Almanak Hins íslenska þjóðvinafélags - 01.01.1987, Blaðsíða 148
lands og hið sama gerðist aftur viku seinna. 4. október féll
400 m breitt aurhlaup úr fjallinu Grýtu við Seyðisfjörð. 22.
október féllu fimm aurskriður úr Bíldudalsfjalli niður í
kauptúnið og hlutust af nokkrar skemmdir. Gífurleg úr-
koma var dagana á undan eða um 200 mm á 36 stundum. 15.
nóvember gekk mikið suðvestanveður yfir Vesturland og
komst veðurhæðin yfir 100 hnúta í Hvalfirði, en í Reykjavík
varð hún mest 83 hnútar. í veðrinu rak Urriðafoss á land
við Grundartanga og nokkrar skemmdir urðu á húsum.
Óveður þetta stóð venju fremur lengi. 26. desember féll
snjóflóð á olíutank ísbjarnarins í Seyðisfirði og rann tölu-
vert af svartolíu í sjóinn.
Deilur stóðu í janúar um endurnýjun á leyfi til töku
kísilgúrs úr Mývatni. Iðnaðarráðherra veitti leyfi til 15 ára,
en Náttúruverndarráð vildi ekki veita leyfi nema til 5 ára. —
Tiltakanlega stór þorskur kom á land í Vestmannaeyjum í
marz. Hann var 1,55 m á lengd og vó 23 kg. — Flamingói
flæktist til íslands í byrjun apríl, líklega úr dýragarði á
Bretlandseyjum. Hann náðist á Mýrum eystra. — í maí var
enn stolið fálkaeggjum og nú úr hreiðri f Mývatnssveit.
Alræmdur þýzkur eggjaræningi var hér á ferð, og er talið,
að hann hafi sloppið úr landi með fenginn. — í júní kom
fram, að þrjár tegundir af geitungum hefðu fundizt á Akur-
eyri, vespula vulgaris, vespula norvegica og vespula crabro.
— í júní hófust umfangsmiklar mælingar á aðdráttarafli
jarðar á íslandi. Orkustofnun tók að sér þetta verkefni, en
Bandankjamenn greiddu kostnað. — í júlí rak stóran guð-
lax á land í Njarðvíkum. — í ágúst olli krossnefur, flækings-
fugl austan úr Rússlandi, stórtjóni á lerkifræi í Hallorms-
staðaskógi. f sama mánuði fannst snæugluhreiður, hið
fyrsta í 28 ár. — í september veiddist við Papey einhver
stærsti steinbítur, sem vitað er til að veiðzt hafi við landið.
Hann var 1,19 m á lengd og vó 16 kg. - í október veiddist
risastór bleikja í Skorradalsvatni. Hún var 87,5 cm á lengd
og vó 11 kg. Töldu menn þetta stærstu bleikju, sem veiðzt
hefði á íslandi. — Rjúpnaveiði hófst að venju 15. október,
og töldu menn rjúpu með mesta móti
(146)