Almanak Hins íslenska þjóðvinafélags - 01.01.1987, Blaðsíða 193
bilinu janúar til júní var að meðaltali 45.351 eintak á dag.
Helgarpósturinn kom á tímabilinu út í 14.863 eintökum að
meðaltali, Mannlíf í 13.605, Gestgjafinn í 9.940, Heilbrigð-
ismál í 7.113, Dagur í 5.990. — í febrúar voru Eðvarð
Ingólfsson og Karl Helgason ráðnir ritstjórar Æskunnar.
Þeir tóku við af Grími Engilberts, sem verið hafði ritstjóri
blaðsins í 28 ár. — Halldór Halldórsson var í marz ráðinn
ritstjóri Helgarpóstsins. - 22. apríl hætti NT að koma út á
mánudögum og í kjölfar þess urðu miklar deilur milli
ritstjóra og útgáfustjórnar. Skömmu síðar hætti Magnús
Ólafsson ritstjóri störfum og með honum nokkrir af rit-
stjórn blaðsins. Helgi Pétursson var í lok maí ráðinn rit-
stjóri í hans stað. — Leó M. Jónsson var í ágúst ráðinn
ritstjóri Viðskipta- og tölvublaðsins. — Árni Gunnarsson
tók í október við starfi ritstjóra Alþýðublaðsins. — Tímarit-
ið Storð hætti að koma út í október. — Guðjón Friðriksson
blaðamaður á Þjóðviljanum fékk í október móðurmáls-
verðlaun blaðanna úr Minningarsjóði Björns Jónssonar.
Bókamarkaður. Mest seldu bækur í desember voru þess-
ar: Sextán ára í sambúð eftir Eðvarð Ingólfsson, Njósnir á
hafinu eftir Alistair Mclean, Lífssaga baráttukonu eftir
Ingu Huld Hákonardóttur, Guðmundur skipherra Kjærne-
sted eftir Svein Sæmundsson, Löglegt en siðlaust eftir Jón
Orm Halldórsson. — Talið er, að fimm söluhæstu bækurnar
hafi selzt í 6.000-7.000 eintaka upplagi.
Crymogœa. Hið þekkta landkynningarrit Arngríms
lærða, Crymogæa, sem fyrst var gefið út í Hamborg árið
1610, kom loks út í íslenzkri þýðingu í desember. Ritið
þýddi dr. Jakob Benediktsson úr latínu, en útgefandi er
Sögufélag.
Einkaskóli. Seint í júní var kunngert, að tveir kennarar,
Margrét Theódórsdóttir og María S. Héðinsdóttir, ætluðu
sér að stofna einkaskóla í Reykjavík. Ýmsir urðu til þess að
gagnrýna þessa fyrirætlun, en hún naut velvilja
menntamálaráðuneytis og borgarstjórnar. Skólinn tók til
starfa í gamla Miðbæjarskólahúsinu í september, og voru í
honum um 100 nemendur.
(191)