Svanir - 01.05.1939, Blaðsíða 48

44
torfi, timbri og járni. 5 steyptar votheyshlöður, 4 steypt
áburðarhús og 5 steyptar safnforir. Á 3 jörðum eru stein-
steypt fjárhús með járnþaki, en á 13 jörðum eru fjárhús
undir járni, með torfveggjum.—Á 4 jörðum eru steinsteypt
fjós, á þrem úr timbri og járni, en annarstaðar úr torfi,
timbri og járni. Sjálfbrynnitæki er í 4 fjósum, en vatns-
leiðslur á 13 jörðum. Öll hús sveitarinnar hafa verið byggð
einu sinni til tvisvar síðan 1890. Hvað mikið fjármagn
liggur í húsum, verður ekki sagt með neinni vissu. Nú-
gildandi fasteignamat húsa með millimati er um 130 þús-
undir króna. Sá ljóður er á fasteignamatinu, að það sýnir
ekki, hve mikið fjármagn liggur í húsunum. Ætla ég að
fasteignamat húsanna sé að minnsta kosti 40% undir
kostnaðarverði þeirra. Brunabótaverð allra húseigna, sem
tryggðar eru, en það eru því nær eingöngu íbúðarhúsin,
er ca. 150 þús. kr. En til brunabóta er virt í sveitum sem
næst því, er húsið raunverulega kostar. Mjög varlega áætl-
að tel ég því, að á tímabilinu frá 1890 hafi verið lagðar í
húsabætur að minnsta kosti 200 þúsund krónur.
XI. Lestrarfélag.
Um aldamótin 1900 mun hafa verið byrjað á sameigin-
legum bókakaupum. Bókunum var þó ekki safnað saman
en látnar ganga um sveitina og að því búnu seldar. Á af-
skipti U.M.F. af bókakaupunum og lestrarfélaginu mun ég
minnast síðar. Ekki mun þessi starfræksla hafa verið á
hverju ári eða óslitin til þessa dags. En 1916—1917 er
byrjað aftur, þá á sama hátt: Að kaupa bækur, láta þær
ganga milli félaganna og selja þær svo aftur. Þessu fyrir-
komulagi er hætt 1919—1920. Er þá tekin sú ákvörðun
að selja ekki bækurnar, nema þær lélegustu, en vinna að
því að koma upp bókasafni fyrir dalinn. Er þá gerð til-
raun til þess að afla félaginu tekna með samkomum og
bögglauppboði o. fl. og varð nokkuð ágengt. Árstillag fé-
lagsmanna var frá 2—5 kr., en aldrei náðist til allra heim-
ila sveitarinnar með þessu móti. 1922 er veitt úr sveitar-
sjóði til lestrarfélagsins 25 kr., síðar er tillagið hækkað