Almanak Hins íslenska þjóðvinafélags - 01.01.1946, Blaðsíða 83

við náttúrufræði, styrkur ákveðinn úr ríkissjóði til
byggingar skúlahúsa, % til heimangönguskóla en %
til heimavistarskóla, heimild til þess að færa skóla-
skyldu niður í 7 ára aldur og nánari ákvæði um rétt-
indi og skyldur skólanefnda. Ári síðar var bætt við
lagaheimild um það, að sameina mætti 2 eða fleiri
hreppa um 1 skóla, en annars var hver kaupstaður
og hreppur skólahérað, svipað og í fræðslulögunum
frá 1907. Einnig var heimilt að verja nökkrum hluta
starfstíma kennara til kennslu unglinga 14—17 ára,
ef aðstæður leyfðu.
Samþykkt var á Alþingi 1933 að skipa milliþinga-
nefnd til ])ess að endurskoða fræðshdögin frá 1920,
og ski])aði kennslumálaráðherra skólastjórana
Snorra Sigfússon, Akureyri, og Sigurð Thorlacius,
Reykjavík, og Pálma Jósefsson, kennara í Reykjavík,
í nefnd þessa. Skiluðu þeir frumvarpi og áliti árið
eftir, og var það borið fram á þingi sama ár, en dag-
aði uppi. Frumvarp þetta varð að löguin 1936 —
með nokkrum breytingum þó. Aðalbreytingar þess-
ara fræðslulaga frá þeim fyrri voru: Skólaskylda
ákveðin frá 7- -14 ára, en veita má þó undanþágu til
10 ára aldurs, ef ástæður leyfa. Nær þetta einkum
til sveitanna. Árlegur starfstími föstu skólanna var
lengdur. Landinu er skipt í allt að 6 eftirlitssvæði og'
1 námsstjóri (inspektor) skal vera til eftirlits fyrir
hvert þeirra, þegar fé er veitt til þess í fjárlögum.
(í lögum um fræðslumálastjórn eru ákvæði um eftir-
litskennara (námsstjóra) fyrir hverja sýslu, en það
eftirlit stóð aðeins 2 ár). Nýmæli voru og það í hin-
uin nýju lögum, að heimilt var að stofna fræðslu-
sjóði fyrir hverja sýslu og kaupstað, og fræðsluráð
áttu að ráðstafa þeim til skólabygginga o. fl., en vart
er hægt að telja, að þessi heimild hafi verið
notuð.
Námsstjórar hafa starfað síðan 1940 í hverjum
(81)