Ægir - 01.05.2002, Blaðsíða 34
34
Grímur sagði í erindi sínu að
því væri ekki að neita að fiskveið-
ar væru í vaxandi mæli litnar
hornauga og sættu harðri gagn-
rýni umhverfisverndarsamtaka.
Sjávarútvegurinn væri sakaður
um rányrkju, að fiskistofnar um
allan heim væri ofveiddir, óarð-
bærum veiðum væri haldið uppi
með ríkisstyrkjum og fiskimenn
skeyttu engu um hvort þeir
dræpu sjávarspendýr, sjófugla eða
skjaldbökurnar við veiðarnar.
Fiskveiðiflotar
heimsins of stórir
„Náttúruverndarsamtök þrýsta á
um að koma einstökum fiskteg-
undum á lista yfir dýr í útrým-
ingarhættu og hvetja neytendur
til þess að kaupa ekki fisk. Fiski-
mál sem snúa að hinum mannlega
þætti fá hins vegar minni athygli,
eins og sú staðreynd að fiskveiðar
á smábátum er sennilega hættu-
legasta atvinnugrein heimsins þar
sem 24000 manns, að minnsta
kosti tapa lífinu árlega við veiði-
skap. Ekki bætir úr skák að of-
veiði á grunnslóð gerir það að
verkum að smábátarnir sækja
fiskinn æ dýpra sem enn eykur á
hættuna,“ sagði Grímur.
FAO fylgist reglulega með
ástandi liðlega 600 fiskistofna um
víða veröld, að sögn Gríms og
hann sagði að nú væri svo komið
að um 50% þeirra væru fullnýtt-
ir, 25% gætu gefið eitthvað meira
af sér og 25% væru ofveiddir.
„Ekki er um það deilt að fisk-
veiðiflotar heimsins eru of stórir
og veiðigetan er talin vaxa um
a.m.k. 5% á ári, einungis vegna
bættrar veiði- og leitartækni. Hið
alþjóðlega flutningakerfi batnar
stöðugt svo að nú er auðveldara
en nokkru sinni fyrr að taka þátt í
heimsviðskiptunum. Þetta þekkja
Íslendingar því nú þykir ekkert
tiltökumál að koma, jafnvel ódýr-
um fiski á fjarlægustu markaði.
Það sem veldur þó mestum
áhyggjum er að fiskveiðistjórnun,
veiðieftirlit og aflaskráning er
víða í ólestri svo að ekki sé dýpra
tekið í árinni. Víða er það talið
pólitískt ógeranlegt að takmarka
aðgang að auðlindunum og því er
víða óheftur eða lítt takmarkaður
aðgangur að fiskimiðunum.
Einnig er algengt að fiskirann-
sóknir séu litlar sem engar og
Framsögumenn á Fiskiþingi.
Athyglisvert erindi Gríms Valdimarssonar á Fiskiþingi:
Regluverkið er komið en
framkvæmdina vantar
Þann 3. maí sl. var haldið árlegt Fiskiþing á vegum Fiskifélags Íslands
og þar var meðal frummælenda Grímur Valdimarsson, fyrrv. forstjóri
Rannsóknastofnunar fiskiðnaðarins og núverandi forstöðumaður fisk-
iðnaðarsviðs fiskideildar Matvæla- og landbúnaðarstofnunar Samein-
uðu þjóðanna (FAO) í Róm. Grímur fjallaði á eftirtektarverðan hátt um
fiskveiðar frá ýmsum sjónarhornum.