Almanak Hins íslenska þjóðvinafélags - 01.01.1946, Blaðsíða 109
skóla í Rvík. Mun það ekki sízt aö þalcka ötulli for-
ustu Jóns Sigurðssonar og Jóns Hjaltalins landlæknis.
Landlæknir skyldi vera forstöðumaður skólans.
Allmikið var löngum rætt um stofnun lagaskóla, \
en ekki varð af stofnun hans fyrr en 1908. Á Alþingi
1855 var borin fram bænarskrá um stofnun lagaskóla.
Mun það hafa verið( gert fyrir atbeina Jóns Sigurðs-
sonar. Svipaðar bænarskrár voru bornar fram og
samþykktar svo að segja á hverju þingi til 1875, en
þá var flutt frumvarp um stofnun lagaskóla, en var
ekki samþykkt. Mun Benedikt Sveinsson hafa verið
einn af fremstu stuðningsmönnum þess. Síðan var
á mörgum þingum borið fram frumvarp um sama
efni, en ekki fengust samþykkt lög um lagaskóla fyrr
en 1904. Dráttur varð á fjárveitingu til stofnunar
skólans, svo að hann tók ekki til starfa fyrr en 1908.
Áhugi þjóðarinnar á sögulegum fróðleilc hefur
verið mikill frá upphafi iandsbyggðar. Það var þvi
ekki furða, þótt Jón Sigurðsson og fleiri vildu setja
á stofn fast kennaraembætti í sögu íslands og ís-
lenzkum fornfræðum. Um þetta mun hafa verið rætt
og ritað bæði hérlendis og erlendis, en eigi varð úr
framkvæmdum, fyrr en Háskóli íslands var stofnaður.
Prestaskólinn, læknaskólinn og lagaskólinn hættu
störfum um leið og Háskóli íslands tók til starfa,
haustið 1911, eins og eðlilegt var.
Háskóli íslands.
Á Alþingi 1861 flutti Benedikt Sveinsson sýslumað-
ur frumvarp til laga um Háskóla íslands. Gert var ráð
fyrir 3 deildum, guðfræði-, lækna- og lagadeild.
Kennsla skyldi fara fram i Alþingishúsinu. Frum-
varpið varð ekki útrætt. 1883 flutti Benedikt frumv.
aftur, og var það samþykkt nær óbreytt, nema „há-
skóla“ var breytt i „landsskóla“. Synjað var um
staðfestingu laganna.
(107)