Morgunblaðið - 08.09.2011, Blaðsíða 4

4 FRÉTTIRInnlent
MORGUNBLAÐIÐ FIMMTUDAGUR 8. SEPTEMBER 2011
Ráðstefna í Ráðhúsi Reykjavíkur
miðvikudaginn 14. september 2011
kl. 10:15 til 17:00
Innlendir og erlendir fyrirlesarar.
Ráðstefnan er öllum opin og aðgangur ókeypis.
Táknmálstúlkun og túlkun erlendra fyrirlestra.
Bein útsending á netinu.
Skráning og upplýsingar á
www.innanrikisraduneyti.is
Skráning fyrir 12. september.
Átakið Göngum í skólann var sett af stað í gær. Ísland
tekur nú í fimmta skipti þátt í þessu alþjóðlega verk-
efni sem er ætlað að hvetja nemendur, foreldra og
starfsmenn skóla til að ganga eða hjóla til og frá skóla.
Í ár eru 57 skólar skráðir til leiks hér á landi en verk-
efninu lýkur á Alþjóðlega Göngum í skólann deginum
5. október.
Aldís, Fanney og Anna María létu votviðrið á Akur-
eyri ekki á sig fá heldu bjuggu sig vel og gengu saman í
skólann í gærmorgun. ingveldur@mbl.is
Átakið Göngum í skólann sett af stað
Morgunblaðið/Skapti Hallgrímsson
Vel búnar í votviðrinu
BAKSVIÐS
Anna Lilja Þórisdóttir
annalilja@mbl.is
Heilbrigðisnefnd Alþingis er klofin
þvert á flokka vegna staðgöngu-
mæðrunar. Fimm nefndarmenn af
níu samþykktu þingsályktunartillögu
Ragnheiðar Elínar Árnadóttur, þing-
manns Sjálfstæðisflokksins, sem var
afgreidd úr nefndinni á mánudaginn,
en þar er lagt til að velferð-
arráðherra skipi starfshóp sem vinni
að frumvarpi sem heimili stað-
göngumæðrun.
Þuríður Backman, formaður
nefndarinnar, telur að ekki sé tíma-
bært að semja lagafrumvarp um
staðgöngumæðrun. Meiri undirbún-
ings sé þörf. „Það þarf að skoða ýmis
siðferðileg málefni sem tengjast
þessu, en það þyrfti líka að fara ræki-
lega yfir ættleiðingarlöggjöfina með
það fyrir augum að auðvelda fólki að
ættleiða börn,“ segir Þuríður.
Ekki leyft á Norðurlöndunum
Hún segir að líta þurfi til reynslu
annarra þjóða. Staðgöngumæðrun sé
ekki heimil neins staðar á Norð-
urlöndunum, hún hafi verið heimiluð
um tíma í Finnlandi, en nú hafi verið
tekið fyrir það. „Við þurfum að skil-
greina hverjir mega nota þetta úr-
ræði. Eiga það bara að vera pör, sem
ekki geta eignast börn á annan hátt?
Ég er sannfærð um að einhvern tím-
ann verður þetta heimilað hjá skil-
greindum hópi, en við erum ekki
komin á þann tímapunkt ennþá,“
segir Þuríður.
Í tillögunni segir að heimila skuli
staðgöngumæðrun í velgjörðarskyni.
„Það þýðir að láta barnið af hendi
þegar það fæðist, án þess að greiðsla
sé innt af hendi,“ segir Ragnheiður
Elín Árnadóttir, höfundur tillög-
unnar. „Það er vel hægt að gæta þess
að svo verði og verði tillagan sam-
þykkt, verður lögð áhersla á það í
frumvarpinu að þetta sé úrræði fyrir
fólk sem ekki getur eignast barn á
annan hátt.“
Einsleit umræða
Ragnheiður Elín segir að í raun sé
um að ræða framhald á löggjöf sem
þegar er í gildi um að leyfa gjafaegg
og gjafasæði. Hún telur umræðuna
hafa verið nokkuð einsleita og á villi-
götum. „Ég held að það sé vegna
þess að í sumum löndum þriðja
heimsins er þetta nokkurs konar iðn-
aður og það er eina birtingarmyndin
sem sumir sjá,“ segir Ragnheiður og
segir að erfitt sé að líkja aðstæðum
íslenskra kvenna við aðstæður
kvenna í löndum eins og Indlandi.
„En það er gott að þessi umræða hef-
ur farið fram, það hvetur okkur til að
huga vel að málum.“
Enn er deilt um staðgöngumæðrun
 Heilbrigðisnefnd klofin þvert á flokka  Þingsályktunartillaga afgreidd til Alþingis
 Þuríður Backman: Frumvarp ekki tímabært  Ragnheiður Elín Árnadóttir: Umræða á villigötum
Þuríður
Backman
Ragnheiður Elín
Árnadóttir
„Þetta er gríðarlega alvarlegt
vandamál. Við höfum óskað eftir því
að fá tillögur um úrbætur og það
hafa ýmsar tillögur komið fram en
það er ekki búið að taka afstöðu til
þeirra,“ segir Guðbjartur Hannes-
son velferðarráðherra, spurður
hvort ráðuneytið hafi eitthvað í bí-
gerð til að sporna við þeim HIV-
faraldri sem er nú meðal sprautu-
fíkla. Sautján manns hafa greinst
með HIV-smit það sem af er þessu
ári og af þeim eru þrettán sprautu-
fíklar.
