Freyr - 01.10.1972, Side 43

Sigurður Jónsson
Stafafelli
22.3 1 885 — 1..6. 1972.
Sigurður á Stafafelli er látinn.
Með honum er horfinn einn hinna
fremstu og mætustu úr forystumannasveit
Austur-Skaftfellinga á þessari öld, en hann
hafði innt af hendi hin mikilvægustu störf
í þágu sveitar sinnar og sýslu og um leið
þjóðarheildarinnar um langt skeið.
Hann átti því láni að fagna, að vera fær
til starfa til æviloka að kalla mátti, þótt
aldurinn væri orðinn full 87 ár. Hann hafði
að vísu losað sig við opinber störf allra
síðustu árin og lét jörð og bú á Stafafelli
í hendur dóttur sinnar og tengdasonar fyrir
fiórtán árum, en tók þátt í störfum á heim-
ili þeirra jafnan síðan, en sneri sér jafn-
framt að ræktun á Jökulsáraurum og átti
bá enn nokkuð sauðfé, þótt hættur væri
búrekstri að öðru leyti.
Foreldrar Sigurðar á Stafafelli voru bau
hjónin Margrét Sigurðardóttir frá Hall-
ormsstað og séra Jón Jónsson prestur í
Bjarnarnesi og Stafafelli og prófastur í
Austur-Skaftafellsprófastsdæmi.
Sigurður fæddist í Bjarnanesi 22. marz
1885 og var því aðeins sex ára er hann
fluttist með foreldrum sínum að Stafafelli.
Upp frá því var heimili hans þar í nákvæm-
lega 81 ár. Hann fylgdi fardögum bæði við
komuna þangað og burtför úr þessum
heimi. Stafafell varð því bæði æsku- og
starfsheimili hans og loks dánarstaður 1.
júní þessa árs. Það var einnig síðasti hvíld-
arstaður hans í hinum vígða reit Stafa-
fellskirkju í skjóli við hinn myndarlega
trjálund og blómlega, er hann hóf ræktun
á og annaðist af sérstökum áhuga til hins
síðasta. Hefur trjálundur þessi verið hin
mesta staðarprýði í meira en hálfa öld og
munu fáir heimilistrjáreitir á landinu jafn-
ast á við hann.
Sigurður dvaldist aldrei langdvölum frá
heimili sínu, lengsta fjarvera mun hafa
verið námsdvöl hans í Flensborgarskóla, en
þaðan tók hann gagnfræðapróf 1903, annað
skólanám stundaði hann ekki, en var þó
með sjálfsnámi vel heima 1 mörgum grein-
um og þrautreyndur í skóla lífsins og má
segja, að hann stæðist hin beztu próf þar,
og var hlutgengur í hinum margvíslegustu
viðfangsefnum mannlífsins á borð við
ýmsa þá er lærðari voru taldir.
Tvítugur að aldri tókst hann á hendur
forráð á búi föður síns og hafði þau á hendi
næstu tólf árin, en vorið 1917 tók hann
sjálfur við jörð og búi á Stafafelli. Hann
kvæntist þá frænku sinni, Ragnhildi dóttur
Guðlaugar, sem var föðursystir hans, og
manns hennar, Guðmundar Ólafssonar óð-
alsbónda á Lundum í Stafholtstungum
Þau Ragnhildur og Sigurður bjuggu síð-
an á Stafafelli stórbúi á skaftfellskan mæli-
kvarða til vorsins 1954, en leigðu þá jörðina
næstu fjögur árin. En vorið 1958 tekur
Nanna dóttir þeirra og maður hennar Ól-
afur Bergsveinsson við búi og meiri hluta
jarðarinnar og hafa búið þar síðan. Þau
hjón Ragnhildur og Sigurður ráku bú sitt
F R E Y R
417