Almanak Hins íslenska þjóðvinafélags - 01.01.1986, Page 196

Fornleifar. Áfram var haldið rannsóknum á Stóru-Borg
og lokið við athugun á tveimur útihúsum. í Þingnesi fannst
rúst, sem gæti verið frá því um 900. Þá voru gerðar nokkrar
athuganir í Skálholti, á Þórustöðum á Vatnsleysuströnd og í
Grunnasundsnesi við Stykkishólm.
Gamlárskvöldsgrín. Árinu lauk hjá sumum með því, að
myndum af ráðherrum og nokkrum stjórnmálamönnum var
skotið upp í loftið á skátaflugeldum.
Gjaldþrotum fjölgaði. Talið er, að gjaldþrotamálum hafi
fjölgað um 200% á árinu hjá borgarfógetaembættinu í
Reykjavík.
Guðbrandsbiblía. Fjögur hundruð ár voru liðin frá út-
komu Guðbrandsbiblíu. Af því tilefni var hún ljósprentuð
öðru sinni, og var fyrsta eintakið afhent biskupi á Hóla-
hátíð 12. ágúst. Bókin kostaði 35.000 kr.
Guðlast. í janúar var sjónvarpsþáttur Dave Allen kærður
fyrir guðlast. Ríkissaksóknari vildi ekki sinna kærunni.
Hár aldur. 24. janúar varð Jenny Guðmundsdóttir frá
Vestmannaeyjum 105 ára, en hún var þá elzt íslendinga.
Næstelzt var Guðrún Þórðardóttir á Húsavík, sem náði 105
ára aldri 10. september. Sigurður Magnússon í Stykkis-
hólmi varð 104 ára 3. apríl
Heilbrigðismál. Hinn 6. janúar vígði Matthías Bjarnason
heilbrigðisráðherra endurhæfingarstöð heyrnarskertra á
Klapparstíg í Reykjavík. — Sullaveiki var greind í manni á
Akureyrarspítala, en þessi sjúkdómur hafði þá ekki komið
fram á íslandi í fjöldamörg ár. Síðast dó maður úr sullaveiki
á íslandi 1961. — Oddfellowar gáfu landssamtökum hjarta-
sjúklinga 938 þúsund kr. til kaupa á hjartasónartæki. Heil-
brigðisráðherra ákvað að láta hefja undirbúning að hjarta-
skurðlækningum hér á landi, sem skyldu þá byrja árið 1986.
Hornbjargsviti. Jóhann Pétursson vitavörður lét af starfi í
byrjun júlí eftir 24 ára dvöl í vitanum.
Hœstiréttur. 7. marz var dæmt í skaðabótamáli fyrir
hæstarétti. Það nýmæli var við málsmeðferð, að 7 dómarar
unnu að málinu og dæmdu í því í stað 5 eða 3 eins og tíðkazt
hafði til þessa.
(194)