Ljósmæðrablaðið - 01.05.1990, Page 48

um með sérstöku næringaræti við lík-
amshita í 10—12 daga. Síðan eru
frumurnar látnar skipta sér margar í
einu, en rétt fyrir frumuskiptingu er
hægt að gera litningana sýnilega til
skoðunar í smásjá. Smásjárrannsóknin
felst í því að skoða litninga úr mörgum
frumum, telja þá og rannsaka innri
byggingu þeirra hvers um sig.11
Rannsóknin er vandasöm og tiltölu-
lega seinleg en niðurstöður úr litninga-
rannsóknum fást 2—3 vikum eftir
ástungu. (Sjá mynd l.)10
Mæling á alfa-fósturpróteini (AFP)
Alfa-fósturprótein er megineggja-
hvítuefnið í blóðvökva fóstursins. Það
er fyrst framleitt í nestispokanum en
síðan að mestu leyti í lifur fóstursins.
AFP er mælanlegt bæði í legvatni og í
blóði móður. AFP kemur út í legvatnið
frá fóstrinu með þvagi. Fóstrið drekkur
síðan legvatnið og AFP er því endur-
upptekið í görninni. Magn AFP í blóð-
vökva fóstursins og í legvatni er mest á
13. —15. viku meðgöngu en fer síðan
lækkandi. I legvatni er mun minna
AFP eða 1/1000 af magni þess í blóð-
vökva fóstursins. AFP er einnig mælan-
legt í blóði móður en í mjög litlu magni.
Þar er það mest á 32.-36. viku með-
göngu (sjá mynd 2 og 3).16 AFP kem-
46
LJÓSMÆÐRABLAÐIÐ