Almanak Hins íslenska þjóðvinafélags - 01.01.1987, Blaðsíða 64
MYRKVAR 1987
Sólmyrkvar
1. Hringmyrkvi og almyrkvi á sólu 29. mars. Sést syðst í Suður-
Ameríku, á Suður-Atlantshafi og í Mið- og Austur-Afríku. Við
upphaf og enda ferilsins verður hringmyrkvi, en miðsvæðis á feriin-
um nær tunglið að skyggja á sólina alla.
2. Hringmyrkvi á sólu 23. september. Sést í Kína og á Kyrrahafi.
Tunglmyrkvar
1. Hálfskuggamyrkvi á tungli 14. apríl. Myrkvinn hefst (tungl snertir
hálfskuggann) kl. 00 20, og honum lýkur kl. 04 18. Þegar myrkvinn
er mestur, kl. 02 19, hylur hálfskugginn 80% af þvermáli tungls.
Tungl er þá á suðurhimni í Reykjavík, fremur lágt á lofti. Þess ber
að geta, að hálfskugginn er mjög daufur og myrkvar af þessu tagi
því mun tilkomuminni en alskuggamyrkvar.
2. Hálfskuggamyrkvi á tungli 7. október. Tungl snertir hálfskuggann
kl. 01 53, en er laust við hann aftur kl. 06 10. Þegar myrkvinn er
mestur, kl. 04 02, hylur hálfskugginn tunglið allt. Tungl er þá í
suðvestur frá Reykjavík. Sem fyrr segir, er hálfskugginn daufur og
fyrirbærið því ekki sérlega áberandi.
Stjörnumyrkvar
Stjörnumyrkvi verður þegar tungl gengur fyrir stjörnu frá jörðu séð.
Hverfur þá stjarnan bak við austurrönd tungls, en kemur aftur í Ijós
við vesturröndina. Ef stjarnan er ekki sérlega björt, sést fyrirbærið
aðeins í sjónauka.
í töflunni á næstu síðu eru upplýsingar um alla helstu stjörnumyrkva
sem sjást munu hér á landi á þessu ári. Tímarnir, sem gefnir eru upp á
tíunda hluta úr mínútu, eru reiknaðir fyrir Reykjavík. Annars staðar á
landinu getur munað nokkrum mínútum. Nöfn stjarnanna eru ýmist
dregin af latneskum heitum stjörnumerkja eða númeri í stjörnuskrá.
Þannig merkir n Taur stjörnuna Kappa (grískur bókstafur) í stjörnu-
merkinu Taurus (Nautið), en ZC vísar til stjörnuskrárinnar Zodiacal
Catalogue. Með birtu er átt við birtustig stjörnunnar. f aftasta dálki er
sýnt hvort stjarnan er að hverfa (H) eða birtast (B) og hvar á tungl-
röndinni það gerist. Tölurnar merkja gráður sem reiknast frá norður-
punkti tunglskífunnar (næst pólstjörnunni) til austurs. 0° er nyrst á
skífunni, 90° austast, 180° syðst og 270° vestast.
(62)