Almanak Hins íslenska þjóðvinafélags - 01.01.1946, Blaðsíða 30

að tæknin er komin á svo hátt stig, að útlit er fyrir,
að stríð framtíðarinnar muni ekki vara lengi, en
hræðileg munu þau verða.
Þá er enn eitt merkilegt fyrirbrigði, sem ekki verð-
ur séð fyrir endann á. Það eru hinir svonefndu skæru-
liðar, óbreyttir borgarar, sem taká sér vopn í hönd
eða fremja ýmiss konar spellvirki á verksmiðjum og
samgöngutækjum. Þetta átti sér mjög stað í löndum
þeim, er Þjóðverjar höfðu lagt undir sig. Skæruliðar
gerðu Þjóðverjum stórkostlegt tjón og hafa sjálfsagt
átt mikinn þátt í að stytta striðið, en svo kom eftir-
leikurinn. Þegar friður er kominn á, vilja þessir menn
ekki afhenda vopn sín, svo að i ýmsum löndum eru
vopnaðar sveitir, sem ekki eru háðar rikisstjórnun-
um og jafnvel í beinni andstöðu við þær. Það er ekki
gott að sjá, livar þetta muni lenda, en allt virðist
stefna að vaxandi upplausn þjóðfélag'anna. Stjórnir
flestra ríkja í Norðurálfu eiga við mikla erfiðleika
að stríða. Það eru aðeins Engiand og Rússland og ef
til vill Svíþjóð, sem hafa öruggt þjóðskipulag stjórn-
arfarslega.
Frakkland.
í heimsstyrjöldinni komst allt hið franska riki
undir yfirráð annarra þjóða. Þjóðverjar lögðu Frakk-
land sjálft undir sig, en Bandamenn og Japanar tóku
nýlendurnar. Nú er Frakkland að vísu orðið frjálst
ríki aftur, en í flestum nýlendum eru enn hersveitir
Bandamanna.
En þótt Frakkland sé nú orðið sjálfstætt, þá er þó
stjórnarfar þess alveg óákveðið. Lýðveldið hefur ekki
verið endurreist og verður það varla, nema þá með
miklum breytingum. Landinu er eiginlega stjórnað
með einræði de Gaulle hershöfðingja.
Stjórnmálaferill þessa manns er næsta einkennileg-
ur. Hann var hershöfðingi í nýlenduher Frakka og
(28)