Ljósmæðrablaðið - 01.07.1981, Blaðsíða 12

52
LJÓSMÆÐRABLAÐIÐ
Vil ég þakka þessum nefndum fyrir þá vinnu, sem þær lögðu
fram.
Orlofsheimilið að Munaðarnesi:
Rekstur orlofshússins gekk vel síðastliðið sumar, eins og verið
hefur undanfarin sumur. Nú standa til byggingafrmkvæmdir
nýrra sumarbúða BSRB að Eiðum, S.-Múlasýslu og nokkrum
fleiri húsum i Munaðarnesi svo og e.t.v. Stóru-Skógum.
Félaginu hefur verið boðin aðild að þessum byggingarfram-
kvæmdum.
Stjórnin ræddi þessi mál og var sammála um að hvorki væri fé
fyrir hendi, né brýn ástæða til frekari fjölgunar orlofshúsa að
sinni. Nú eigum við í orlofsheimilissjóði peninga svo sem sjá má í
reikningi orlofsheimilissjóðs. Stjórn og orlofsnefnd hefur áhuga á
að verja þessu fé til kaupa á hlutum í húsið t.d. bókum o.fl.
Ljósmæðratalið:
Enn hefur dregist að Stéttartal ljósmæðra sé komið út, þótt svo
hafi verið áætlað og eru það okkur sönn vonbrigði, en ég mun
ekki fjalla meira um það í þessari skýrslu, þvi Steinunn Finnboga-
dóttir, útgáfustjóri, mun gera grein fyrir málinu hér í sérstökum
dagskrárlið.
Bandalag kvenna í Reykjavík
Aðalfundur bandalags kvenna var haldinn að Hótel Sögu 22.
—23. febr. s.l. Kjörnir fulltrúar félagsins sátu þingið f.h. félags-
ins. í ár hefur Bandalag kvenna tileinkað Ári fatlaðra stærsta
verkefni sitt. Hefur það hafið fjársöfnun til kaupa á tækjabúnaði,
sem á að meta getu fólks til endurhæfingar s.s. eins og eftir
lamanir. Tæki þetta hefur verið nefnt Taugagreinir og á að gefa
það Endurhæfingardeild Borgarspítalans Grensásdeild.
Skipuð var framkvæmdanefnd til fjáröflunar. Formaður
nefndarinnar er Björg Einarsdóttir. Stjórn Ljósmæðrafélagsins
samþykkti að gefa til söfnunarinnar kr. 600,00.
Auk þess vann Dýrfinna Sigurjónsdóttir með fjáröflunarnefnd-
inni f.h. félagsins við merkjasölu o.fl. Vil ég þakka Dýrfinnu fyrir
þá vinnu, sem hún lagði fram.