Ægir - 01.06.2002, Blaðsíða 23

23
S E A F O O D FA R M E R S O F N O R WAY
Jonny Furnes er framkvæmda-
stjóri Seafood Farmers of Norway
og segir hann að útflutningur á
laxi sé orðin stóratvinnugrein í
Noregi. Laxaiðnaðurinn gangi
næst olíu og gasi hvað útflutning
Norðmanna varðar og engum
blandist hugur um að greinin hafi
skapað mörg störf í Noregi. Talið
í upphafi berst að Evrópusam-
bandsmálum en Norðmenn og Ís-
lendingar eru á sömu nótum hvað
þau varðar, þ.e. báðar þjóðirnar
utan sambandsins. Jonny telur
mikilvægt að þjóðirnar verði sam-
stíga hvað Evrópumálin varðar.
„Norðmenn eru búnir að greiða
tvisvar atkvæði um inngöngu í
Evrópusambandið og hafa hafnaði
í bæði skiptin, síðast árið 1994.
Norðmenn hafa hins vegar lært
mikið á þeim tíma sem liðinn er
frá því síðast fór fram atkvæða-
greiðsla og við höfum á þeim tíma
fengið betri innsýn í þróun mála
innan Evrópusambandsins.“
- Hefur umræðan á Íslandi um
Evrópusambandsmálin haft áhrif á
umræðuna hér í Noregi?
„Að mínu mati eiga þessar tvær
þjóðir að vera samstíga í Evrópu-
málunum, annað hvort að ganga
saman inn í sambandið eða standa
báðar utan þess. Þjóðirnar eru gíf-
urlega sterkar vegna þess að þær
hafa yfir að ráða veiðitækjum,
auðlindum og þekkingu og þau
rök vega þungt í þessari umræðu.
Laxaiðnaður Norðmanna á hins
vegar nokkuð erfitt uppdráttar á
Evrópusambandsmarkaðnum þar
sem innan sambandsins eru sterk-
ar samkeppnisþjóðir okkar á þessu
sviði, þ.e. Skotar og Danir,“ segir
Jonny.
Evrópusambandsmarkaðurinn
skiptir Norðmenn umtalsverðu
máli þegar vinnsla á laxaafurðum
er annars vegar. Jonny minnir á að
þessi iðnaður er orðinn mjög um-
fangsmikill í Noregi og gengur
næst olíuiðnaðinum hvað veltu
varðar.
„Það hefur verið mikill upp-
gangur í laxeldinu hér í Noregi og
mikið selt á Evrópusambands-
markaðinn. Krafa markaðarins er
að varan sé eins fersk og mögulegt
er þegar henni er pakkað og þess
vegna skiptir miklu máli að
vinnsla fari sem mest fram nálægt
eldisfyrirtækjunum. Álasunds-
svæðið er einmitt mjög sterkt lax-
eldissvæði hér í Noregi og mögu-
leikarnir miklir að svara þessum
kröfum markaðarins. Þess vegna
staðsetjum við vinnsluna hér.“
Panfish-keðjan um allan heim
Hið risavaxna Panfishfyrirtæki
keypti Seafood farmers of Norway
árið 2000 en upphaflega var fyrir-
tækið stofnað árið 1984. Hráefni
til vinnslunnar kemur að mestu
frá eldisfyrirtækjum Panfish-keðj-
unnar, 60 til 70%, en því til við-
bótar frá öðrum framleiðendum.
Hjá fyrirtækinu er unnið úr 2500
tonnum af hráefni á ári, unnið í
fillet, reykt og grafið. Tvær laxa-
verksmiðjur til viðbótar á vegum
Panfishkeðjunnar eru á Álasunds-
svæðinu og mikil framleiðslugeta
þar af leiðandi.
Aðspurður um framleiðslumagn
Panfishfyrirtækjanna á laxaafurð-
um á ári segist Jonny ekki getað
svarað því nákvæmlega þar sem
Panfish er með starfsemi út um
allan heim og er meðal þeirra
þriggja stærstu í þessari grein.
„Sölumálin eru í höndum Pan-
fish og eru byggð upp á neti þess
fyrirtækis út um allan heim. Síðan
seljum við til viðbótar til við-
skiptavina sem fyrirtækið hafði
áður Panfish eignaðist það,“ segir
Jonny.
Af afurðum Seafood Farmers of
Norway selur fyrirtækið fillet til
Frakklands en Jonny segir erfiðara
að selja reyktan og grafinn lax til
Johnny Furnes,
framkvæmdastjóri,
með framleiðslu
fyrirtækisins.