Almanak Hins íslenska þjóðvinafélags - 01.01.1987, Blaðsíða 102

móti hinn hlýjasti í 20 ár á Akureyri og í 10 ár í Reykjavík. í
nóvember komu frostakaflar fyrst og síðast í mánuðinum,
en um miðjan mánuðinn gerði stórviðri af suðri með miklu
úrfelli. Mestu veðrin komu 15. og 17. nóvember og urðu
nokkrir skaðar á húsum á höfuðborgarsvæðinu, í Borgar-
firði, Dýrafirði og Húnaþingi. Desember var heldur kaldur,
en veður voru stillt og lítið um snjóalög, a.m.k. fram undir
jól.
Hafís. Lítið var um hafís við landið.
Brunar
Hinn 17. janúar kom upp eldur í risi á húsi við Vestur-
götu í Reykjavík. Húsið var í endurbyggingu og urðu á því
verulegar skemmdir. — 22. janúar brann verksmiðjuhús-
næði við Skemmuveg í Kópavogi. — 16. febrúar kom upp
eldur í húsi við Arnarhraun í Hafnarfirði. Tveir bræður,
fjögurra og átta ára, létust í brunanum. Sama dag varð
eldur laus í Brekkubæjarskóla á Akranesi. Skemmdir urðu
nokkrar. — 11. marz kom upp eldur í verzluninni Grund á
Flúðum í Hrunamannahreppi. Húsið skemmdist mikið og
vörubirgðir eyðilögðust. — 3. apríl var kveikt í sinu við
fiskverkunarstöð BÚR á Meistaravöllum. Eldurinn læsti sig
í stöðina, og eyðilögðust þar um 2.800 fiskkassar. — 10.
apríl varð mikið tjón af eldi í garðyrkjustöðinni að Reykja-
flöt í Hrunamannahreppi. — 5. júní kviknaði í húsi við
Brekkugötu á Akureyri og urðu á því miklar skemmdir. —
íbúðarhús við Breiðumörk í Hveragerði stórskemmdist í
eldi 30. júní. — 14. júlí kom upp eldur í íbúðarhúsi við
Vesturháls í Reykjavík og urðu þar verulegar skemmdir. —
20. júlí kviknaði í íbúðarhúsi á Kjalarnesi og í Fjarðarkaffi í
Hafnarfirði. Skemmdir urðu litlar á báðum stöðum. - 24.
júlí varð eldur laus í risi á íbúðarhúsi við Faxastíg í Vest-
mannaeyjum. Töluverðar skemmdir urðu. — 28. júlí kom
upp eldur í húsi við Jöklasel í Reykjavík, og urðu þar
skemmdir á eldhúsi. — 2. ágúst kviknaði í sorpgeymslu við
Miðbæjarmarkaðinn í Reykjavík. Töluverðar skemmdir
(100)