, verið Borg-
firðingum til mikils vansa. Eiga skógarnir hér það skilið
að bætt verði fyrir undangengna vanrækslu. Fyrsta sporið