Morgunblaðið - 02.04.2011, Blaðsíða 48

48 MENNING
MORGUNBLAÐIÐ LAUGARDAGUR 2. APRÍL 2011
Skannaðu kóðann
til að hlusta á lag-
ið „Ghetto“ með
Ghostface Killah.
Stjórnendur kvikmyndahúsafyrir-
tækja í Bandaríkjunum hafa lýst yfir
óánægju sinni yfir því að fjögur stór
kvikmyndaframleiðslufyrirtæki í
Hollywood, þ.e. Warner Bros., Fox,
Sony og Universal, hafi ekki látið þá
vita af þeim fyrirætlunum sínum að
hrinda af stað nýrri VOD-þjónustu í
næsta mánuði, þ.e. stafrænni mynd-
bandaleigu, á kapalstöðinni Di-
recTV. Kvikmyndahúsastjórar voru
á ráðstefnu í Las Vegas þegar frétt-
irnar bárust í vikunni. Gæti þetta
VOD-útspil þýtt breytingar á sýn-
ingartímum í kvikmyndahúsum þar
sem myndirnar verða komnar á
VOD um tveimur mánuðum eftir
frumsýningu í kvikmyndahúsi. Kvik-
myndahúsaeigendur telja þetta geta
haft skaðleg áhrif á rekstur
húsanna, þ.e. ef fækka þarf sýning-
ardögum kvikmynda.
Ósáttir kvikmyndahúsastjórnendur
Hollywood Breytingar í vændum, myndir fara fyrr í VOD en áður var.
Já, frétt þess efnis að ódýrir miðar
væru fáanlegir á Eagles-tónleikana
í sumar í blaði gærdagsins voru
aprílgabb. Sagt var frá því að
Framkvæmdaaðilar Eagles ætluðu
að selja 50 miða á tónleikana á
5.000 kr. stykkið og ástæðan væri
breytt staðsetning hljóðblöndunar-
borðs. Fólki var boðið að renna
snjallsíma yfir svokallaðan QR-
kóða hefði það áhuga á að verða sér
úti um miða. Kóðinn vísaði hins
vegar inn á síðu hjá vísindavefnum
þar sem tilurð aprílgabba er út-
skýrð. Þeir 10.000 miðar sem í boði
voru fyrir tónleikana sem haldnir
verða í Laugardalshöll 9. júní eru
því allir farnir, eins og áður.
Miðar á Eagles voru aprílgabb
AF TÓNLIST
Helgi Snær Sigurðsson
helgisnaer@mbl.is
Maður er nefndur Ghostface Killah,réttu nafni Dennis Coles, fæddur 9.maí árið 1970. Coles er hipp hopp-
listamaður, hæfileikaríkur rappari þekktur
af kröftugu flæði og margslungnum rímum,
hlöðnum slangri sem ekki er allra að skilja.
Coles heldur tónleika í kvöld á Nasa, rapp-
unnendum án efa til ómældrar gleði.Coles
sleit barnsskónum á Staten Island í New
York, bjó í bæjarblokk með móður sinni og
átta systkinum. Hann átti erfiða æsku. Faðir
hans yfirgaf fjölskylduna þegar Coles var
sex ára, tveir bræðra hans þjáðust af vöðva-
visnun og voru bundnir við hjólastól. Coles
var elstur systkinanna og þurfti að sinna
mikið veikum bræðrum sínum.
  
Rapparanum eru enn hugleikin þaubágu kjör sem hann bjó við í æsku. Í
einu laganna á breiðskífu sinni Apollo Kids
sem kom út í fyrra, „Ghetto“, nýtir Coles
búta úr laginu „Woman of the Ghetto“ með
Marlenu Shaw frá árinu 1972. Í því talar
Shaw fyrir hönd kvennanna sem ala þurfa
upp börn sín í fátækrahverfum, í „gettóum“.
„Hvernig elur maður upp börnin sín í get-
tóinu? Gefurðu einu að borða en lætur annað
svelta? Viltu segja mér það, þingmaður?“
spyr hún. Þarna liggja rætur Ghostface Kil-
lah, líkt og svo margra kollega hans í Banda-
ríkjunum. Í fátækt og harðri lífsbaráttu.
  
