Morgunblaðið - 22.10.2011, Síða 10

10 DAGLEGT LÍF
MORGUNBLAÐIÐ LAUGARDAGUR 22. OKTÓBER 2011
Þá er komin helgi og rétti tíminn til
að dekra svolítið við sig. Það þarf
ekki endilega að kosta svo mikið og
þú getur breytt baðherginu þínu í
eigin heilsulind. Þvoðu sloppinn og
hafðu hann ilmandi og ferskan,
smeygðu þér í þægilega inniskó og
spilaðu rólega tónlist. Þannig ertu
strax búin/n að skapa notalega
stemningu og þinn eigin litla heim
bara í baðherberginu heima. Hug-
myndir að sniðugum hlutum fyrir
heima-heilsulindina má síðan finna á
vefsíðu tímaritsins glamour.com.
Þar er að finna lista yfir 14 hluti
sem ekki má vanta og einfaldar
lausnir til að gera lífið dálítið betra. Á
listanum er meðal annars að finna
uppskrift að heimatilbúnu skrúbbi
sem er gott að maka á húðina til að
losna við dauðar húðflögur. Í skrúbb-
inu er haframjöl, púðursykur og olía
sem hrært er saman og síðan borið á
með hringlaga hreyfingum og helst
með þar tilgerðum skrúbbhanska.
Hann má kaupa úti í næsta apóteki
fyrir ekki svo mikinn pening. Um að
gera að skrúbba vel olnboga, hæla og
aðra erfiða staði. Einnig má á listan-
um finna uppskrift að rósavatni sem
er gott fyrir húðina. Það er gott að
byrja daginn á svona notalegan hátt
og fara frísk/ur út í daginn.
Vefsíðan www.glamour.com/beauty/
Notalegt Það er ósköp gott að slappa af í heitu vatni og dekra við sig á eftir.
Skrúbbað með púðursykri
Það verður nóg við að vera í Dölunum
þessa helgina þegar Haustfagnaður
Félags sauðfjárbænda verður hald-
inn. Samkvæmt vefsíðu Dalabyggðar
verður dagskráin með nokkuð hefð-
bundnu sniði en fagnaðurinn hófst í
gær og stendur áfram í dag. Ýmislegt
verður á dagskrá í dag, til að mynda
lambhrútasýning og opin fjárhús á
Hömrum í Haukadal, rúningskeppni
og markaður, svo aðeins fátt eitt sé
nefnt.
Þá verður prjónasamkeppni haldin
í Reiðhöllinni í Búðardal, líkt og síð-
astliðin tvö ár, í samvinnu við Ístex.
Að þessu sinni á að prjóna fylgihluti
úr íslenskri ull og verður keppt bæði í
flokki fullorðinna og barna 16 ára og
yngri. Skráningar í prjónasamkeppn-
ina verða á laugardaginn samhliða
annarri dagskrá í reiðhöllinni. En úr-
slit verða kynnt við lok dags og eru
verðlaunin vegleg að vanda. Hljóm-
sveitin í svörtum fötum slær síðan
botninn í dagskrá dagsins með balli
um kvöldið í Dalabúð. Nánari upplýs-
ingar má nálgast á vefsíðu Dala-
byggðar.
Endilega…
… kíkið á skemmtilegan
haustfagnað í Dölunum
Prjónaskapur Það er um að gera að senda afraksturinn í prjónasamkeppni.
Ásgeir Ingvarsson
ai@mbl.is
Guðbjörg Glóð Logadóttirsegir gott að borða mikiðaf fiski allan ársins hring,en þó ekki síst á haustin.
„Við getum alltaf leyft okkur að borða
vel af fiski, enda er hann vítamínríkur
og hollur. A- og D-vítamínið og
Ómega-3 fitusýrurnar hjálpa okkur
að komast í gegnum skammdegið, og
hafa gert allt síðan Ísland byggðist.“
Japanskt brauðrasp vinsælt
Smekkur landans á fiski breyt-
ist ögn þegar dagurinn er orðinn
stuttur. „Fólk setur þá inn grillin sín
og fer frekar að ofnbaka og pönnu-
steikja. Þessar helstu tegundir eru
vinsælar allt árið en ögn meira er sótt
í feitari fisk á þessum árstíma.“
Hefðbundnir fiskréttir eins og
soðin ýsa með kartöflum segir Guð-
björg Glóð að verði alltaf herra-
mannsfæða, en svo er líka hægt að
breyta skemmtilega til. „Við sjáum
t.d. að japanskt brauðrasp nýtur vax-
andi vinsælda. Það gefur skemmti-
legan vinkil á pönnusteiktan fisk að
breyta raspinu og japanska raspið er
léttara en þetta gamla appelsínugula.
Bæta má fræjum og hnetum út í
raspið til að gera réttinn enn meira
spennandi, og börn veit ég að eru
sólgin í raspaðan fisk.“
Guðbjörg Glóð er fram-
kvæmdastjóri Fylgifiska og segir hún
að áherslurnar í fiskborðinu breytist
á haustin, í takt við stemninguna hjá
viðskiptavinunum.
„Þegar fer að kólna leitar fólk úr
léttu og fersku réttunum yfir í ögn
meiri fyllingu í réttunum. Við fækk-
um grillréttunum og fjölgum ofn-
réttum í fiskborðinu okkar sem á
hverjum degi býður yfir 30 fiskrétti.“
Berin fín í sósur
Þegar nær dregur jólum bæta
Fylgifiskar við úrvalið reyktum fiski
og marineraðri síld, en á haustin er
hægt að gefa fiskinum hálfgert villi-
bráðaryfirbragð með réttu aðferð-
unum. „Íslensku sveppirnir sem fólk
er að tína fara mjög vel sem meðlæti
með fiski, og berin geta líka verið góð
í fiskrétti,“ segir Guðbjörg Glóð. „Til
dæmis getur komið vel út að nota ber
og íslenskar kryddjurtir í sósur út á
fiskinn.“ Síðast en ekki síst er haustið
oft tími matarboða.
„Sumarið er að baki og rútína
vetrarins að hefjast, og margir hafa
gaman af að halda matarboð á þess-
um árstíma. Æ fleiri koma auga á
hvað það er góður kostur að kaupa þá
fiskréttina tilbúna. Ekki er nóg með
að það spari tíma að kaupa t.d. fisk-
rétt sem smeygt er í ofninn áður en
gestirnir mæta, heldur getur þessi
leið líka sparað fólki peninga því ekki
þarf að kaupa allt hráefnið hvað í sínu
lagi og leggja út fyrir heilu krydd-
pakkningunum til að nota kryddklípu
í góða sósu,“ segir Guðbjörg. „Fólk
hefur þá líka meiri tíma til að nostra
við að gera góðan eftirrétt.“
Leitum í meiri fyll-
ingu þegar kólnar
Hefðbundnir fiskréttir eru vinsælir allan ársins hring en þó sérstaklega á haustin.
Tilvalið er að nota íslensk ber og sveppi með fisknum.
Fiskur Guðbjörg Glóð Logadóttir segir börn sólgin í raspaðan fisk.
Skannaðu kóðann
til að fara inn á
vefsíðuna.