Almanak Hins íslenska þjóðvinafélags - 01.01.1986, Page 192

ári, og samningurinn skyldi gilda til ársloka 1985. Ekki voru
verðtryggingarákvæði í samningunum, en til uppbótar fyrir
það voru ákvæði um heimild til uppsagnar eftir 1. júní.
Talsverð óánægja var með þennan samning innan BSRB,
en hann var þó samþykktur við allsherjaratkvæðagreiðslu
með 6.210 atkvæðum, en 1.318 voru á móti. Mjög margir
skiluðu auðu eða 2.100 manns.
Hinn 6. nóvember sömdu ASÍ og VSÍ um svipaðar
kaupbreytingar og samið hafið verið um í BSRB-samning-
unum. Einnig var samið um afnám hins svonefnda tvöfalda
kerfis. Síðar í mánuðinum sömdu bankamenn við sína
viðsemjendur.
Á fundum hjá Kennarasambandi íslands og Hinu ís-
lenzka kennarafélagi í byrjun júní var samþykkt að stofna
kennarasamband. Stefnt skyldi að því að afla hinu nýja
félagi samningsréttar. í júlí var síðan stofnað Bandalag
kennarafélaga, sem í fyrstu átti að vera félag til þess að
sinna sameiginlegum faglegum verkefnum kennara en síðar
að verða kjaramálafélag. Fyrsti formaður BK var kjörin
Svanhildur Kaaber. Það hóf fljótlega útgáfu félagsblaðs.
Á 6. þingi BHM í nóvember var Gunnar G. Schram
endurkjörinn formaður og Ragnheiður Torfadóttir varafor-
maður. — 35. þing ASÍ var haldið í Reykjavík seint í
nóvember. Ásmundur Stefánsson var endurkjörinn forseti,
Björn Þórhallsson var kjörinn 1. varaforseti og Guðríður
Elíasdóttir 2. varaforseti, sem er nýtt trúnaðarstarf hjá
samtökunum. Fjölgað var í miðstjórn úr 13 í 16.
Árið 1984 var í tölu hinna umbrotasamari á íslenzkum
vinnumarkaði og töldust vinnustöðvunardagar alls 301.099.
Er það hæsta tala síðan 1976. Rúmlega 12.000 launþegar
tóku þátt í þessum vinnustöðvunum.
Vísitala
Vísitala framfærslukostnaðar í Reykjavík, sem sett var í
100 stig 2. janúar 1981, var 397 stig 1. febrúar 1984.
Með lögum frá 22. marz var ákveðinn nýr grundvöllur
(190)