Ungur að árum leiddist Coles út íglæpi; ruplaði og rændi, neytti eitur-
lyfja og seldi. Fyrsta fangelsisdóminn hlaut
hann aðeins 15 ára gamall. Nokkrum árum
síðar flutti nýr strákur í hverfið, Robert
Diggs, kallaður RZA, og varð það upphafið
að farsælum hipp hopp- listamannsferli Co-
les. Félagarnir kunnu að kveðast á, rappið
var þeim í blóð borið. Coles kynnti RZA fyrir
kung fu-kvikmyndum, Wu Tang-myndunum
og er listamannsnafn Coles, Ghostface Kil-
lah, fengið úr einni slíkri, Mystery of Chess-
boxing frá árinu 1979. Hipphopp-sveitin góð-
kunna, The Wu-Tang Clan, leit dagsins ljós
árið 1992 með RZA í broddi fylkingar en
aðrir liðsmenn, auk Ghostface Killah, eru
GZA, Method Man, Raekwon, Inspectah
Deck, U-God, Masta Killa og Ol’ Dirty Bast-
ard heitinn. Wu-Tang menn þóttu sérstakir
og ferskur andblær í hipp hoppinu, óvenju-
fjölmenn sveit og orðfærið í rímum þeirra
allsérstakt, m.a.. fengið úr hugmyndum sam-
takanna The Nation of Gods and Earths
(meðlimir í þeim trúa því meðal annars að
Guð og djöfullinn búi innra með fólki, eða
eitthvað í þá veru), kung fu-myndum og
teiknimyndasögum. Wu-Tang Clan þykir í
dag ein besta og áhrifamesta hipp hopp-sveit
allra tíma. Liðsmenn hennar hafa allir hasl-
að sér völl sem sólólistamenn þó sumir far-
sælli en aðrir, eins og gengur og gerist.
Ghostface Killah ætti að vera sáttur, plötur
hans hafa almennt verið lofsungnar og hann
jafnan nefndur sem einn af fremstu röpp-
urum heims.
  
Ghostface þykir kraftmikill og hraðurrappari, tungulipur mjög og slangur-
flæðið mikið og oft og tíðum torskilið. Ghost-
face er strangtrúaður og í viðtölum verður
honum tíðrætt um Guð og syndir okkar
mannanna, að öll uppskerum við eins og við
sáum á endanum. Hann muni gjalda fyrir
syndir sínar á efsta degi. Svo lærir sem lifir.
Ghostface telur æðsta takmark hvers manns
að öðlast virðingu og ást í þessu jarðlífi.
Amen fyrir því.
Fyrsta sólóplata hans, Ironman, frá
árinu 1996, hlaut mikið lof gagnrýnenda,
þótti nokkuð sálarskotin og á þeirri næstu,
Bulletproof Wallets, var hann undir sterkum
áhrifum af R&B tónlist. Sú nýjasta, Apollo
Kids, er níunda hljóðversskífa kappans og
Wu-Tang-hljómurinn sagður áberandi á
henni. Platan hlaut að meðaltali 84 stig af
100 mögulegum á Metacritic, sem telst afar
góður árangur. Ghostface er enn í fanta-
formi, kominn á fimmtugsaldurinn og lætur
allt flakka. Og í kvöld fá gestir Nasa að
fljóta með straumnum. Hann gæti orðið
þungur.
Kröftugt flæði, slungnar rímur
Ghostface Rapparinn þekkti heldur tónleika á Nasa í kvöld. Hann haslaði sér völl í hipp hoppinu
með hinni þekktu og margrómuðu sveit Wu-Tang Clan snemma á tíunda áratugnum í New York.
» Ghostface er strangtrú-aður og í viðtölum verður
honum tíðrætt um Guð og
syndir mannanna, að öll upp-
skerum við eins og við sáum á
endanum.
Ágúst Ólafsson
Gissur Páll Gissurarson
Hulda Björk Garðarsdóttir
Valgerður Guðnadóttir
Antonía Hevesi, píanó
Leikstjóri: Ágústa Skúladóttir
Leikmynd: Guðrún Öyahals
Búningar: Katrín Þorvaldsdóttir
Lýsing: Magnús Arnar Sigurðarson
PERLUPORTIÐ
FRUMSÝNING 8. APRÍL 2011
SPRELLFJÖRUG ÓPERUSKEMMTUN!