Morgunblaðið - 02.04.2011, Page 14

STANGVEIÐI
Einar Falur Ingólfsson
efi@mbl.is
Hér hefur veiðst vel og þar af einn
átján punda,“ sagði Þórarinn Krist-
insson við Tungulæk í Landbroti.
Þessi 90 cm sjóbirtingur tók Black
Ghost-flugu í neðsta veiðistað árinn-
ar, Opinu, rétt áður en hún rennur út
í Skaftá.
„Þetta var hörkufiskur enda var
veiðimaðurinn í töluverðan tíma með
hann. Svo náðist annar 15 punda og
talsvert af minni fiskum. Þeir veiðast
mest neðst í ánni og í skilunum í
Skaftá.
Veiðimennirnir eru mjög ánægð-
ir,“ sagði Þórarinn.
Stangveiðitímabilið hófst í gær og
víða var býsna kalt þegar veiðimenn
gengu niður að bökkunum; kalsa-
rigning og vindur.
Fyrsta apríl hófst sjóbirtingsveiði
í Skaftafellssýslum, í Öxarfirði og í
Húseyjarkvísl í Skagafirði, í nokkr-
um silungsám á Suðurlandi, og þá
verða einnig opnuð nokkur vötn á
Suður- og Vesturlandi. Mörg
vatnanna eru enn undir ís en þó
fréttist af hópi manna við Vífilsstaða-
vatn í gær; lítið fór fyrir töku í köldu
vatninu.
Best var veiðin á Skaftársvæðinu,
auk Tungulækjar í Vatnamótunum
og í Geirlandsá. „Við Geirlandsá fóru
veiðimenn út um klukkan ellefu og
fundu sjóbirting neðarlega í Ármót-
unum; á tveimur tímum fengu þeir
níu. Tveir voru um átta til níu pund,
einn tveggja punda en aðrir fjögur til
fimm pund.
Þetta var fín byrjun en það míg-
rigndi í morgun og áin var lituð,“
sagði Gunnar J. Óskarsson, formað-
ur Stangaveiðifélags Keflavíkur.
„Það var hálfgerð slydda í morgun
en á fyrsta tímanum voru karlarnir
komnir með tuttugu birtinga. Þeir
voru allir fjórir með á í einu – það
gekk mikið á,“ sagði Ragnar Johan-
sen í Hörgslandi um veiðina í Vatna-
mótunum í gærmorgun.
„Þeir veiða bara af bakkanum,
hafa ekkert vaðið en það er mikið
vatn í ánni.
Ég ætla rétt að vona að við
förum í hundrað í opnuninni, það
er venjan ef hægt er að
veiða,“ sagði Ragnar.
Í Minnivalllæk var ró-
legt, tveir veiddust fyrri
hluta dags og einnig var
rólegt í Varmá þar sem
þrír veiddust fyrri part-
inn en þar af einn vænn,
sexpundari sem tók í
Stöðvarhyl.
Í Tungufljóti í Skaftár-
tungum veiddist einn lax og
einn birtingur í gærmorgun.
Átjánpundari
veiddist í opnun
 Góð sjóbirtingsveiði á Skaftársvæðinu en víða rólegt
Morgunblaðið/Einar Falur
Í Minnivallalæk „Það er ekkert að þessu veðri,“ sagði Sigurður Smári Gylfason í gær þegar hann kastaði flugu sinni
á Húsabreiðu, í slyddukófi. Takan var treg í Minnivallalæk í gær en nokkrir fiskar komu upp í neðri hluta árinnar.
14 FRÉTTIRInnlent
MORGUNBLAÐIÐ LAUGARDAGUR 2. APRÍL 2011
„Ég hef verið í þessu í nærri hálfa
öld og alltaf er jafn gaman að koma í
vinnuna,“ segir Sigurður G. Stein-
þórsson gullsmiður en verslun hans
og gullsmíðaverkstæði, Gull & Silf-
ur, fagnar 40 ára afmæli í dag.
Fyrirtækið var fyrst til húsa við
Laugaveg 35 en færði sig síðar ofar
á Laugaveginum, að húsi númer 52.
„Þetta er eins og í sveitinni í
gamla daga, maður fer ekkert út fyr-
ir hreppinn,“ segir Sigurður sem al-
inn er upp í Skólavörðuholtinu. Áður
en hann opnaði Gull & Silfur 1971
hafði hann numið gullsmíði í sjö ár,
fyrst við Laugaveg 30 og síðar í
framhaldsnámi erlendis. Hann hafi
svo fært sig ofar við Laugaveginn og
haldið sig þar síðan. „Það er
margbúið að bjóða mér að koma í
Kringluna eða Smáralind en hérna
vil ég vera,“ segir Sigurður.
Gull & Silfur er sannkallað fjöl-
skyldufyrirtæki. Sigurður lærði
gullsmíði af föður sínum, Steinþóri
Sæmundssyni, og fljótlega eftir
stofnun verkstæðisins 1971 störfuðu
þeir feðgar saman ásamt Magnúsi,
bróður Sigurðar, sem einnig lærði
fagið af föður sínum. Eiginkona Sig-
urðar, Kristjana Ólafsdóttir, hefur
lengst af verið verslunarstjóri Gulls
& Silfurs og nú starfar þar líka dótt-
ir þeirra, Sólborg, gullsmíðameistari
ásamt tveimur gullsmiðum og Val-
dísi Gunnlaugsdóttur verslunarmey
sem starfað hefur hjá fyrirtækinu í
áratugi. Í tilefni afmælisins er Gull
& Silfur með 25% afslátt á öllum
vörum og Sólborg kynnir einnig nýja
skartgripalínu, Tímamót, sem
samanstendur af 10 gripum er allir
vísa í fjóra áratugi og þrjár kyn-
slóðir gullsmiða. bjb@mbl.is
„Í þessu í nærri hálfa öld
og alltaf jafn gaman“
Morgunblaðið/Jakob Fannar
Gullsmiður Sigurður G. Stein-
þórsson á vaktinni í rúm 40 ár.
