Almanak Hins íslenska þjóðvinafélags - 01.01.1946, Blaðsíða 90
Ásgeir Ásgeirsson, þáv. fræðslamálastjóri, bar fram
frumvarp á Alþingi 1925 um ungmennafræðslu, sem
var að mestu leyti í samræmi við menntamálanefnd-
arálitið frá 1922 (G. F. og S. P. S.). Frumvarpið varð
ekki útrætt, en eftir þetta komst skriður á þessi mál
á Alþingi. 1927 og 1928 var borið fram frumvarp um
gagnfræðaskóla á ísafirði, enn fremur annað frumv.,
um samskóla Reykjavíkur, og var það að mestu i
samræúii við tillögur Jóns Ófeigssonar yfirkennara,
sem bafði farið utan skömmu áður til þess að kynna
sér skólamál. Frumvörpin náðu ekki fram að ganga,
en samþykkt var frv. um ungmennaskóla i Reykja-
vík, og tók hann til starfa þá um haustið (Ingimars-
skólinn). Árið eftir voru borin fram frumvörp um
gagnfræðaskóla á ísafirði og í Vestmannaeyjum, en
þau voru afgreidd með rökstuddri dagskrá, þar sem
óskað var eftir, að undirbúið yrði frumv. um ung-
mennafræðslu almennt. Stóð ekki á þeim undirbún-
ingi, og árið 1930 voru samþykkt lög um gagnfræða-
skóla, og hefur þeim ekki verið breytt síðan, svo að
teljandi sé.
Samkv. lögum þessum var heimilt að reisa gagn-
fræðaskóla í flestum kaupstöðum landsins (síðar í
öllum). Námstími 2—3 ár að loknu fullnaðarprófi
barnafræðslunnar. Próf úr þessum skólum —- gagn-
fræðapróf —■ veitir ekki rétt til inngöngu í mennta-
skóla, enda er bóklegt nám þar nokkru minna og með
öðrum hætti en í hliðstæðum bekkjum menntaskól-
anna. Gagnfræðaskólar eru nú í öllum kaupstöðum
nema Seyðisfirði.
Um svipað leyti og fjallað var á Alþingi um g'agn-
fræðaskóla var eigi síður rætt þar um fræðslu ung-
menna í sveitum. Hafði Jónas Jónsson, þáv. ráðherra,
um alllangt skeið beitt sér fyrir aukinni fræðslu ung-
linga í sveitum og m. a. fengið ungmennafélögin til
þess að veita þar fulltingi sitt.
(88)