Ljósmæðrablaðið - 15.11.2002, Page 20

Lilleba Ankers leiðbeinir greinahöfundum
Námskeið í
nálastungum
Jenný Inga Eiðsdóttir ljósmóðir
Halla Hersteinsdóttir Ijósmóðir
Námskeið fyrir ljósmæður
Síðastliðið sumar var haldið námskeið í
nálastungum fyrir ljósmæður á vegum
fræðslunefndar LMFÍ og ljósmæðranáms
Háskóla íslands. Kennari á námskeiðinu var
Lilleba Ankers ljósmóðir frá Svíþjóð og henni
til aðstoðar var Guðlaug Maria Sigurðardóttir
ljósmóðir sem búsett er í Danmörku.
Námskeiðið var tvískipt og stóð í heild í 6
daga. Fyrri hluti þess var haldinn í lok maí en
seinni hlutinn í lok ágúst. Mikill áhugi var fyrir
námskeiðinu og sóttu 16 íslenskar ljósmæður
námskeiðið, víðsvegar að af landinu.
Ljómæður œfðu sig hver á annari
í fyrri hluta námskeiðsins var farið yfir
lífeðlisfræði sársauka, orkustöðvar líkamans
og hvemig nálastungur hafa áhrif. Auk þess
var kínversk hugmyndafræði kynnt lítillega
fyrir þátttakendum. Síðan var ljósmæðrunum
kennt að finna punkta sem geta nýst þeim í
starfi í meðgönguvernd og í fæðingu. Til að
læra nálastungur þurftu ljósmæðumar að stinga
hver aðra og með því ávannst að upplifa, að
gefa og þiggja nálastungur. Dagarnir voru
brotnir upp með kínverskum æfingum sem
voru sfyrkjandi og orkugefandi.
Yfir sumarið æfðu ljósmæðumar sig á vinum
og vandamönnum og prófuðu sig áfram í
starfi.
í seinni hluta námskeiðsins var farið yfir
reynslu þátttakanda af nálastungum. Allar
ljósmæðurnar og skjólstæðingar þeirra létu
mjög vel af árangrinum. Nálastungurnar
nýttust sérstaklega vel sem meðferð við
verkjum,til slökunar í fæðingu,til örvunar sóttar
á öllum stigum fæðingar og við grindargliðnun.
Rannsóknarniðurstöður sýna að nálastungur
lækka tíðni epidúral-deyfinga og notkun
Pethidins. auk þess sem þær auðvelda slökun
í fæðingu. Lilleba segir að hennar reynsla sé
að nálastungur stytti fæðinguna.
Ljósmæðrunum var kennt að finna gagnlega
punkta í sængurlegu eins og við mastitis, til
að auka eða minnka mjólkurframleiðslu og
auka mjólkurflæðið. Einnig var kennt að finna
eymapunkta sem bæði er hægt að stinga í með
nálum eða setja kúluplástra.
Ljósmæðrablaðið
u Nóvember 2002