Freyr - 01.10.1972, Page 12

Við fulltrúaborð á aðalfundi Stéttarsambandsins í Hótel Sögu 10. ágúst 1972.
7. Erindi lögð fram.
Árni Jónasson, erindreki las upp tillögur,
fundarályktanir og önnur erindi, sem bor-
izt höfðu til fundarins. Var þeim jafnóðum
vísað til nefnda.
Til laganefndar var vísað:
Frumvarpi um orlof bænda. Frumvarpi til
jarðalaga. Tillögu stjórnar Stéttarsam-
bandsins um frumvarp til laga um Fram-
leiðsluráð o. fl.
Til framleiðslunefndar var vísað:
Fundarályktun Búnaðarsambands Suður-
lands um stofnun ullarsamsölu. Fundará-
lyktun Sölufélags Austur-Húnvetninga um
útflutning hrossa.
Til verðlagsnefndar var vísað:
Fundarályktun Kaupfélags Borgfirðinga
um hækkun verðs á ull. Fundarályktun
Búnaðarsambands Eyjafjarðar um flokkun
á hvítum gærum.
Til fjárhagsnefndar var vísað:
Fjárhagsáætlun stéttarsambandsins fyrir
árið 1973. Umsókn Kvikmyndanefndar Ár-
nes- og Rangárvallasýslna um styrk til að
gera heimildarkvikmynd um atvinnuþróun
á Suðurlandi. Tillögu stjórnar Stéttar-
sambandsins um viðbyggingu Bændahall-
arinnar. Ennfremur reikningum stéttar-
sambandsins.
Til allsherjarnefndar var vísað:
Greinargerð um búvélainnflutning. Tillögu
stjórnarinnar um auknar hagfræðilegar
leiðbeiningar og aðstoð við bændur. Tillögu
stjórnarinnar um framhald á störfum
nefndar þeirrar, sem vinnur að fjárhags-
legri aðstoð við þá bændur, sem lent hafa
í miklum fjárhagsörðugleikum. Fundar-
samþykkt Búnaðarsambands Borgfirðinga
um vinnuaðstoð í veikinda- og slysatilfell-
um.
386
F R E Y R