Dagblaðið Vísir - DV - 23.04.2005, Page 39

DV Helgarblað
LAUGARDAGUR 23. APRÍL 2005 39
Fjölskyldan Björk, Gunnar, Ásgrlmur og Óli Gunnar á góöri stundu.
um saman ábyggilega átta eða níu
sinnum og eigum metið í Leiklist-
arskólanum. Fólk var mjög oft ekk-
ert visst um hvort við værum sam-
an eða alveg brjáluð út í hvort
annað," segir Björk og bætir við að
þau hafi bæði verið dálítið skrítin.
„Á þessum tíma leigðum við á sitt
hvorum staðnum í miðbænum og
eitt sinn þegar einhver stífiii var á
milli okkar fór ég að átta mig á því
um þrjúleytið á djamminu hvað ég
elskaði hann mikið. Ég ákvað því
að klifra til hans upp á fjórðu hæð
sem var heljarinnar ævintýri. Ég
vó mig upp á svalirnar í frostinu en
þegar ég bankaði á gluggann var
hann ekki heima. Hann hafði
ákveðið að klifra upp til mín, hafði
fikrað sig eftir þakinu og barið á
gluggann hjá mér en ég var nátt-
úrulega ekki heldur heima. í kjöl-
farið vorum við alveg brjáluð við
hvort annað og töluðumst ekki við
í viku,“ segir Björk og bætir við að
þau hafi tekið út skilnaðinn þetta
fyrsta ár. „Eftir að við giftumst, 17.
júní 1995, þá höfum við hangið
saman. Þessi dagur er samt ömur-
legur sem brúðkaupsdagur því
síðan við giftumst hefur Gunni
eytt þeim öllum með Felix," segir
hún hlæjandi.
Hafnfirðingur í húð og hár
Björk er Hafnfirðingur £ húð og
hár og hefur búið þar alla sfna ævi
fyrir utan stutt stopp í miðborg-
inni þegar hún var í náminu. Hún
segist hafa dregið Gunna með sér í
Fjörðinn enda séu Hafnfirðingar
innræktuð þjóð og hún hafi neyðst
til að sækja ný gen utan bæjarins.
„Eftir að hafa dundað með honum
í miðbænum varð ég ófrísk og vildi
fara í Hafnarfjörðinn aftur. Hann
reyndi að sýna mér hús í Vogunum
þar sem hann var uppalinn sem ég
skoðaði með mikilli neikvæðni og
svo fórum við beint í Hafnarfjörö-
inn, enda miklu betri íbúðir og á
betra verði og við höfum búið í
sama hverfinu síðan.
Ég bjó alltaf við mikið öryggi í
æsku og hef erft þessa þörf fyrir
festu þegar kemur að fjölskyldulíf-
inu frá móður minni. í vinnunni er
málunum hins vegar allt öðruvísi
háttað, þar er ég tarnamanneskja,
en þegar kemur að börnunum
mínum vil ég sem minnstar breyt-
ingar. Ef manni líður vel finnst
mér óþarfi að vera að skipta um
skólahverfi bara til að komast í
flottara hús.“
Sú skrítna í fjölskyldunni
Móðir Bjarkar heitir Ragn-
heiður Ragnarsdóttir og blóðfaðir
hennar Jakob Traustason en stjúp-
faðir er Egill Þórðarson. Hún segir
fjölskylduna afar samheldna og að
bamaafinælin fari upp í 50 manna
veislur. „Þetta er frábær fjölskylda
og einstaklega samheldin. Barna-
afmælin eru fljót að breytast í
fermingarveislur en ég er alveg til í
að leggja það á mig því £ fyrsta lagi
er mér boðið svo oft f staðinn og í
öðru lagi finnst mér það þess virði
að halda tvær stórar veislur á ári til
að halda þessari tengingu. Við
erum lfka dugleg að fara saman £
útilegur og f sumarbústað. Fjöl-
skyldan er mikið kvennaveldi þar
sem konur tala hátt og mikið og
stjórna af röggsemi, þannig að
þetta er genetfsk athyglissýki,"
segir Björk og bætir við að hún sé
sú skrítna í fjölskyldunni. „Ég
klæði mig til dæmis öðruvísi, er
alltaf eins og eilífðarunglingur til
fara á meðan aðrar konur í fjöl-
skyldunni eru mjög smekklegar."
