Ægir - 01.06.2002, Blaðsíða 18
18
E R L E N T
Norska strandgæslan staðfestir auknar
svartar þorskveiðar í Barentshafi. Um-
skipun þorskafla á sjó við Bjarnarey
hefur vaxið og móttökuskipin eru frá
fleiri þjóðum en áður.
„Fyrstu fjóra mánuði ársins höfum
við fylgst með umskipun afla norður
frá,” hefur Fiskaren eftir Øystein
Høyvåg hjá Norsku strandgæslunni,
“en við höfum ekki mjög mikið í
höndunum ennþá, en vitum þó að um
miðjan apríl tóku sjö skip þátt í um-
skipun afla við Bjarnarey þótt lítið
væri um að vera í þorskveiðunum í
Barentshafi.” Síðan í fyrra hafa henti-
fánaskip frá mörgum þjóðum í aukn-
um mæli tekið á móti þorskafla við
Bjarnarey. Það sem Norska strand-
gæslan skráir af slíku tilkynnir hún
líka til Rússlands.
Varar við umskipun afla
Forstjóri útgerðarsamsteypunnar
Norfra, Steinar Eliassen, varar sterk-
lega við umskipun afla á sjó, í fyrsta
lagi vegna þess að aflinn er óskráður
og því ekki vitað hversu mikið er
veitt úr þorskstofninum og öðru lagi
að svört viðskipti á borð við þessi
grafa undan þeim sem selja löglega
veiddan fisk. Saltfiskverð féll um 15-
20% fyrstu mánuði ársins 2002 og
Eliassen bendir á að þetta er fjórða erf-
iða árið í röð fyrir hvítfiskiðinn.
Rússar segja stofninn sterkari
Rússneskir vísindamenn telja að
þorskstofninn sé sterkari en norskir og
aðrir vísindamenn hjá Alþjóða haf-
rannsóknarráðinu, ICES, álíta, en á
sama tíma segist rússneska strand-
gæslan ekki geta fylgst með umskip-
un afla á sjó. Eliassen fullyrðir að
þessar upplýsingar valdi verðlækkun
því menn viti fullvel að svartur fiskur
muni koma á markaðinn hvað sem
opinberri kvótastöðu líður.
Fyrir tveimur árum var á fundi
Norsk/rússnesku fiskveiðinefndarinn-
ar undirritað samkomulag milli
norskra og rússneskra fiskveiðiyfir-
valda um samvinnu við eftirlit. Báðir
aðilar voru sammála um að umskip-
unin norðurfrá væri alvarlegt mál en
það var fyrst í haust leið að samkomu-
lag náðist um hvernig skuli skrá hana
og tilkynna.
Þorskrannsóknarhópurinn í ICES
metur nú gögn frá síðasta ári um
þorsk í Barentshafi og göngur hrygn-
ingarþorsks við Noregsstrendur. Um-
skipun afla á sjó skekkir það mat
verulega.
Fullyrt er að svokallaðar svartar veiðar í Barentshafi hafi stórlega aukist. Menn vara
við þessu og segja að þetta geti skaðað verulega markaði Norðmanna fyrir fiskafurðir.
Svartar þorskveiðar
í Barentshafi aukast
Beðið eftir
Japansmarkaði
Birgðir Norðmanna af hvalspiki munu aukast um 300 tonn í ár. Enn veit enginn hvað gert
verður við það. Undanfarin ár hefur verið beðið eftir að Japansmarkaður opnaðist. Það
hefur enn ekki orðið og á meðan vaxa birgðirnar.
Á þessu ári veiða Norðmenn 671 dýr. Ef að meðaltali fást 500 kíló af spiki af hverjum
hval verða það 335,5 tonn til viðbótar þeim 1.000, sem þegar eru fyrir hendi.
Geymsluvandann verður að leysa strax. Það er dýrt að geyma spikið og það geymist að-
eins í takmarkaðan tíma til þess að vera seljanlegt kröfuhörðum Japönum.
Að því er fram kemur í Fiskaren er í norska sjávarútvegsráðuneytinu unnið að því að
finna önnur not fyrir spikið.