Vera - 01.05.1995, Blaðsíða 12

knur í fangelsi
L&K, LOK CjQ LfcS CjQ- ALLXT > LXÍxLS-
Á íslandi sitja aö jafnaði 6-8 konur í fangelsi og þær eru vistaðar í fangelsinu í Kópavogi,
sem í daglegu tali kallast „kvennafangelsiö“. VERA heimsótti þetta fangelsi og hafði tal af
þremur konum sem segja okkur sögu sína hér á eftir. íslenskar konur lenda fyrst og fremst í
fangelsi vegna auðgunarbrota sem þær fremja til að fjármagna vímuefnaneyslu. Afbrot
þeirra eru ólík afbrotum karla að því leyti að það er sjaldgæfara að þær fremji ofbeldisverk.
Annað sem skilur kynin að í þessu efni er að meirihluti karla kemur aftur og aftur en það er
sjaldgæfara með konurnar.
í fangelsinu í Kópavogi er rúm fyrir 12 fanga og þar afplána allar konur dóma sína.
Síðan koma karlar í lausu plássin. Upphaflega var þetta fangelsi nokkuð „opið“ að því leyti
t.d. að fangar gátu unnið sér rétt til ákveðinna hluta eins og að fara í sund. Þetta er liðin tíð
- fangelsið er nú harðlæst og rekið með svipuöu sniði og önnur fangelsi landsins. Sumir af
viömælendum okkar telja að ástæðan fyrir því að reglur voru hertar sé sú að karlmennirnir
hafi brotið þær og fangaverðirnir voru á því að ef þarna væru eingöngu konur væri unnt að
hafa regiurnar ögn sveigjanlegri.
Sögur kvennanna sem VERA talaöi við eru átakanlegar og höfðu djúp áhrif á okkur sem
ræddum við þær. Við lærðum margt um líf þeirra og aöbúnaö en viðtölin vöktu ekki síöur
spurningar en svör. Og það er þá einkum yfirvalda að svara.