Morgunblaðið - 26.07.2011, Blaðsíða 2

2 FRÉTTIRInnlent
MORGUNBLAÐIÐ ÞRIÐJUDAGUR 26. JÚLÍ 2011
Audi A6 2.0 TFSi
Nýskráður 5.9. 2008,
ekinn: 26.000 km.
Ásett verð: 5.690.000 kr.
HEKLA
NOTAÐIR
BÍLAR
Morgunblaðið Hádegismóum 2, 110 Reykjavík. Sími 5691100 Fréttir ritstjorn@mbl.is Fréttastjórar Sunna Ósk Logadóttir, sunna@mbl.is Sigtryggur Sigtryggsson, sisi@mbl.is Viðskipti vidsk@mbl.is
Ívar Páll Jónsson, fréttastjóri, ivarpall@mbl.is Menning menning@mbl.is Umræðan | Bréf til blaðsins | Minningar mbl.is/sendagrein, Arnór Ragnarsson Íþróttir sport@mbl.is Víðir Sigurðsson,
vs@mbl.is mbl.is netfrett@mbl.is Guðmundur Sv. Hermannsson fréttastjóri gummi@mbl.is Marta María Jónasdóttir fréttastjóri dægurmála martamaria@mbl.is Prentun Landsprent ehf.
Önundur Páll Ragnarsson
onundur@mbl.is
Lífeyrisþegar þurfa að endurgreiða
Tryggingastofnun ríkisins mun
minna fé vegna ofgreiðslna lífeyris á
síðasta ári, heldur en þurfti vegna
greiðslna á árinu 2009.
Í fyrra fengu um 9.500 manns
greiðslur umfram rétt. Þar af fengu
um þrjú þúsund meira en 100.000
krónur. Þetta fólk þarf á næstunni
að endurgreiða stofnuninni 1,2 millj-
arða króna vegna ársins 2010.
Til samanburðar fengu árið 2009
um 11.000 lífeyrisþegar ofgreiðslur
sem námu 4,3 milljörðum króna. Þá
fengu 66% lífeyrisþega greiðslur
innan eðlilegra vikmarka frá því sem
tekjuáætlun þeirra gerði ráð fyrir,
en nú er það hærra hlutfall, eða 70%.
Sigríður Lillý Baldursdóttir, for-
stjóri Tryggingastofnunar, segir
þetta árangur þeirrar stefnu að
leggja meiri vinnu í tekjuáætlanir í
samstarfi við lífeyrisþega, og að
fylgjast betur með því hvernig
tekjur fólks þróast í samanburði við
áætlanir. „Þetta eru miklu minni of-
greiðslur en nokkru sinni fyrr,“ segir
Sigríður. Hún tekur fram að lífeyr-
isþegar, en ekki TR, hafi lokaorðið
um það hvernig tekjuáætlunin líti út
og sumir kjósi að fara ekki eftir ráð-
leggingum stofnunarinnar um gerð
áætlunar. Hins vegar hefur TR að-
gang að upplýsingum úr stað-
greiðslukerfi skattsins, með tveggja
mánaða seinkun, til að fylgjast með
þróun tekna miðað við áætlanir. Að-
spurð hvort endurgreiðslan sé ekki
mörgum þung í skauti segir Sigríður
að TR komi til móts við fólk eins og
hægt sé. Almenna reglan er að end-
urgreiðslan gerist með skuldajöfnun
við bætur árið eftir. Geti fólk það
ekki er farin samningaleið „Þetta er
velferðarstofnun. Þá er samið um
annars konar greiðslur,“ segir hún.
Lífeyrisþegar voru 45 þúsund í
fyrra og fækkaði um tvö þúsund frá
2009. Heildarfjárhæð endurreiknaðs
lífeyris var um 50 milljarðar króna
2010 en 47 milljarðar árið áður.
TR krefst minni
endurgreiðslu
en nokkru sinni
 Árangur af betri fjárhagsáætlunum
Morgunblaðið/Golli
Fé Erfitt getur verið fyrir örorku-
og ellilífeyrisþega að endurgreiða.
Kristján H. Johannessen
khj@mbl.is
Lítið virðist þokast í kjaradeilu leikskólakenn-
ara sem til meðferðar er hjá ríkissáttasemj-
ara. Boðað hefur verið til sáttafundar 5. ágúst
næstkomandi en verkfall leikskólakennara
gæti hafist 22. ágúst. Alls eru sextán yfir-
standandi kjaraviðræður til meðferðar hjá rík-
issáttasemjara.
Leikskólakennarar fara fram á ellefu pró-
senta launahækkun ofan á þær launahækk-
anir sem boðnar hafa verið viðmiðunarstéttum
en þær nema tólf til þrettán prósentum.
„Við fengum sama tilboð
og almenni markaðurinn
fékk. Munurinn á okkur og
viðmiðunarstéttum er sá að
við festumst inni í hruninu
með okkar samning,“ segir
Haraldur Freyr Gíslason,
formaður Félags leikskóla-
kennara.
Hann bendir á að samn-
ingar þeirra hafi ekki losn-
að fyrr en eftir hrunið 2008
og þegar samningar tókust hafi því verið mið-
að við stöðugleikasáttmála ríkisstjórnarinnar.
