Morgunblaðið - 13.09.2011, Qupperneq 11

Chitwan-þjóðgarðinum og skoðum
villt dýr. Við munum ferðast á ýmsan
máta, auk þess að ganga förum við á
fílsbaki, siglum á eintrjáningum og
hjólum líka eitthvað. Við gistum á fín-
um hótelum, í fjallakofum og sofum í
tjaldi. Þetta hefur allt sinn sjarma og
við náum ansi breiðri sýn. Innfæddir
menn munu bera farangurinn fyrir
okkur og þeir ætla líka að elda ofan í
okkur. Þetta verður því fjölbreytileg
ferð og náttúran er ekki síður fjöl-
breytt sem við förum um, allt frá
regnskógum til snævi þakinna tinda
Himalaja-fjalla þar sem ægifagurt
útsýni bíður okkar á Annapurna-
fjallgarðinum,“ segir Ragnheiður og
bætir við að þau séu ekki síður að
fara til að kynnast landi og þjóð og
ólíkum trúarbrögðum. „Í upphafi
ferðar göngum við til dæmis nokkra
kílómetra til að skoða elsta hindúahof
Kathmandu-dalsins, Chengu Nara-
yan. Við heimsækjum líka borgina
Bhaktapur sem var konungdæmi áð-
ur fyrr og er á heimsminjalista og
undir vernd UNESCO. Við heim-
sækjum apahofið Swayabonath í Kat-
hmandu, og svo mætti lengi telja.“
Gekk á skíðum í Vasagöngu
Það er að ýmsu að huga fyrir
svona ferð og Ragnheiður segir mjög
mikilvægt að vera ströng á farangri
og allir þurfa að fara í bólusetningar.
„Einnig er mikilvægt á svona svæði
að passa hvað maður borðar og
drekkur, og svo getur flugan smitað
okkur af malaríu, en það er áhætta
sem verður að taka.“ Hún segir þau
félagana í Átta vitrum þekkja hvert
annað mjög vel, enda séu þau búin að
vera lengi saman. „Við vorum eins og
lítil fjölskylda þegar við bjuggum í
Svíþjóð, héldum saman jól og hvað-
eina. Þá ferðuðumst við mikið og fór-
um saman á skíði. Við stunduðum
líka öll mikla útivist á námsárunum,
hlupum hálfmaraþon og fleira. Meðal
annars gekk ég Vasagönguna sem er
90 kílómetrar á gönguskíðum. Ein í
hópnum fékk þessa hugmynd en mér
leist ekkert á það, ég hafði aldrei
stigið á gönguskíði. En við æfðum
okkur og við kláruðum þetta og það
reyndist vera rosalega skemmtilegt.“
Hreyfing fyrir sál og líkama
Ragnheiður er mikil útivistar-
kona og segist hafa hjólað heilmikið
þegar hún bjó úti í Svíþjóð. „Ég hjól-
aði 25 kílómetra á hverjum degi, til
og frá vinnu. Ég hljóp líka mikið þeg-
ar ég var þar og tók meðal annars
þátt í hálfmaraþonhlaupum. Ég er
hætt að hlaupa eins mikið og ég
gerði, bakið á mér þoldi það ekki. Ég
er gjörgæsluhjúkrunarfræðingur en
við sem erum í þeirri stétt þurfum að
lyfta mjög þungu fólki, sérstaklega á
hjartagjörgæslu. Almennt er ganga
líka miklu betri fyrir bak en hlaup.
Ég er í hópnum Fjallafólk sem hittist
einu sinni í viku þar sem markmiðið
er að halda við og byggja upp styrk
og úthald svo við getum áfram gengið
á fjöll og haft gaman af. Síðan förum
við í lengri ferðir einu sinni í mánuði.