Björk er elst þriggja systkina og
segir mömmu sína hafa alltafstað-
ið við bakið á sér í því sem hún
„Þetta hefur verið
minn akkilesarhæll og
hefur fylgt mér alveg
frá barnæsku og ég
man að mamma bað
mig oft um að draga
fyrir svona réttá
meðan ég háttaði."
hafi tekið sér fyrir hendur. Hún
hafi verið sú eina sem valdi leik-
listina, flestir séu annað hvort
læknar, hjúkrunarfræðingar eða
verkfiæðingar. „Ég veit að
mamma er montin af mér þótt
hún sé ekki alltaf að segja mér það
og ég held að hún hafi verið mun
stressaðri en ég þegar ég fór í inn-
tökuprófið. Hún og stjúppabbi
minn eru í einu orði sagt frábær og
hefur tekist að gera úr manni heil-
brigðan einstakling. Ég held því að
ég sé mjög heppin með Qöl-
skyldu," segir hún en Björk og
Gunni eiga tvo syni, Ásgrím sem er
11 ára og Óla Gunnar sem er 5 ára.
Stjörnur framtíðarinnar í
Múlan Rús
Þessa dagana er Björk á fullu
við að sviðsetja söngleikinn Múlan
Rús með nemendum í FG uppi í
Loftkastala. Múlan Rús, sem er
leikgerð sem Björk vann upp úr
samnefndri kvikmynd, hlaut svo
góðar undirtektir að hún verður
sett upp í Loftkastalanum sem
sumarsýning. „Þetta er náttúru-
lega þvflíkur heiður og viðurkenn-
ing fyrir krakkana og segir okkur
að við séum með eitthvað gott í
höndunum," segir Björk og bætir
við að hún sé þess fullviss að á
meðal krakkanna leynist stjörnur
framtíðarinnar og það á mörgum
sviðum. „Þetta er söngleikur frá a
til ö og ég blæs á þetta „heimur
versnandi fer“ hugtak. Það er búið
að vera frábært að vinna með
þessum unglingum og mér finnst
að það ætti að vera endurmennt-
unarkrafa á leikara, við ættum öll
að prófa að vinna með þessari
orkuuppsprettu, þar sem fólk er að
þessu af hreinum eldmóði og það
er ekkert sem þau eru ekki til í að
leggja á sig,“ segir Björk og bætir
við að þau stefni á að frumsýna í
kringum 20. maí.
Lítið fjallað um miðaldra
konur
Auk Múlan Rús er Björk að
vinna að kvikmyndahandriti og er
komin f samstarf við þrjár íslensk-
ar systur sem reka kvikmyndafyr-
irtæki í Hollywood. Stefnt er að því
að byrja að taka upp í mars svo
Björk hefur nóg að gera við að
klára handritið. Hún hefur verið
með handritið í huganum í þrjú ár
þar sem Sellófan var upphaflega
gert úr byrjunarsenu þess. „Þegar
ég byrjaði á þessu hafði enginn trú
á að ég gæti gert bíómynd. Enginn
var tilbúinn að styrkja mig eða
vinna með mér enda var ég ekki
búin að sanna mig á þessum tfma
þar sem þetta var það fyrsta sem
ég skrifaði. En þar sem ég átti eng-
an pening og varð að gera eitthvað
ákvað ég að búa tfl leikrit með ein-
um leikara upp úr handritinu. Sag-
an í myndinni er samt allt önnur
og mun dramatískari," segir Björk.
Hún viðurkennir að vilja leika að-
alhlutverkið sjálf verði myndin
sýnd hér heima enda hafi hún
leikið þessa týpu í tvö og hálft ár
og sé búin að lifa með hana í höfð-
inu f þrjú ár. Ástæðuna fyrir því að
hún sé að skrifa þetta segir hún
vera þá að löngu sé kominn tími til
að fjalla um konur á hennar aldri.
„Það er búið að fjalla um ungar
konur og ofboðslega mikið um
karlmenn en lítið um íslenskar
konur sem eru að nálgast miðjan
aldur og ég vona að fólk hér heima
sé tflbúið að gefa manni séns til að
fjalla um þennan hóp."
Sellófan sýnt um allan heim
Leikritið Sellófan hefur verið
tekið til sýninga í mörgum lönd-
um. Björk mun leikstýra verkinu í
Finnlandi og Færeyingar hafa
einnig sýnt áhuga á að fá hana.