Hann segir viðmiðunarstéttir hafa samið fyrir
hrun og því séu leikskólakennarar nú um 25
prósentum á eftir þeim í launum. „Það kemur
til verkfalls, samþykki þeir ekki þessa sann-
gjörnu kröfu.“ Haraldur Freyr segir kjör
leikskólakennara vera komin langt aftur
úr viðmiðunarstéttunum og því geti
samninganefndin vart annað en staðið
fast á sinni kröfu. „Það er alveg sama
þótt við í samninganefndinni samþykkt-
um eitthvað annað, leikskólakennarar
myndu bara fella það.“ Haraldur
Freyr segir löngu orðið tímabært
að sveitarfélögin mæti kröfum
Pattstaða í kjaradeilu
 Tímabært að sveitarfélögin mæti kröfum leikskólakennara af sanngirni
 Náist ekki samningar gæti verkfall leikskólakennara hafist 22. ágúst
Hjalti Geir Erlendsson
hjaltigeir@mbl.is
Óhætt er að segja að hinn 15 ára
gamli Friðrik Þjálfi Stefánsson sé
fæddur veiðimaður en hann veiddi
15 punda lax í fyrsta kasti í sinni
fyrstu veiðiferð. Friðrik Þjálfi var
staddur ásamt afa sínum og nokkr-
um frændum í Damminum, sunn-
anmegin í Blöndu, síðastliðið mið-
vikudagskvöld þegar maríulaxinn
kom á stöngina hjá honum. Hann lét
ekki þar við sitja heldur veiddi þrjá
aðra laxa til viðbótar sem þó voru
heldur minni. Vanir laxveiðimenn
segja nánast einsdæmi að óreyndur
veiðimaður fái 15 punda lax í fyrsta
kasti og því sé jafnvel um einhvers
konar met að ræða.
Segist ekkert sérstaklega
spenntur fyrir laxveiði
Friðrik Þjálfi var í senn hógvær
og stoltur þegar Morgunblaðið náði
af honum tali. Hann segir aðstæður
hafa verið góðar í ánni og hann hafi
ekki þurft að berjast lengi við laxinn.
Þá hafi hann einnig notið góðrar
leiðsagnar en honum til aðstoðar var
Þorsteinn Hafþórsson, sem er vanur
leiðsögumaður hjá LAX-Á.
Þrátt fyrir vel heppnaða veiðiferð
segist Friðrik Þjálfi ekkert sér-
staklega spenntur fyrir laxveiði og
þessi góða veiðireynsla hafi engu
breytt hvað það varðar. Frændur
hans séu hins vegar miklir veiði-
menn. Hann útilokar því ekki að
hann muni smitast af veiðibakt-
eríunni þegar fram líði stundir. Frið-
rik segist hafa borðað laxana með
bestu lyst og þeir hafi smakkast ein-
staklega vel.
Blanda hefur lengi verið gjöful
laxveiðiá en hún er ein þekktasta
jökulsá landsins. Þar er nær ein-
göngu veitt á flugu. Samkvæmt
vefnum lax-a.is hefur Blanda að
jafnaði gefið um 1100 laxa á hverju
ári frá því mælingar hófust 1975.
15 ára með 15 punda
maríulax í fyrsta kasti
 Friðrik Þjálfi gerði það gott í sinni fyrstu laxveiðiferð
Morgunblaðið/Örn Arnarson
Maríulax Hér sjást þeir Friðrik Þjálfi Stefánsson og Þorsteinn Hafþórsson veiðileiðsögumaður með laxinn
Kajakræðararnir Riaan Manser og
Dan Skinstad gistu í Grindavík í
nótt, eftir gott gengi úti fyrir suður-
ströndinni síðustu daga, á hringferð
sinni kringum landið. Þeir hafa nú
róið 40 kílómetra á dag síðustu þrjá
daga, að sögn Tracey Bruton, að-
stoðarkonu þeirra. Í gærkvöldi náðu
þeir í Hafnir. Í dag er áætlað að róa
til Keflavíkur og þaðan út á Faxafló-
ann og til Akraness. Segir Bruton að
þeir félagar séu við góða heilsu,
nema hvað Manser er með sýkingu í
fótum, eftir að hafa farið í fjögurra
daga kanómaraþon niður Berg-ána í
Suður-Afríku í síðustu viku.
Félagarnir róa helst á kvöldin og
nóttinni, þegar sjólag er best, en nóg
er eftir af hringferðinni, sem hófst á
Húsavík 27. mars síðastliðinn.
Róa til Akraness í kvöld
 Manser og Skinstad reru 40 km á dag síðustu þrjá daga
Róið Félagarnir eru komnir hálfa leið.
„Þeir hafa fengið samþykki fyrir verkfalli en
við höfum ekki enn fengið boð um verkfall,“
segir Inga Rún Ólafsdóttir, formaður samn-
inganefndar sveitarfélaga við leikskóla-
kennara, og bætir við að samninganefnd
telji kröfur leikskólakennara vera háar.
Inga Rún segir mikið bera á milli í
samningaviðræðum. „Þeirra kröfur
eru ekki í samræmi við þá samninga
sem við höfum þegar gert við há-
skóla- og kennarafélög,“ Að sögn hafa
leikskólakennarar fengið boð sem
nemur um þrettán prósenta launa-
hækkun.
Mikið ber á milli í
kjaraviðræðum
STEFNIR Í HARÐAR DEILUR
Haraldur Freyr
Gíslason
Inga Rún
Ólafsdóttir