Birtingur - 01.12.1958, Side 70

þeirra ungu ljóðskálda, sem kvatt hafa
sér hljóðs hin síðustu árin, finnst mér
tveir bera af öllum hinum. Það eru þeir
Hannes Pétursson og Jóhann Hjálmars-
son. Þeir hafa skipað sér sinn hvoru meg-
in í fylkingu hinna eldri skáldbræðra,
Hannes í rímreglu Snorra Hjartarsonar,
en Jóhann í hóp Birtingsmanna. Sá fyrr-
nefndi heldur mjög upp á rímið og kann
með það að fara, hinn varpar fyrir róða
öllum fjötrum og verður því Hannesi ný-
tízkari. — Ekki var það ætlun mín að
fara að bera þessa ungu menn saman,
þótt þessi orð sæktu í pennann.
Jóhann vann ótvíræðan listsigur með
fyrri bók sinni, 17 ára gamall. Nú hefur
hann aftur farið á flot, tveimur árum
eldri. Þessi bók vekur að sjálfsögðu minni
athygli. Hér er fátt um nýja persónulega
reynslu, nema ef vera skyldi í Ijóðinu,
sem nafn bókarinnar er dregið af. Það er
svona:
Undarlegir fiskar
synda í djúpinu rauða
gulir og svartir og hvísla
óskiljanlegum orðum
Stúlka sem býr við hafið
sagði mér frá þeim einn morgun
og við lékum okkur að þeim
tvö ein
margar nætur
Annað kvæði vil ég nefna, sem mér þykir
mikið til koma, Komdu nú með sverðin —
þó höfundur hefði ekkert annað ort,
mundi hann ekki gleymast.
Þessi bók er eins og hin fyrri hljóm-
kviða vaknandi æsku, fögnuður yfir
undrum lífsins, þar sem von og ótti
leika á strengi til skiptis. Þó að þessum
unga manni sé jafnan mikið niðri fyrir
og margar spurningar sæki á hug hans í
senn, ljómar æ yfir svip hans bjarmi
góðrar æsku, mikillar hamingju, þrátt
fyrir allt. Þetta er hinn heilbrigði æsku-
svipur Islands í dag, birtan sem við fögn-
um í hópi vel gefinna og fallegra barna,
þetta sem gefur okkur hinum eldri „ofur-
litla von,“ já stundum vissu um betri tíð.
Jón úr Vör.
Þröskuldur hússins
Arnfríður Jónatansdóttir:
Þröskuldur hússins er þjöl.
Ljóð.
Heimskringla, 1958.
Það má teljast viðburður í okkar bók-
menntum þegar kona gefur út bók, sem
telja má til bókmennta. Þeim mun á-
nægjulegra er þá slíkir atburðir gerast.
Ung kona, Arnfríður Jónatansdóttir, hef-
ur skrifað bók sem hún nefnir Þröskuld-
ur hússins er þjöl. Bókin er 46 bls. og
geymir 18 ljóð (svo notað sé orðalag út-
varpsins), og skulum við líta rétt laus-
lega á þau. Við fyrstu yfirsýn virðist
orðaval ekki nýstárlegt og sum ljóðin dá-
litið tyrfin, sumstaðar jafnvel einsog
snúið uppá setningarnar. Dæmi:
Stödd í herbergjum daganna lásum við
slóð hans
(Læstir dagar, nr. 7)
Það væri sem drypi úr undinni þungir
dropar
(Leikur)
Stundum dettur manni í hug Jóhannes
68 Birtingur