Hún hefúr þegar sótt þrjár frum-
sýningar og segir hún það undar-
lega tflfinningu að horfa á eigið
verk flutt á erlendu tungumáli.
„Sellófan hefur verið sýnt í Belgíu,
Sviss, Danmörku, Þýskalandi,
Tékklandi, ítalfu og Svíþjóð og
Ameríka hefur sýnt áhuga þannig
að þetta gengur mjög vel. Það er
ótrúlega gaman en stressandi að
horfa á þessar sýningar enda líður
mér alltaf eins og ég sé að frum-
sýna sjálf. Uppsetningar takast
misvel og aðsókn fer eftir því en f
flestum tilvikum gengur mjög vel
og verkið fær alls staðar mjög góða
dóma.“
Neyðin kennir naktri konu
að spinna
Eftir að Björk útskrifaðist sem
leikkona varð hún fljódega ófrísk
af eldri syninum. Þar með datt
dampurinn niður hjá henni og
hún segir það hafa verið erfitt að
komast inn eftir það og hjólin hafi
ekki farið að snúast af alvöru fyrr
en nú undanfarið. „Gunni hafði
alltaf miklu meira að gera en ég í
byrjun og það er ekki fyrr en núna
að ég er komin með jajfnvel meira
en hann. Það rflcir ekki samkeppni
á milli okkar en það er oft erfitt
þegar hlutirnir eru ekki í jafnvægi
og annað hefur meira að gera en
hitt og heimilisverkin lenda á
þeim aðfla. Ég held að næsta ár
verði frábært, þá náum við að
skiptast mikið á. Á meðan hann
verður í Finnlandi að leikstýra
mun ég vera heima og skrifa og
svo fer ég út,“ segir Björk og bætir
við að hún hafi verið dugleg í
gegnum tíðina að redda sér sjálf.
„Fólk hefur ekki verið að láta
mig fá eitthvað að gera heldur hef
ég búið mér til þetta sjálf. Sellófan
var skrifað út frá algjörri neyð. Það
var annað hvort að selja húsið eða
reyna að gera eitthvað. Það er
ótrúlegt hvað gerist þegar mánað-
arreikningarnir streyma inn og þú
hefur ekkert til að borga þá með.
Utanaðkomandi aðstæður gerðu
það að verkum að verkið spratt út
úr mér enda má ég ekki við því að
vera launalaus í tvo, þrjá mánuði.
Ef ekkert kemur til mín, þá bý ég
það bara til, held fyrirlestra og
skemmtanir og allt þetta hjálpar
manni svo að þróast. Neyðin
kennir nefnilega naktri konu að
spinna."
Er ekki í púðum og sófum
Björk vill þó ekki viðurkenna að
hún sé eitthvað sterkari karakter
en aðrir, að hún kunni að redda
sér á meðan aðrir væru kannski
búnir að gefast upp. „Ég vfl ekki
flokka fólk niður í þessa og þessa
týpu. Við getum öll tekið svo
margar u-beygjur á ævinni enda er
ég allt öðruvísi týpa nú en ég var
fyrir fimm árum. Þá var ég mun
lokaðri, feimnari og óöruggari en
svo gæti ég auðveldlega lokast aft-
ur ef hlutirnir hætta að virka hjá
mér. Ef allt sem ég skrifa er vont og
lélegt enda ég ábyggilega þar aftur.
Við breytumst nefnflega eftir að-
stæðum. Við konur förum upp og
niður, verðum ófrískar og förum á
blæðingar og okkar starfsferill get-
ur því aldrei verið þráðbein lína
eins og hjá körlunum. Þegar við
erum ófrískar eða með lítfl börn,
þá viljum við flestar vera eins mik-
ið heima og við getum. Við förum
einhvem veginn inn í okkur og
viljum ekkert ytra áreiti. Það mikil-
vægasta sem við hugsum um er að
setja upp nýjar gardínur áður en
barnið fæðist og bóna eldhús-
borðið og fá sér nýja púða í
sófann. Ég er ekki í púðum og sóf-
um þessa stundina og finnst ofsa-
lega gaman að vera til. Ég fæ þús-
und hugmyndir á dag og það er
svo gaman þegar heimurinn opn-
ast fyrir manni. f fyrsta skiptið í
langan tíma er ég búin að leggja
næsta vetur í vinnu sem er ótrú-
legur léttir því haustin hafa hingað
til byrjað á því að maður er með
svipuna á eftir sér að borga niður
skuldirnar."