„Í lok júlí fundaði sérstakur sam-
ráðshópur að frumkvæði landlækn-
is og sóttvarnalæknis um aðgerðir
til að stemma stigu við útbreiðslu
HIV meðal fíkla.
Hópurinn hittist
aftur í næstu
viku og er með
ágætis greina-
gerð um hvaða
möguleikar eru í
stöðunni. Ein
leiðin er að kort-
leggja nákvæm-
lega hverjir þetta
eru, hvar þetta
gerist og ná sambandi við þennan
hóp til þess að stoppa frekari út-
breiðslu. Jafnvel þó að aðgengi að
sprautum sé mjög gott er vanda-
málið að þarna er hópur sem nær
sér ekki í nýjar sprautur og hefur
ekki skilning á hvað það er mik-
ilvægt.“ Guðbjartur segir líka mik-
ilvægt að samfélagið standi vaktina
til að sporna við frekari útbreiðslu
HIV, láti vita af grunsamlegri
sprautunotkun og leggi áherslu á
mikilvægi smokkanotkunar.
Eins og kom fram í Morgun-
blaðinu í gær er mannekla á smit-
sjúkdómadeild Landspítalans þar
sem HIV-smituðum er sinnt. Guð-
bjartur segir að ekki hafi verið rætt
um að auka fjármögnun í þennan
málaflokk. „Landspítalinn er með
yfir 30 milljarða í fjárveitingar og
þeim er fyllilega treyst til þess að
forgangsraða innan spítalans.“
ingveldur@mbl.is
Ráðuneytið hefur óskað
eftir tillögum um úrbætur
Guðbjartur
Hannesson
 Ráðherra segir fjölgun HIV-smita gríðarlegt vandamál
Tvær konur sem veltu bíl sínum á
brúnni yfir Hornafjarðarfljót í
gær voru stálheppnar að sleppa
ómeiddar því biti úr brúarhandrið-
inu stakkst inn í miðjan bíl.
Ökumaður, bandarísk kona,
missti stjórn á bílnum þegar hún
var að aka inn á brúna, sem er
einbreið. Þar var nýlega búið að
gera við malbik og því laus möl á
veginum. Bíll hafnaði á hliðinni á
brúnni. Brúarhandriðið laskaðist
og biti úr því gekk inn í bílinn, í
gegn um vélarrúmið og inn í miðj-
an bíl. Smaug bitinn meðfram
hurð bílstjórans, án þess að koma
við hann.
Stálbiti gekk í
gegnum vélarrúmið
Óánægja með
störf Jóns
Gnarrs, borgar-
stjóra í Reykja-
vík, hefur aukist
gríðarlega frá því
í fyrra. 61,7%
landsmanna eru
óánægð með störf
hans nú en voru
22,4% í fyrra.
MMR vann könnunina dagana 15.
til 18. ágúst á meðal 818 ein-
staklinga á aldrinum 18-67 ára.
Í ágúst á síðasta ári sögðust
77,6% frekar eða mjög ánægð með
störf Jóns Gnarrs borgarstjóra en
nú hefur sú ánægja minnkað í
38,3%.
Yfir 60% lands-
manna óánægð
með borgarstjórann
Jón Gnarr
Í nefndaráliti meirihluta heil-
brigðisnefndar segir að nauð-
synlegt sé að gera siðferðilegan
greinarmun á staðgöngumæðr-
un sem velgjörð og í hagn-
aðarskyni. Það er mat meiri-
hlutans að á því sé
grundvallarmunur að ganga af
velgjörð með barn eða að vera
ráðin á viðskiptagrundvelli sem
staðgöngumóðir.
Siðferðilegur
munur
STAÐGÖNGUMÆÐRUN
Maðurinn, sem
lést í haldi lög-
reglunnar á Suð-
urnesjum að-
faranótt
þriðjudagsins,
var ekki með
neina sýnilega
áverka, sem
gætu hafa leitt
til andláts hans. Bráðabirgðaniður-
staðna krufningar er að vænta í
dag eða á morgun. Maðurinn var
fæddur árið 1978 og var pólskur að
uppruna. Lögregla hafði fært hann
í fangaklefa ásamt félaga hans, þar
sem þeir áttu að sofa úr sér áfeng-
isvímu.
Lögreglan á höfuðborgarsvæðinu
fer með rannsókn málsins. „Það
þótti eðlilegt í þessu tilviki að ann-
að lögregluembætti tæki við rann-
sókninni,“ segir Björgvin Björg-
vinsson, aðstoðaryfirlögregluþjónn í
lögreglunni á höfuðborgarsvæðinu.
„Við höfum talað við fólk sem hann
umgekkst, meðal annars fólk sem
hann var með þetta kvöld og erum
að vinna úr þeim upplýsingum,“
segir Björgvin. Verði niðurstöðurn-
ar úr bráðabirgðarannsókninni
óljósar, verður beðið eftir niður-
stöðum lyfja- og efnarannsókna, en
það getur tekið allt að 6-8 vikur.
annalilja@mbl.is
Engir
sýnilegir
áverkar
 Lést í fangaklefa