Ægir - 01.05.2002, Blaðsíða 11
11
E R L E N T
Marian Seafood í Noregi notar
sérstaka gasblöndu þegar fiski er
pakkað í neytendaumbúðir til
þess að hann haldist lengur fersk-
ur. Aðferðin hefur verið notuð við
pökkun mjólkur og kjöts en hún
er nýmæli í fisksölu til neytenda í
Noregi og öðrum Norðurlöndum.
Ferskur fiskur
Mjólkurframleiðandinn Tine og
Norsk Kjøtt stofnuðu fyrirtækið
og vörumerkið Marian Seafood og
nota dreifingarkerfi mjólkur og
kjöts til að dreifa líka ferskum
fiski daglega út í búðirnar. Fisk-
urinn er kominn í kæliborð í
búðunum daginn eftir að honum
er pakkað.
„Við erum í samstarfi við
Coop-verslunarkeðjuna og ætlun
okkar er að verða leiðandi á Norð-
urlöndum í fersku sjófangi,“ hef-
ur Fiskaren eftir Eivind Nydal hjá
Marian Seafood.
Reynslutími
Eftir að hafa um skeið séð tíu
Coop-búðum fyrir gaspökkuðum
fiski til reynslu færir Marian
Seafood út kvíarnar og pakkar
ferskum ófrosnum ufsa, þorski,
laxi og margs konar öðru árstíða-
bundnu sjávarfangi í neytenda-
umbúðir.
„Við sjáum stórt gat í norskan
og norrænan neytendamarkað fyr-
ir fisk og við ætlum að fylla upp í
það með Marian Seafood. Athug-
anir sýna að ungt fólk 20-29 ára
borðar fisk sjaldnar en einu sinni
í viku. Fiskurinn frá Marian
Seafood er kryddaður í umbúðun-
um og tilbúinn á pönnuna svo
það er auðvelt og fljótlegt að
matbúa fiskrétt,“ segir Nydal.
Ekki hræddur við hrakspár
Sumir spá því að tilraun Marian
Seafood takist ekki og ensímin í
fiskinum hafi betur. Nydal óttast
það ekki. „Ensímin kunna að
reynast okkur erfið og það eru
gerðar meiri kröfur þegar um
ferskan fisk er að ræða en kjöt
vegna sérstakra eiginleika fisksins
en viðbrögðin sem við höfum
fengið eru mjög jákvæð.“
Álítur að Marian
Seafood mistakist
Astri Riddervold, næringarfræð-
ingur, álítur að Marian Seafood
muni ekki takast að nota gas til
að halda fiskinum ferskum allt að
tíu sólarhringum frá því honum
er pakkað þar til hann er kominn
í pottinn hjá neytendum.
„Vandinn er að ensímin verða
ekki óvirk við slíka geymslu. Þess
vegna er það rangt að Marian
Seafood fiskurinn sé ferskur,“ seg-
ir Riddervold. Hún telur að fram-
leiðandinn geti ekki fullyrt neitt
um það hvaða áhrif gasið hefur á
ensímin og segir að sín reynsla af
gaspökkuðu kjöti sé ekki góð.
„Gaspakkaður kjúklingur er
bragðlaus. Ég held að fiskurinn
muni líka tapa bragði og tel
reyndar að Marian Seafood geti
hvorki sannað né greini nógu ná-
kvæmlega frá því sem notað er og
hvernig það virkar.“
Sumir telja að þorskur sem hefur
lengi legið í loðnuæti sé vondur
matfiskur en aðrir fá ekki betri
soðningu og finnst hann líka
bestur til að hengja upp.
„Slíkur fiskur hentar þó illa til
að flytja ísaðan í gámum suður í
Evrópu,“ segir Paul Olaisen, sjó-
maður, í Fiskaren. „Hann þarf að
vinna strax, áður en skil koma í
holdið. Hann geymist illa ferskur
þótt ísaður sé. Eftir þrjá daga fara
að koma skil milli fleðanna og
fiskurinn verður laus í sér.“ Það
segir hann vera skýringuna á því
að gámar voru sendir til baka
vegna þess að fiskurinn var ekki
nógu góður. Ef hann er hins vegar
unninn strax, saltaður, flakaður
eða hengdur upp, þá segir Olai-
sen hann verða fyrsta flokks.
„En það er munur á þorskinum
þegar loðnugengd er í hámarki
og þegar hún minnkar,“ segir
Olaisen, „fiskur sem er troðfullur
af loðnu er lausari í sér.“
Úrvalsþorskur
Að margra mati er fiskur sem hefur legið í loðnuæti sá besti til að hengja upp.
Gasblanda í fiskumbúðum
Marian Seafood gerir nú tilraunir með
sérstaka gasblöndu til þess að pakka
fiski. Hér er hins vegar verið að pakka
fiski á hefðbundinn hátt hjá ÚA á
Grenivík.