Vera - 01.12.1993, Blaðsíða 39

JÓlin V^v
BARNA- OG UNGLINGABÆKUR
GuSrún Helgadóttir,
Iðunn 1992
Guðrúnu bregst ekki bogalistin í sögunni um
Hannibal Hansson, fremur en endranær,
þegar bamabækur eru annars vegar. Hér er á
ferðinni skemmtileg saga, um strák sem er
eins og börn eru flest, með afar fjörugt
ímyndunarafl. Boðskapur sögunnar er einnig
uppbyggilegur og fræðandi. Aldrei er langt í
„húmorinn" og leikur höfundar að orðum fær
lesendur og hlustendur til þess að lifa sig inn
í söguþráðinn. Myndir Brians Pilkingtons
fylgja efninu vel eftir og eru fjörlegar og
„krúttlegar“ og gaman að skoða þær vel og
sjá hvernig fjöll, ský og blóm, svo ekki sé
talað um sjálft Island, fær andlit. Hannibal
Hansson er með betri bókum sem ég hef
lesið fyrir yngstu kynslóðina í háa herrans
tíð.
Guðlaug Gísladóttir
Fanney Finnsdóttir skrifar:
Draugar vilja ekki dósagos
Kristín Steinsdóttir
Vaka-Helgafell 1 992
Elsa sem er ellefú ára flytur með foreldmm
sínum úr Grafarvogi í gamalt hús í
Hafnarfirði. Hún byrjar í nýjum skóla og
þarf því að kveðja bestu vinkonu sína en
hættir fljótlega að sakna hennar. Á meðan
Elsa bjó í Grafarvogi fór hún alltaf til ömmu
sinnar eftir skóla. Þær vom miklar vinkonur.
Daginn sem Elsa flutti fékk amma hennar
hjartaáfall í garðinum og dó þegar hún var
komin upp á sjúkrahús.
Sagan er svolítið ótrúleg. Mér finnst t.d.
skrýtið hve fljótt Elsa hættir að sakna
vinkonu sinnar og að þær skuli aldrei hittast.
Það er ágætt stundum að fara til ömmu eftir
skóla en ég myndi ekki nenna að fara á
hverjum degi. Mér finnst miklu skemmti-
legra að hitta vinkonur mínar.
Óttinn læóist
Gunnhildur Hrólfsdóttir
ísafold 1992
Það er góð tilbreyting að lesa bók sem gerist
úti á landi og stórsniðugt að hafa kort af
staðnum. Elín, tíu ára, flytur með foreldrum
sínum frá Reyðarfírði til Vestmannaeyja. Ég
veit ekki hvenær sagan á að gerast en það
hlýtur að vera sautján hundmð og súrkál því
að mjólkin er á brúsum og fólk notar úti-
kamra og skítur í fötu. Ég trúi því ekki að
það sé svoleiðis í Vestmannaeyjum í dag.
Móðursystir Elínar býr í Eyjum. Hún á þrjú
börn og eitt þeirra, Ásdís, verður besta
vinkona Elínar. Það drífur margt á daga
vinkvennanna. Um sumarið fer öll íjölskylda
Ásdísar til ömmu á Reyðarfirði og Elín
verður að eignast nýjar vinkonur. Elínu
dreymir mjög undarlega drauma og stundum
dreymir pabba hennar sömu draurna!
Sagan er vel skrifuð og skemmtileg en
mér fannst sagan um Söru (Gunnhildur
Hrólfsdóttir, 1991) miklu skemmtilegri.
Ástæðan er ef til vill sú að Sara er nær mér í
aldri og býr í borg eins og ég.
