Morgunblaðið - 08.07.2011, Qupperneq 36

36 MENNING
MORGUNBLAÐIÐ FÖSTUDAGUR 8. JÚLÍ 2011
Fyrir stuttu fór fram uppboð
meðal franskra útgefenda um
útgáfufrétt á skáldsögu Guð-
rúnar Evu Mínervudóttur,
Skaparanum, og átti forlagið
Autrement hæsta boðið í rétt-
inn. Autrement tilheyrir
Flammarion-samsteypunni
sem er fjórða stærsta útgáfu-
fyrirtæki í Frakklandi. Ráð-
gert er að franska útgáfan
komi út í október 2012.
Skaparinn var tilnefndur til Íslensku bók-
menntaverðlaunanna 2009 og hefur þegar verið
gefinn út í Þýskalandi, Bandaríkjunum, Bretlandi,
á Ítalíu og nú síðast í Finnlandi undir heitinu Nu-
kentekijä.
Bókmenntir
Skaparinn kemur
út á frönsku
Skapari Guðrúnar
Evu.
Salka hefur gefið út bókina
Það sem aldrei gerist eftir
norska rithöfundinn Anne
Holt. Sagan er sjálfstætt fram-
hald af Það sem mér ber sem
kom út á síðasta ári.
Bækur Anne Holt hafa selst
í yfir 4 milljónum eintaka víða
um heim. Í Það sem aldrei ger-
ist njóta Yngvar Stubø og Jo-
hanna Vik þess að vera í barn-
eignarleyfi en fyrr en varir eru
þau dregin inn í rannsókn á hrottafengnum morð-
um á þjóðkunnum einstaklingum. Líkin eru lim-
lest og margt bendir til þess að morðinginn sé að
senda skilaboð með voðaverkum sínum, virðist
vera að leita hefnda, en ekki er ljóst fyrir hvað.
Bækur
Nýr reyfari eftir
Anne Holt
Nú um helgina stendur Verk-
smiðjan á Hjalteyri fyrir vís-
inda/listasmiðju fyrir börn á öll-
um aldri frá kl. 13:00 til 17:00
báða dagana. Boðið verður upp
á verkefni sem byggjast á
keðjuverkun og markmiðið að
börn og foreldrar læri saman
um orsök og afleiðingu, tengsl
hraða, halla og stærðar. Smiðj-
an er ætluð allri fjölskyldunni,
en börn yngri en átta ára verða
að vera í fylgd með fullorðnum.
Smiðjustjóri er Kristín Dýrfjörð, lektor við Há-
skólann á Akureyri og leikskólakennari. Hún hefur
unnið með börnum og fullorðnum í vísindasmiðjum
í mörg ár og þróað þá hugmyndafræði.
Myndlist
Vísinda/listasmiðja
í Verksmiðjunni
Kristín
Dýrfjörð
Árni Matthíasson
arnim@mbl.is
Í kvöld halda þau tónleika í Hörpu Maxim
Vengerov og Maria João Pires. Vengerov mun
meðal annars stjórna St. Christopher-
hljómsveitinni frá Vilnius í Litháen sem flytur
píanókonsert nr. 4 í G-dúr op. 58 eftir Beetho-
ven, þar sem Pires spilar á píanóið.
Maria João Pires segist hafa þekkt Maxim
Vengerov lengi, hún hafi hitt hann þegar hann
var sextán eða sautján ára gamall, en aldrei
hafi orðið af því að þau spiluðu saman. „Það er
mjög gaman að nú skuli hafa orðið af því og
það gleður mig mjög,“ segir hún. Þegar við
bætist að hún er að leika á Íslandi í fyrsta sinn
segist hún vera að upplifa mjög skemmtilegan
tíma, enda hafi hana dreymt um að koma hing-
að í mörg ár. „Mig langar til að fara um, skoða
landið,“ segir Pires, enda hefur hún mikinn
áhuga á náttúru og útivist og þá sérstaklega á
norðurslóðum.
Undanfarin ár hefur Pires gert æ minna af
því að spila á tónleikum og segir reyndar að
það sé meðvituð stefna hjá sér að gera það.
„Nú eru börn mín upp komin og löngu flutt að
heiman og því mætti ætla að ég hefði meiri
tíma til tónleikahalds en áður, en ég vil samt
draga úr því eins og ég get. Ég hef enn jafn
gaman af því að spila og ég hef haft í gegnum
árin, en mér finnst það sem fylgir því að spila
á tónleikum ekki eins skemmtilegt. Ég er ekki
gefin fyrir það að vera í sviðsljósinu. Það er þó
ekki svo að ég eigi erfitt með það, mér líður
vel þegar ég sit við píanóið og spila, en ég væri
sátt við að hætta því alveg, ég myndi ekki
sakna þess,“ segir hún og bætir við að þó það
sé ævintýralegt og skemmtilegt að koma til
nýrra landa eins og nú til Íslands, sé það ekki
eins gaman að koma til „gamalla nýrra staða“,
eins og hún orðar það. „Það eru svo margar
stórborgir sem mig langar ekki til að heim-
sækja aftur, langar ekki til að spila í aftur, en
mér finnst frábært að vera komin hingað og
hlakka til að spila.“
Annað tungumál
Eins og getið er mun Maxim Vengerov
stjórna St. Christopher-hljómsveitinni í flutn-
ingi Pires á fjórða píanókonsert Beethovens,
en hann mun líka draga fram fiðluna, þó hann
hafi lítið gert af því að spila á hana undanfarin
ár og nánast alfarið snúið sér að hljómsveit-
arstjórn. Hann segir það heiður að fá að vinna
með Pires, sem hann hafi þekkt árum saman.
