Ægir - 01.06.2002, Blaðsíða 24
24
S E A F O O D FA R M E R S O F N O R WAY
meginlands Evrópu. Þess vegna er
lögð áhersla á markaðssetningu
þeirra afurða á Asíumarkað en því
til viðbótar selur fyrirtækið afurð-
ir úr regnbogasilungi á Japans-
markað.
Mikill vöxtur í
laxeldinu í Noregi
Ljóst að byggst hefur upp mikil
þekking í laxeldi og vinnslu laxa-
afurða í Noregi og greinin nýtur
þess. Ljóst að fleiri þjóðir eru að
framleiða og harsla sér völl á
markaðnum, til að mynda Færey-
ingar, Skotar og til viðbótar eru
áform Íslendinga á eldissviðinu
nokkuð ljós. Jonny segir vitað að
Íslendingum hafi ekki tekist á
sínum tíma á ná tökum á laxeld-
ingu og laxavinnslunni en við því
sé að búast að þeir muni ná mun
lengra að þessu sinni.
„Vöxtur í laxeldi og laxavinnsl-
unni hefur að undanförnu orðið
langmestur í Chile og samkeppn-
in við Chilemenn er hvað hörðust
fyrir okkur. Þó svo neysla á laxi
hafi aukist mikið þá hefur hlut-
deild Norðmanna á markaðnum
minnkað. Chilemenn eru sterkir,
sérstaklega á Norður-Ameríku-
markaði. Þeir eru að framleiða
mikið magn og halda verðinu
niðri á markaðnum en við reynum
að byggja á þeirri gæðaímynd sem
við erum þekktir fyrir. Norðmenn
eru sennilega ekki að nota nema
um 30% af þeim möguleikum
sem þeir eiga til framleiðslu á laxi
og geta þar af leiðandi margfaldað
framleiðsluna. Hins vegar munum
við fara afar varlega í harða sam-
keppni við Chilebúa sem gæti
komið niður á gæðaímyndinni.
Gæðastandardinn er hreint ekki sá
sami á afurðunum frá Chile og
sem betur fer eru margir kaupend-
ur laxaafurða vel kunnugir Norð-
ur-Atlantshafslaxinum og vita að
hann stendur framar í gæðum.
Þessa eigum við Norðmenn að
njóta, sem og Skotar, Færeyingar
og Íslendingar. Laxaafurðir frá
þessum löndum eru að stofni til
mjög hliðstæðar.“
Keppum við rauða kjötið
Jonny Furnes er tíðrætt um mikil-
vægi laxaiðnaðarins í atvinnulegu
tilliti. Hann bendir á að þrátt fyr-
ir að vinnslan hafi tæknivæðst þá
sé þessi atvinnugrein mjög mann-
aflafrek og skapi mörg störf í Nor-
egi.
„Samkeppnin er alls ekki við
hvítfisk heldur fyrst og fremst
rauða kjötið. Asíumenn borða
miklu meira af fiski en Evrópubú-
ar og því er mikil hefð á þeim
markaði, ólíkt Evrópu. Því hlýtur
aukningin að verða á Evrópu-
markaði.
Horft til vaxtarmöguleika á
markaðssvæðum þá er líklegt að
samhliða sterkari efnahagsstöðu í
Austur-Evrópu og Rússlandi þá
hljóta þeir markaðir að koma
sterkari inn. Við höfum þegar orð-
ið varir við að Rússar eru farnir að
spyrjast fyrir um dýrari afurðir en
áður og það er ótvírætt merki um
að efnahagur þar í landi fer hægt
batnandi,“ segir Jonny og bætir
við að reynslan sýni að þegar nýjar
þjóðir fari inn í Evrópusambandið
þá fylgi því aukin velmegun og
þar með markaðstækifæri fyrir
vörur eins og eldislax. Dæmi um
þetta sé að finna í Suður-Evrópu.
„Við getum því vænst hins sama
hjá þjóðum í Austur-Evrópu sem
hyggjast ganga í Evrópusamband-
ið. Þar liggja okkar tækifæri,“
segir Jonny.
Góð afkoma
Afkoman í greininni er góð í Nor-
egi og segir Jonny að hagur
vinnslufyrirtækjanna sé sínu betri
en eldisfyrirtækjanna.
„Greinin hefur gengið vel á
undanförnum fimm árum og laxa-
vinnslan verið rekin með hagnaði.
Ástæðan fyrst og fremst lágt verð
á hráefni, þ.e. eldislaxinum.“
Greinilegt er að líkt og almennt
í fiskvinnslunni hefur tæknin haf-
ið innreið sína í laxavinnslufyrir-
tækin. Ekki þarf að horfa lengi
um sali Seafood Farmers of
Norway til að koma auga á tækja-
búnað frá Marel og Jonny felst á
að tækniundrin frá Íslandi létti
mörg störfin.
Hjá fyrirtækinu starfa um 50
manns á ársgrundvelli. Sveiflur í
fjölda starfa hafa minnkað mjög
mikið á síðari árum þar sem stöð-
ugleiki hefur verið á mörkuðum,
sem og í framleiðslu.
„Vöxtur í laxeldi og laxavinnslunni hefur að undanförnu orðið langmestur í Chile og samkeppnin við Chilemenn
er hvað hörðust fyrir okkur,“ segir Jonny Furnes.
Laxeldi og úrvinnsla á eldislaxi hafa skapað mikinn fjölda starfa í
Noregi og gert greinina að einni mikilvægustu útflutningsgrein
Norðmanna.