Almanak Hins íslenska þjóðvinafélags - 01.01.1986, Qupperneq 179

aldraða. Kaupfélag Rangæinga byggir sláturhús. - Heima-
land, nýtt félagsheimili Vestur-Eyfellinga, var vígt 16. júní.
Vestmannaeyjar. 28. júlí var afhjúpuð myndin Fæðing
sálar eftir Einar Jónsson.
Skaftafellssýslur. í Vík í Mýrdal var nýtt hús Samvinnu-
bankans tekið í notkun í nóvember. Þar voru reist fimm
sumarhús. - Að Hofi í Öræfasveit var áfram haldið við
byggingu menningarmiðstöðvar. Þar verður skóli, bóka-
safn, salur til íþróttaiðkana o.fl. — Á Höfn í Hornafirði var
langt komið byggingu Ásgarðs, nýrra verbúða. Sjálfstæðis-
húsið var nær fullgert.
Múlasýslur. Á Djúpavogi er verið að reisa heimavistar-
byggingu fyrir grunnskólann og nýja slökkvistöð. — Á
Breiðdalsvík var haldið áfram við byggingu verkamannabú-
staða og grunnskóla. Slitlag var lagt á þrjár götur. - Á
Stöðvarfirði var enn unnið við stækkun grunnskólans. - Á
Fáskrúðsfirði voru íbúðir aldraðra á lokastigi og haldið var
áfram við byggingu verkamannabústaða. Verzlunar- og
skrifstofuhús kaupfélagsins er í byggingu. Þá var unnið að
stækkun veitingahússins Snekkjunnar. — Á Reyðarfirði var
áfram unnið við leikskóla og íþróttahús. Þar voru 18 íbúðir
í smíðum í árslok. - Á Eskifirði var nýtt sýslumannshús
tekið í notkun 4. janúar. Þar er dómsalur og lögreglustöð.
Áfram var haldið byggingu slysavarnahúss. - Á Norðfirði
var lokið við smíð 19 íbúða á árinu. Hafin var smíð 4 íbúða,
en 25 íbúðir voru í smíðum í árslok. Frystigeymsla SÚN og
iðnaðarhús Valma hf. voru tekin í notkun. Viðbygging við
bílaverkstæði Síldarvinnslunnar var gerð fokheld. f október
var nýtt húsnæði tekið í notkun fyrir framhaldsskólann. í
Oddsskarði var skíðaskáli í smíðum. - Á Egilsstöðum var
nýtt íþróttahús formlega tekið í notkun 4. febrúar og lokið
var við smíð sambýlis fyrir þroskahefta við Stekkjartröð.
Reist var flugskýli fyrir einkaflugvélar. — í Fellabæ var í
byggingu skólahús, og þar var unnið að gerð íþróttavallar.
- Á Seyðisfirði var ný lögreglustöð í byggingu. - Á
Vopnafirði er bygging nýs íþróttahúss komin vel á veg. Þar
flutti Landsbanki íslands í nýtt húsnæði.
12
(177)