Almanak Hins íslenska þjóðvinafélags - 01.01.1986, Page 194

út BSRB-tíðindi liðlega tuttugu sinnum. Útgefendur ísa-
foldar gáfu út Verkfallstíðindi, a.m.k. 12 tölublöð. Vinnu-
veitendasambandið gaf út 3 tölublöð af VSÍ-fréttum. -
Össur Skarphéðinsson var í október ráðinn ritstjóri Þjóð-
viljans, en Einar Karl Haraldsson lét af því starfi. —
Tímaritið Lúxus hóf göngu sína í desember.
Bókagjöf. Hjónin Kristín Jónsdóttir og séra Eiríkur J.
Eiríksson gáfu Bæjar- og héraðsbókasafninu á Selfossi
bókasafn sitt. í því eru um 30.000 bindi.
Bókamarkaður. Mest seldu bækur í desember voru þess-
ar: Á Gljúfrasteini eftir Eddu Andrésdóttur, Dyr dauðans
eftir Alistair McLean, Fimmtán ára á föstu eftir Eðvarð
Ingólfsson, Guðmundur skipherra Kjærnested eftir Svein
Sæmundsson, Töff týpa á föstu eftir Andrés Indriðason og
Jón G. Sólnes eftir Halldór Halldórsson. — Dýrasta bók
ársins í framleiðslu var Ensk-íslenzk orðabók, sem út kom í
desember. Hún var sögð hafa kostað útgefandann Örn og
Örlyg um 40 milljónir króna.
Dans. Dans ársins var breik eða skrykkdans.
Dýrasta einbýlishúsið. Hús píanósnillingsins Vladimirs
Askenazys við Brekkugerði í Reykjavík var í ágúst selt fyrir
u.þ.b. 15 milljónir króna.
Efnahags- og félagsmálaráð SÞ. Hinn 22. október var
fulltrúi íslands í fyrsta sinn kosinn til setu í Efnahags- og
félagsmálaráði Sameinuðu þjóðanna. Hann var kosinn til
þriggja ára frá 1. janúar 1985.
Eðlisfræðikeppni. Efnt var í fyrsta sinn til keppni í eðlis-
fræði milli nemenda í framhaldsskólum. Finnur Lárusson
MH sigraði. Hann keppti ásamt Vilhjálmi Þorsteinssyni
MH á svonefndum Ólympíuleikum í eðlisfræði í Sigtúnum í
Svíþjóð. Þeir urðu heldur aftarlega.
Fegurðardrottning. í maí var Berglind Johansen kosin
fegurðardrottning íslands. Guðlaug Stella Brynjólfsdóttir
var kosin ungfrú Reykjavík.
Fjallgöngumet. í febrúar komst Hermann Valsson frá
Reykjavík upp í 6.959 m hæð í fjallinu Aconcagua í Andes-
fjöllum.
(192)