Birtingur - 01.12.1958, Blaðsíða 13

framið veruleg spjöll á íslenzkri tungu. Ég reyni einnig að telja mér
trú um, að mér kunni að auðnast að skrifa eina og eina þokkalega
setningu í þeim fjórum bókum, sem mig langar til að setja saman
áður en ég hætti ritstörfum. Ævi manns er hörmulega stutt og tíminn
alltof fljótur að líða. Eftir tíu ár verð ég orðinn grár og gamall,
fimmtugur andskoti, sveiattan! Vonandi nær þó fordild ellinnar aldrei
slíkum tökum á mér, að ég fari að garfa í því af mikilli íþrótt að
jafnmargar orður hlaðist nú á hægri þjóhnappinn á mér eins og þann
vinstri.
Þú ert ötull stangveiðimaður ?
Mér leiðist í Reykjavík, ekki sízt í góðu veðri, vildi þá helzt vera aust-
anfjalls, einhversstaðar í námunda við bernskustöðvarnar og hann
Steingrím vin minn. Þessvegna segi ég stundum við sjálfan mig á
sumrin: Tak stöng þína og gakk! Þetta ættir þú að gera líka. Það er
víða unaðslega fagurt hjá ám og vötnum.
Færðu annars nokkurntíma bröndu?
Ég anza ekki svona skensi. Ætli ég kannist ekki við tóninn!
Birtingur
11