Kostur að vera gift leikara
Björk segir að þeirri staðreynd
að hún og Gunni séu bæði leikarar
fylgi bæði kostir og gallar. Þau séu
oftast bæði heima þegar strákarnir
komi úr skólanum en fari síðan í
vinnuna á kvöldin. Hún segir að
þau Gunni séu lítið að kássast upp
á hvort annað á æfingatímabilinu
en það sé gott að geta leitað eftir
aðstoð hvors annars. „Við kíkjum
alltaf á æfingu hjá hvoru öðru og
sérstaklega þegar við emm að leik-
stýra. Það er gott að geta komið
heim og rætt hlutina og leitað eftir
aðstoð og ég held að við virkum
þannig á hvort annað. Við emm
ekkert að troða okkar skoðunum
hvort upp á annað. Ég verð ofsa-
lega pirmð ef hann fer að segja
mér fyrir verkum. Það eru náttúm-
lega kostir og gallar að vera bæði í
þessum heimi en mér finnst kost-
irnir fleiri. Hann hefur skflning á
því sem ég er að gera og ég virði
hann faglega mjög mikið og ég
held að hann virði mig að sama
skapi. Það er frábært að'eiga fag-
legan vin sem er alltaf tilbúinn að
ræða um vinnuna því það eru ekki
allir sem nenna því endalaust."
Strákarnir aldrei of gamlir
fyrir Rómeó
Björk er meira en hæfileikarfk
leikkóna. Hún hefur auk þess
samið og leikstýrt auk þess sem
hún skemmtir um helgar. Hún seg-
ir að stelpur sem séu að klára leik-
listarskólann megi alveg búa sig
undir að þurfa að gera meira en að
leika enda sé lítið um hlutverk fyrir
konur á miðjum aldri. „Það em
mun fleiri hlutverk fyrir strákana
og við konurnar dettum fyrr út. Ég
er á þeim aldri sem er að detta út,
er varla orðin nógu gömul tfl að
leika móður tuttugu ára en samt of
gömul til að leika aðalhlutverkið.
Það er því ekki mikið af hlutverk-
um fyrir konur á mfnum aldri þótt
strákarnir á sama aldri séu enn að
leika Rómeó," segir Björk en bætir
við að möguleikarnir séu samt
endalausir. Konur þurfi einfaldlega
að koma auga á þá.
Ómöguleg í öllu öðru
Þrátt fyrir að hafa farið í leiklist-
ina fyrir tilvfljun segist Björk ekki
hafa trú á sér í nokkm öðru starfi.
„Ég þoli ekki rútínu í starfi á meðan
ég þarf að hafa mikla reglu á hvar
ég bý og hvernig ég el upp börnin
mín. Ég sé ekki eftir þessu starfsvali
enda held ég að ég væri handónýt-
ur starfskraftur í nokkru öðm.
Mér líður mjög vel í dag, ég er
hamingjusöm, á góða fjölskyldu og
það gengur vel í vinnunni, og ég
stefni á að halda því áfram. í haust
byrja ég vonandi með nýtt kvenna-
uppistand og ætía þá að finna fleiri
fýndnar konur sem eru í neyð.
Gunni mun eyða næstu sex vikum
úti í Finnlandi svo ég verð ein
heima með vinnuna, börnin, allt
skutlið, 200 frrT húsið og svo var ég
að fá mér nýjan hund. Við verðum
því ekkert voðalega mikið saman
þetta árið sem verður tilbreyting
því við höfum mikið unnið saman
hingað tfl. Það verður kannski til
þess að við fömm að meta hvort
annað upp á nýtt, skrifum hvort
öðm ástarbréf og annað sem vill
gleymast þegar maður hangir alltaf
saman."
indiana@dv.is
Björk Jakobsdóttir „Fólk hefur ekki veriö aö iáta mig fá eitthvaö aö gera heldur hefég búiö
mér tilþetta sjálf. Sellófan var skrifaö út frá algjörri neyö. Þaö var annaö hvort aö selja húsiö
eöa reyna að gera eitthvaö.“