Ljósmæðrablaðið - 01.12.1981, Blaðsíða 26

130
LJÓSMÆÐRABLAÐIÐ
hæfinganámskeið, sem aldrei eru lengri en 3—5 dagar í einu, eru
haldin oft og víða.
Hvert námskeið tekur þá eitthvert sérstakt efni til meðferðar,
svo sem: að sitja yfir, heilbrigt barn, getnaðarvarnir, foreldra-
fræðsla o.s.frv.
Á næsta ári koma ný lög til framkvæmda í Svíþjóð. Allir þeir
sem ætla sér að vinna við hjúkrunarstörf, hefja sitt nám i svo-
kallaðri „várdlinje”. Eftir 2 ár verður viðkomandi sjúkraliði,
nemur þar staðar eða heldur áfram, fyrr eða siðar. Bætir þá við
sig 2 árum í svokallaðri ,,hálso- og sjukvárdslinje” og er þá
almennur hjúkrunarfræðingur, sem þarf að vinna sem slíkur í
hálft ár til að öðlast réttindi til frekara sérnáms. Fæðingarfræðin
mun þá taka eitt ár, sem sérnám.
Meginástæða þessara breytinga er hagræðing, er veitir viðkom-
andi aukna möguleika til náms, og hitt, að minnka kostnaðinn
fyrir rikiskassann, því nám hjúkrunarstétta, ásamt heilbrigðis-
þjónustunni í heild, er að sliga velferðarrikið Svíþjóð.
Til gamans má geta þess, að mál þetta var mjög til umfjöllunar í
sænskum fjölmiðlum þá daga sem ég dvaldi þar að fundi loknum.
M.a. komu islenskir læknar, búsettir og starfandi í Svíþjóð, fram
í sjónvarpi, þar sem þeir svöruðu spurningum og gerðu grein fyrir
gífurlegum kostnaði ýmissa liða innan heilbrigðisþjónustunnar og
bentu jafnframt á nokkur atriði, er verða mættu til bóta.
Sænska ljósmæðrafélagið er sterkt félag, sem telur 3.800 með-
limi, er stéttarfélag, sem semur fyrir sitt fólk. Hið sama er að
segja um danska ljósmæðrafélagið, sem hefur sinn eigin atvinnu-
leysissjóð, einnig lífeyrissjóð fyrir eldri ljósmæður, sem ekki
komust inn í kerfið.
Seinni ár hafa bæði þessi félög getað snúið sér mikið frá launa-
baráttunni, í stað þess snúið sér í ríkari mæli að félagslegum og
menntunarlegum umbótum.
Danski ljósmæðraskólinn er enn sem fyrr 3ja ára ljósmæðra-
skóli, og engan bilbug til breytinga er þar að finna. Danskar ljós-
mæður halda fast við sitt starfsheiti, og sinn rétt sem stétt með
eigin skóla. Mikil aðsókn er að skólanum, 900—1000 hvert ár,
aðeins 60 komast að. Farið er eftir ákveðnum meginreglum til að
leysa þann mikla vanda, sem stjórnendur skólans þurfa að takast
á við, hvað þetta varðar. Þ.e., 25—30 eru teknir inn, sem hafa