Almanak Hins íslenska þjóðvinafélags - 01.01.1987, Blaðsíða 101
Árferði
Árið 1985 var víðast hvar um landið talið gott ár. Hitafar
var að vísu nokkuð undir meðaltali, en veturinn var snjó-
léttur og sumarið sólríkt nema í júlí og ágúst á Norður- og
Austurlandi.
í Reykjavík var meðalhiti ársins 4,4 stig, sem er 0,6
stigum undir meðaltali áranna 1931 — 1960. Sólskinsstundir í
Reykjavík voru 1.406,8, en meðaltal áranna 1931 — 1960 er
1.249 og er því ljóst, að sólin skein meira en í meðalári yfir
Reykvíkinga. Einkum var ágúst sólríkur, en þá skein sólin í
212 stundir og er það mesta sólskin í þeim mánuði síðan
1965. Úrkoma í Reykjavík varð 665 mm, sem er 83% af
meðalúrkomu. í ágúst var úrkoma aðeins 18 mm, sem var
minnsta úrkoma í þeim mánuði síðan 1963.
Á Akureyri var meðalhiti ársins aðeins 2,9 stig, sem er
1,0 stigi undir meðaltali áranna 1931-1960. Sólskinsstundir
á Akureyri voru 979,7, sem er um 20 stundum yfir meðal-
tali áranna 1931 — 1960. Úrkoma á Akureyri var 467 mm,
sem er aðeins undir meðaltali. Mjög var úrkomusamt í
ágúst og rigndi alls 65 mm, sem er mesta úrkoma á Akur-
eyri í þeim mánuði síðan 1961.
í janúar var hlýtt og snjólétt um allt land fyrri hluta
mánaðarins, en nokkuð kólnaði og setti niður snjó norðan-
lands og austan síðari hluta mánaðarins. Var heldur kalt
fyrir norðan fram undir miðjan febrúar, en þá hlýnaði.
Áfram var snjólétt, og hélzt svo út marz, en fyrri hluta þess
mánaðar voru suðlægir vindar ráðandi. í apríl var meðalhiti
í Reykjavík heldur hærri en í meðalári en heldur undir
meðaltali á Akureyri. Nokkur snjór var fyrir norðan fyrri
hluta mánaðarins, en hann tók upp um miðjan mánuðinn. í
maí var hiti almennt nálægt meðaltali, en úrkoma var mikil
fyrir norðan, þurrt fyrir sunnan. Júní, júlí og ágúst voru allir
heldur svalir og úrkomusamir á Norður- og Austurlandi, en
þurrir og sólríkir fyrir sunnan. f september var veður með
eindæmum stillt, og nú var þurrviðrasamt um allt land. Hiti
var undir meðaltali í september, en október varð aftur á
(99)