Almanak Hins íslenska þjóðvinafélags - 01.01.1946, Blaðsíða 107
var að raestu leyti í samræmi við lagafrumv. frá 1897
og tillögur Guðm. Finnbogasonar. Aðalbreytingarnar
voru þær, að skólanum var skipt í gagnfræða- og
lærdómsdeild — 3 ár hvor. Latína var ekki kennd
fyrr en í 4. bekk —• þ. e. 1. bekk lærdómsdeildar —
og gríska hvarf úr skólanum. Mun a. m. k. sumum
hinum eldri menntamönnum hafa fundizt þessi
breyting vera byltingakennd og síður en svo til bóta.
Hörmuðu þeir einkum, að fornmálin skyldu ekki
skipa sama sess í skólanum og áður. Árið 1919 var
bætt stærðfræðideild við skólann, og er hún hliðstæð
máladeild. Ný reglugerð var staðfest fyrir skólann
1937. Er gagnfræðadeildin nú 2 ársdeildir, en lær-
dóms- og stærðfræðideildin 4 ár, þar af 1. árið sam-
eiginlegt.
Fyrr og síðar hafa margir merkustu lærdómsmenn
þjóðarinnar starfað í þessari elztu og löngum einu
menntastofnþn þjóðarinnar. Rektorar hafa verið,
síðan þjóðin fékk stjórnarskrá: Jón Þorkelsson
(1872—-’95), Björn M. Ólsen (1895—’04), Steingrímur
Thorsteinson (1904—’'13), Geir T. Zoega (1913—’'28),
Þorleifur H. Bjarnason (1928—29) og Pálmi Hannes-
son síðan 1929.
Eins og þegar hefur verið getið, voru samþykkt
lög 1930 um menntaskóla á Akureyri. Næstu ár á
undan hafði gagnfræðaskólinn þar bætt við bekkjum
og námi, er samsvaraði efstu bekkjum menntaskólans
í Reykjavík, en stúdentspróf urðu nemendur að taka
við menntaskólann í Reykjavík, þar eð Akureyrar-
skólinn hafði ekki öðiazt réttindi til þess að braut-
skrá stúdenta, fyrr en áðurgreind lög komu til sög-
unnar. Að sú skipun komst á, mun að mestu mega
þakka hinum ötula, vel lærða og merka skólameist-
ara Sigurði Guðmundssyni, sem tók við gagnfræða-
skólanum 1921, að Stefáni Stefánssyni skólameistara
látnum, og stuðningi þáverandi kennslumálaráðherra.
(105)