Vera - 01.12.1985, Blaðsíða 32

Vera - 01.12.1985, Blaðsíða 32
Börnin verða að geta treyst okkur Umferöaröryggi og ofhraður akstur voru til umræðu á borgarstjórnarfundi þ. 17. október. Þar varfelld tillagafráflestum full- trúum minnihlutans þess efnis að fram- kvœmdar verði þær tillögur um hraðahindr- andi aðgerðir, sem komufrá starfsnefnd, er fjallaði um umferðaraðstæður við skóla. Fyrir fundinum lá tillaga frá öllum konum í minnihlut- anum og einum karlanna, (Sigurður E. Guðmundssyni) sem var svohljóðandi: Borgarstjórn samþykkir að gerðar verði á þessu hausti þær öldur, sem nefndar eru í bæklingnum ,,Um- ferðaraðstæður við skóla í Reykjavík1' og ekki hafa nú þegar komið til framkvæmda. Tillögunni til skýringar skal greint frá því að í janúar á árinu 1984 var sett á fót starfsnefnd til að skoða um- ferðaraðstæður viö grunnskólana í Reykjavík. í nefnd- inni áttu sæti fulltrúar frá Menntamálaráðuneytinu, frá umferðardeiid borgarverkfræðings, frá fræðslustjóra og lögreglunni auk þess sem formaður SAMFOKS sat nokkra fundi. Þessi nefnd hélt fundi m.a. með fulltrúum foreldra og kennara í skólunum. í lok ársins skilaði hún síðan skýrslu þar sem fram komu bæði tillögur og ábendingar um það, sem gera mætti í nágrenni skóla til að auka öryggi barnanna. í skýrslunni er bent á t.d. frá- gang skólalóða, strætisvagnaleiðir, gagnbrautarljós o.m.fl. en róttækustu tillögurnar voru um öldur —■ alls voru gerðar tillögur um 65 slíkar hraðatakmarkanir — allar í næsta nágrenni skóla, og ábendingar um 18 aðrar. Umferðarnefnd hefur haft þessa skýrslu til um- fjöllunar frá því fyrir síðustu áramót og hefur síðan í mars unnið að því að skoða hvert skólahverfi á fætur öðru og gert tillögur um upphækkanir í samræmi við þá skoðun. í júní s.l. var eftirfarandi tillaga frá fulltrúa Al- þýðubandalagsins í umferðarnefnd, Ólöfu Ríkharðs- dóttur, samþykkt samhljóða í nefndinni: „Umferða- nefnd samþykkir að lögð verði áhersla á að Ijúka við lagningu upphækkana (aldna) í næsta nágrenni við skóla Reykjavíkurborgar fyrir upphaf komandi skólaárs (haustið 1985). Byggt verði á tillögum starfsnefndar, sem unnið hefur að úrbótatillögum við skóla í Reykja- vík, svo og öðrum komnum tillögum.1' Samþykkt þess- arartillögu varauðfengin, enda hafði umferðanefnd þá um nokkurt skeið unnið í samræmi við hana og hafði fullan hug á að halda því áfram. Umferðarnefnd hefur haft það verklag að kanna hvert skólakerfi fyrir sig og samþykkja lagningu aldna að því gerðu en jafnan fækk- að öldunum í hverju hverfi, fariö þannig fremur hægt í sakirnar. Ástæðan fyrir því er sú, að borgarráð hefur brugðist mjög misjafnlega viðtillögum umferðarnefndar, stundum fellt þær alveg eða slegið á langan frest og hefur nefndarmönnum því þótt það heillavænlegra til árangurs að skammta borgarráði tillögurnar í stað þess að leitast við að fá það til að samþykkja þær allar í senn — af ótta við að þær verði þá allar felldar í eitt skipti fyrir öll. Einnig hafa öldurnar mætt harðri mótstöðu áheyrn- arfulltrúi SVR í umferðarnefnd. Reynt að taka af skarið Allt þetta kom fram í máli þeirra, sem töluðu máli þeirrar tillögu, sem lá fyrir borgarstjórnarfundinum þ. 17. október. Með þeirri tillögu var reynt að taka af skar- ið, leita endanlegs álits borgarstjórnar og kanna hvort sú skoðun, að nauðsynlegt sé að draga úr ökuhraða umhverfis skólana, eigi ekki hljómgrunn hjá fulltrúum í borgarstjórn. Svo reyndist þó ekki vera eins og áðan kom fram, frá meirihlutanum kom fram tillaga um að vísa málinu til borgarráðs og var það samþykkt, en á móti voru allir fulltrúar minnihlutans — utan Guðmund- ur J. Jónsson, sem sat hjá — og kom fram ( máli þeirra að veriö væri að dauðadæma tillöguna með því að láta borgarráði hana eftir. Fulltrúar minnihlutans, sem mæltu með tillögunni voru þau Guðrún Ágústsdóttir, Magdalena Schram og Sigurður E. Guðmundssonenandmælin komufrá Jónu Gróu Sigurðardóttur þ.e. hún bar upp tillögu um að vísa málinu til borgarráös. Borgarstjóri fór og fékk sér kaffi um leið og tillagan komst á dagskrá og sást ekki fyrr en til atkvæðagreiðslu kom, einni og hálfri klukkustund síðar. Slíkt gerist sí og æ á fundum borgarstjórnar og leitt til þess að vita, að ekki þykir ástæða til þess að hlusta á rök með og á móti málum á lýðræðissamkund- um, sem borgarstjórnarfundir eiga víst aö vera. Umferöarmál snerta flesta málaflokka í ræðu fulltrúa Kvennaframboðsins komu fram ávítur í garð skipulagshöfundaog samþykkjenda þeirra, sem staðsetja skóla og aðrar þjónustustofnanir án tillits til umferðaröryggis eða viðhorfa þeirra, sem ekki eru á bíl-

x

Vera

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Vera
https://timarit.is/publication/858

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.