Eins og getið er hætti Vengerov nánast að
spila á fiðlu um tíma, en stundaði kennslu og
hljómsveitarstjórn. „Ég er ánægður með að
vera farinn að spila á fiðluna opinberlega
að nýju, en ég verð þó að segja að ég sakn-
aði þess ekki á sínum tíma, ég hafði spilað
svo mikið og ferðast svo mikið að ég var
eiginlega búinn að fá nóg. Mér fannst því
tímabært að hægja aðeins á ferðinni og átta
mig á hvert ég væri kominn og hvert ég
vildi stefna. Ég vildi líka leggja meiri áherslu
á hljómsveitarstjórnina sem ég kann einkar
vel við. Það er önnur leið inn í tónlistina,
annað tungumál og annars konar túlkun.
Það er ævinám að ná tökum á hljómsveit-
arstjórn, þannig að ég er rétt að byrja, en
ég er kominn af stað.“
Morgunblaðið/Eggert
Samstarf Maxim Vengerov og Maria João Pires leika á tónleikum í Hörpu í kvöld ásamt St. Christopher-hljómsveitinni frá Vilnius í Litháen. Meðal verka á
efnisskránni er píanókonsert nr. 4 í G-dúr op. 58 eftir Beethoven, þar sem Pires spilar á píanóið.
Ævintýralegt og
skemmtilegt samstarf
 Maxim Vengerov og Maria João Pires halda tónleika í Hörpu í kvöld
Sýning á verki Páls Hauks Björn-
sonar verður opnuð í nýju galleríi,
Galleríi klósetti, í kvöld kl. 20. Verk
Péturs heitir Garður:.
Gallerí klósett er sýningarrými
inni á klósetti á Hverfisgötu 61, sem
áður var Lúllabúð og þar á undan
Fótaðagerðastofa en þar eru nú
nokkrir listamenn með vinnustofur
sínar. Listamennirnir reka galleríið,
en þeim þótti salernisaðstaðan of
góð til að nýta aðeins undir þessar
grunnþarfir mannsins.
Opnunartími Gallerí klósetts er
ekki skýrt afmarkaður og aðeins
verður opið í tengslum við nýjar sýn-
ingar. Þegar hafa verið skipulagðar
nokkrar sýningar fram á haust í
galleríinu.
Páll Haukur lýsir sýningu sinni
svo: „Garður: er náttúran eitthvað?
Sönnunargagn framfara og menn-
ingarlegrar getu – leiksvið kaup-
máttarins? Að kaupa jörð, að girða
af og að sprengja fjall; enginn að
hugsa um álfana? Jú sumir! Að elska
landið og svo að elska landið – hvað
er landið? Mold, gras, fiskur eða
fáni, ný göng í gegnum fjall eða nýtt
fjall? Framfarir og kaupmáttur og
neysluvísitala og frelsið, elsku frels-
ið (fólgið í kaupmættinum).“
Evrópusjóður Unga fólksins
styrkir Garð: og hefur verkefnið ver-
ið á ferð um Ísland í sumar.
Garður: á
Galleríi
klósetti
 Nýtt gallerí vígt á
Hverfisgötu
Náttúra Listamaðurinn Páll Hauk-
ur Björnson sýnir í Galleríi klósetti.
Hefðin er opin, ís-
lenskir rithöfundar
geta „talað“ við forfeður
sína á hátt sem engir evr-
ópskir rithöfundar geta.37
»
Í tilefni af Ís-
lenska safnadeg-
inum næstkom-
andi sunnudag
verður ókeypis
aðgangur að
Gljúfrasteini all-
an daginn.
Þórarinn Stef-
ánsson píanóleik-
ari kemur fram á
stofutónleikum á
Gljúfrasteini kl. 16:00 um daginn og
leikur íslensk þjóðlög í ólíkri með-
höndlun íslenskra tónskálda. Efnis-
skráin spannar allt frá byrjun 20.
aldar og fram til ársins 2009. Þór-
arinn hefur komið fram á tónleikum
víða um Evrópu. Hann er listrænn
stjórnandi tónlistardagskrár Laug-
arborgar í Eyjafjarðarsveit.
Ókeypis að-
gangur að
Gljúfrasteini
Þórarinn
Stefánsson
Eins og fram kemur hér til hliðar mun Pires
leika í píanókonsert nr. 4 í G-dúr op. 58 eftir
Beethoven á tónleikunum, verk sem hún hef-
ur oft spilað og hún segir að hafi fylgt sér
lengi. „Sum verk fylgja manni alla ævi, mað-
ur er alltaf að spila þau án þess þó að vita
af hverju, það er eins og það gerist bara.
Ég spilaði konsertinn fyrst þegar ég var
þrettán ára og gaman að vera enn að spila
hann, að finna hvernig hann hefur breyst
eftir því sem ég spila hann oftar. Þetta er
stórbrotið verk og mjög sérstakt fyrir mér.“
Tónleikarnir hefjast með því að
Vengerov leikur einleik með
hljómsveitinni í Rómönsu eftir
Beethoven. Eftir hlé verður
svo flutt Serenaða eftir Tsjæ-
kovskíj undir stjórn Venger-
ovs.
Þess má svo geta að St.
Christopher-hljómsveitin
heldur aðra tónleika hér á
landi á laugardag og flyt-
ur þá verk eftir Ha-
ydn, Ciurlionis, Elgar
og Grieg. Donatas
Katkus stjórnar.
Spilaði konsertinn
fyrst þrettán ára
PÍANÓKONSERT BEETHOVENS
Beethoven