Ljósmæðrablaðið - 01.07.1981, Blaðsíða 57

LJÓSMÆÐRABLAÐIÐ
97
fundi nefndarinnar með formanni félagsins Vilborgu Einarsdótt-
ur hinn 3. maí s.l., var ákveðið að reyna að halda námskeið fyrir
ljósmæður um fræðslu fyrir verðandi foreldra. Áætlað er að
námskeiðið verði í október n.k., ef vel skipast til um efni og þátt-
töku. Leitað yrði til þeirra aðila á stór-Reykjavíkursvæðinu sem
hafa haft fræðslu f. verðandi foreldra um aðstoð og fengnir yrðu
fyrirlesarar um hin ýmsu efni úr viðkomandi heilbrigðisstéttum og
ætti þá samræming að komast á milli landshluta. Æskilegt væri
að þær ljósmæður sem áhuga hefðu á að sækja svona námskeið
hefðu sem fyrst samband við Hildi Kristjánsdóttur i sima 71591
Rvík. Því eins og allir vita þarf þetta nokkurn undirbúning og eins
þurfum við að vita hvort grundvöllur er að halda námskeið og
færi það væntanlega eftir því hvort fjöldi þátttakenda yrði
nægur.
Það er von okkar að undirtektir verði góðar því eins og ég sagði
áðan er það mikið áhugamál okkar að ljósmæður sjái a.m.k. um
þann þátt heilbrigðisfræðslu sem lýtur að fræðslu fyrir verðandi
foreldra um meðgöngu og fæðingu.
F.h. fræðslunefndar
Hildur Kristjánsdóttir.