Ég syndi á hverjum degi og ég gutla
líka í golfi og tennis,“ segir Ragn-
heiður sem þarf ekki að æfa sér-
staklega fyrir Nepalferðina. „Ég
passa mig að vera í minni þjálfun, ég
geng með vinkonu minni um helgar
og syndi mikið. Ég er í ágætisformi
til að takast á við þetta.“ Hún segir
það halda sér gangandi bæði líkam-
lega og andlega að stunda markvisst
útivist og hreyfingu. „Það er ekki
síður félagslega mikilvægt að stunda
útivist með öllu þessu skemmtilega
fólki og spjalla.“
Ánægja Gleðin skín úr andliti Ragnheiðar og þeirra sem með voru í för í þessari göngu upp á Eyjafjallajökul.
Ljósmynd/Helgi Ben
Nepal Þar er landslag fjölbreytt og framandi. Mynd úr ferð með Helga Ben.
DAGLEGT LÍF 11
MORGUNBLAÐIÐ ÞRIÐJUDAGUR 13. SEPTEMBER 2011
Skráðu þig núna á
www.unwomen.is eða
hringdu í síma 552-6200
og styrktu systur þínar.
FiðrildaáhrifHafðu
Bjóddu systur þinni
í kaffi og köku!
Fyrir aðeins 1000 krónur á
mánuði getur þú bætt kjör
kvenna og barna þeirra í
fátækustu löndum heims.
Að hjóla er bæði hollt og gott en það
sparar fólki líka eyrinn, því ekki þarf
að kaupa bensín á reiðhjólið. Eftir
hrun hefur fólk í auknum mæli dregið
fram hjólafáka sína og er það vel, því
ekki veitir af að efla hjólreiðar til sam-
gangna. Landssamtök hjólreiða-
manna og Hjólafærni á Íslandi standa
fyrir ráðstefnu í upphafi samgöngu-
viku næsta föstudag, þann 16. sept-
ember, og er yfirskrift ráðstefnunnar:
Hjólum til framtíðar.
Áhersla ráðstefnunnar er á hvernig
stuðla megi að auknum hjólreiðum,
hver staðan sé á Íslandi og hvert
stefnan sé tekin.
Þrír erlendir fyrirlesarar eru vænt-
anlegir til landsins vegna ráðstefn-
unnar en auk þeirra munu íslenskir
fyrirlesarar flytja erindi. Þar á meðal
er innanríkisráðherra sem ávarpar
ráðstefnuna og tekur þátt í pallborðs-
umræðum.
Ráðstefnan er haldin með stuðn-
ingi frá Reykjavíkurborg og land-
læknisembættinu auk annarra
styrktaraðila.
Ráðstefnan verður haldin í Iðnó, við
Tjörnina í Reykjavík, og hefst klukkan
09:00 og stendur til kl. 16:00.
Aðgangseyrir er 4.000 kr. (1.500
kr. fyrir námsmenn og hjólandi
almenning).
Innifalið: Hressing í kaffihléum, há-
degisverður og léttar veitingar að ráð-
stefnu lokinni. Gaman er að geta þess
að Bergþór Pálsson mun syngja
íslensk hjólalög eftir hádegishlé.
Allir eru velkomnir en skráningu
lýkur 15. september.
Ráðstefna á föstudaginn
Morgunblaðið/Eggert
Hjól Hjólreiðar eru frábær ferðamáti, bæði heilsusamlegur og peningasparandi.
Hjólum til framtíðar
Þeir sem hafa áhuga á
að dansa JazzFunk,
Street og Hip Hop geta
fagnað, því enginn annar
en dansstjarnan Kame-
ron Bink úr þáttunum So
You Think You Can
Dance? verður aðalkenn-
ari skólans DanceCenter
RVK í vetur. Hann er ný-
lentur á landinu og í til-
efni komu hans verður
einn boðsdagur, í dag, í
Þrótti í Reykjavík. Þeir
sem vilja njóta dansgleð-
innar með stjörnunni
geta skráð sig á dance-
center.is.
Dagskráin verður
svona:
Kl. 16.30 – 7-9 ára
Kl. 17.30 – 10-12 ára
Kl. 18.30 – 13-15 ára
Kl. 19.30 – Nútíma-
dans (modern)
Kl. 20.30 – 16-19 ára
og 20 ára og eldri.
DanceCenter RVK
Boðsdagur með dansstjörnunni
Kameron Bink í Þrótti í dag