 Gull & Silfur fagn-
ar 40 ára afmæli
„Það hefur verið rólegt hjá okk-
ur í dag, furðulega rólegt,“
sagði Sævar Hafsteinsson sem
hóf veiðar í Húseyjarkvísl í gær
ásamt félögum sínum. Kalt var í
Skagafirði og áin líka köld, enda
ruddi hún sig fyrr í vikunni og
enn eru víða skarir með bökk-
um.
„Áin óx talsvert í gærkvöldi
en við erum samt komnir með
þrjá sjóbirtinga á land hér til
móts við Varmahlíð, alla rétt
undir fimm pundunum,“ sagði
Sævar um miðjan dag í gær en
hann er heimamaður og átti
von á meiri
tökugleði.
„Oft þarf að
finna fiskana.
Skilyrðin eru ágæt,
hann ætti að taka betur –
kannski voru væntingarnar
bara of miklar,“ sagði
Sævar undrandi á tregð-
unni.
„Furðulega
rólegt“
TREGT Í HÚSEYJARKVÍSL
Ég tel skynsamlegt
og
best fyrir okkar eig
in
velferð að segja já.
Hinn
valkosturinn þýðir m
eiri
óvissu og aukna áh
ættu.
Guðni Bergsson,
lögfræðingur
„
“
Já er leiðin áfram!
Áfram-hópurinn eru þverpólitísk grasrótarsamtök fólks
sem telur að best sé fyrir okkur að ljúka Icesave málinu með samþykkt fyrir-
liggjandi samnings í þjóðaratkvæðagreiðslunni 9. apríl nk. Starf hópsins byggir
á frjálsum framlögum einstaklinga og fyrirtækja og sjálfboðavinnu fjölda fólks.
www.afram.is
Tölvunám fyrir alla
www.tolvunam.is - sími 552 2011
• Excel I - hefst 13. aprí
• Excel II - hefst 27. apríl
• Stafrænar myndir í Picasa - hefst 5. maí
Námskeið í kennslustofu
Verð 14.900 kr.
Liðlega 55% þeirra sem afstöðu
tóku í skoðanakönnun Capacent
fyrir Áfram-hópinn segjast örugg-
lega eða líklega ætla að kjósa með
lögunum um ríkisábyrgð vegna Ice-
save í komandi þjóðaratkvæða-
greiðslu en tæplega 45% segjast
munu örugglega eða líklega kjósa á
móti. Könnunin var gerð á netinu
23. til 30. mars. 820 svöruðu, þ.e.
63% þeirra sem spurðir voru. 18,4%
þeirra sem svöruðu hafa ekki gert
upp hug sinn eða ætla að skila
auðu.
Meirihluti ætlar að kjósa með Icesave
Guðmundur Sv. Hermannsson
gummi@mbl.is
Forystumenn Landssamtaka lífeyr-
issjóða áttu í gær fund með forstjóra
og stjórnarformanni Orkuveitu
Reykjavíkur þar sem farið var yfir
áhuga lífeyrissjóðanna á kaupum eða
fjármögnun Hverahlíðarvirkjunar.
Einnig töluðu þeir við forstjóra
Norðuráls.
Arnar Sigurmundsson, stjórnar-
formaður Landssamtaka lífeyris-
sjóða, vonast eftir að fá svar í næstu
viku frá Orkuveitunni um hvort fyr-
irtækið er tilbúið að taka upp form-
legar viðræður um áhuga þeirra en
stjórn Landssamtaka lífeyrissjóða
hefur lýst yfir áhuga á að eignast eða
fjármagna Hverahlíðarvirkjun.
Erfiðleikar með fjármögnun
Orkuveita Reykjavíkur hefur und-
irbúið virkjunina en búið er að vinna
umhverfismat, bora nokkrar borhol-
ur og festa kaup á hverflum frá Jap-
an. Fyrirtækið á hins vegar erfitt
með að fjármagna virkjunina, en
áætlað er að hún kosti um 25 millj-
arða.
Orkuveitan og Norðurál höfðu
gert með sér samninga um orkusölu.
Arnar sagði að áður en lífeyrissjóð-
irnir gætu komið að málinu þyrfti að
liggja fyrir samkomulag milli OR og
Norðuráls um aðkomu lífeyrissjóð-
anna að málinu.
Vonast eftir svörum eftir helgi
„Þetta er eðlileg byrjun, en nú er
boltinn hjá Orkuveitunni,“ sagði
Arnar um fundina í gær.
Hann sagði að málið væri flókið og
áður en lengra væri haldið þyrfti
Orkuveitan að fara yfir málið og
væntanlega fá umboð stjórnar til að
hefja viðræður við lífeyrissjóðina.
Eins þyrftu lífeyrissjóðirnir að fá
upplýsingar um stöðu verkefnisins
og fleira.
Arnar sagðist eiga von á að heyra
frá Orkuveitunni eftir helgina og þá
myndi skýrast hvað stefnu viðræður
myndu taka.
Áhugi á Hvera-
hlíðarvirkjun
 Lífeyrissjóðir og OR ræða saman