Græna bókin
Pearce & Winton
þýð.: Gunnhildur Oskarsdóttir og Arnór
Þórir Sigfússon
Bjallan 1992
Ég vissi lítið um umhverfrsmál áður en ég
las Grœmi bókina, enda er lítið farið í þau í
skólanum. Ég hef t.d. safnað dósum til að fá
pening en gerði mér enga grein fyrir því að
ég væri að gera gagn um leið. Bókin útskýrir
flókin hugtök (eins og súrt regn og
gróðurhúsaáhrif) á einfaldan hátt. Ég held að
fullorðnir hefðu gott af að lesa bókina líka,
því að þó oft sé talað um umhverfismál í
fréttum þá er ekki víst að allir skilji um hvað
verið er að tala. Grœna bókin er bæði
fræðandi og skemmtileg. Teikningamar em
líka frábærar. Aftast er listi yfir samtök og
stofnanir sem sinna umhverfismálum hér á
landi. Eitt þeirra er Ungmennafélag Islands.
Ég er í ungmennafélaginu Fjölni og það eina
sem við höfum gert í þessum málum er að
tína rusl í kringum voginn. Það var allt of
mikið drasl þar og ætti fólk að ganga betur
um.
Úlfur, úlfur
Gillian Cross
Mól og menning 1993
Mjög vel skrifuð bók. Hún er bæði þræl-
spennandi og skemmtileg. Mig langar til að
lesa meira eftir þennan höfúnd.
Milli vita
Þorsteinn Marelsson
Mól og menning 1992
Bókin er skemmtileg, það er áhugavert að
lesa um aðrar fjölskyldur og það er gaman að
sjá hvernig Þrándur Hreinn breytist þegar
hann verður skotinn í stelpu, hann verður
opnari og minna feiminn.
Bak við blóu augun
Þorgrímur Þróinsson
Fróöi, 1992
Ég hef lesið allar bækur Þorgríms
Þráinssonar og þessi er sú besta. Sagan er
sorgleg á köflum og er bæði spennandi og
skemmtileg. Ég gat ekki lagt bókina ífá mér
fyrr en ég var búin með hana.
Súrar gúrkur og súkkulaði
Stéphanie
Mól og menning 1991
Ég las bókina þegar hún kom út og fannst
hún mjög skemmtileg. Ég held samt að stelp-
ur pæli ekki svona mikið í því að byrja á túr.
Fanney Finnsdóttir (fædd 1980) er
nemandi í Foldaskóla. Hún er óvirk í ung-
mennafélaginu Fjölni en virk í skátunum.
Fyrir utan að vera í dansi finnst henni
skemmtilegt að fara á skíði, vera með
vinkonunum og lesa bækur.
Það er vor og yndi sem okkur langar í,
ekki fótanuddtæki eða vídeótæki, ekki
einu sinni gervihnattadiskur, jafnvel þótt
einhver gæfi okkur gervitungl yrðum við
ekki hótinu sælli fyrir vikið, þótt við kynn-
um að segja: En gaman, einmitt það sem
mig hefur alltaf vantað.
Guðmundur Andri Thorsson
Fleiri athyglisverðar bækur eftir
konur:
A bak vió hús; Áslaug Jónsdóttir
Er allt að verða vitlaust? lðunn
Steinsdóttir
Litlu greyin; Guðrún Helgadóttir
Borg: Ragna Sigurðardóttir
Nellikur og dimmar nætur;
Guðrún Guðlaugsdóttir
Þerna ó gömlu veitingahúsi;
Kristín Omarsdóttir
Eldhús; Bahana Yoskimoto
þýð. Elísa Björg Þorsteinsdóttir
Feró allra ferða; Nadine Gordimer
þýð. Ólöf Eldjám
Þú gefst aldrei upp, Sigga;
Ævisaga Sigríðar Rósu Kristinsdóttur
Elísabet Þorgeirsdóttir Skráði
MYNDBAND UM MATVINNSLU
Matvinnsluvélar eru víða lokaðar inni í
skápum við hlið fótanuddstækja. Það
verðskulda þær svo sannarlega ekki því að
fjölhæfni þeirra er mikil. En nú hefur verið
gefið út myndband þar sem útskýrt er
hvernig nýta má nútímamatvinnsluvélar á
sem hagnýtastan hátt. Myndbandið er breskt
að uppruna, en með íslensku tali og
leiðbeiningum og fæst í raftækjaverslunum
um allt land. Hví ekki að gefa þeim sem þú
veist að hafa lagt matvinnsluvélina á hilluna
þetta hagnýta myndband?
39