Freyr - 01.10.1972, Page 44

af fyrirhyggju og árvekni og var heimili
þeirra framan af búskaparárunum eitt hið
fjölmennasta í sýslunni og heimilisfólk þá
um eða yfir tuttugu. Umgengni öll var
myndarleg á heimilinu og reglusemi í hví-
vetna og stjórn þess í fullu lagi og áttu
þau hjón sinn hlut að því.
Sigurður gegndi mörgum störfum utan
heimilis síns.
í stjórn Kaupfélags Austur-Skaftfellinga
var hann frá stofnun þess 1919, fimm tugi
ára. Hann var einn af stofnendum félagsins
og forgöngumönnunum og ein hin styrkasta
stoð þess bæði í byr og andbyr, hvort sem
á reyndi fjárhagslega eða á annan hátt.
Hann var formaður félagsstjórnar eftir að
Þorleifur alþingismaður á Hólum lét af
formennsku 1949, en hafði áður verið vara-
formaður. Þótt stjórnarmenn félagsins allir
væru hinir áhugamestu og fórnfúsir í störf-
um í þágu þess, var hlutur Sigurðar jafnan
mikill, hugur hans einlægur og hiklaus og
úrræði hans jafnan slík, að þeim var gæfu-
samlegt að fylgja.
Á starfstíma Sigurðar var önnur almenn
félagsstarfsemi í héraðinu, sem hann lét
sér annt um og var formaður fyrir frá
stofnun þess í 25 ár. Það var Menningar-
félag Austur-Skaftfellinga. Starf þessa fé-
lags var hliðstætt kaupfélaginu og hafði
án efa mikilvæg áhrif á aðstöðu og afskipti
héraðsbúa til kaupfélagsstarfseminnar og
hug manna til hennar.
Sigurður naut trausts og tiltrúar í ríkum
mæli, fyrst og fremst sveitunga sinna og
sýslubúa, þannig gegndi hann hreppsnefnd-
arstörfum nærri fjörutíu ár, skólanefndar
í aldarfjórðung, formennsku í Búnaðarfé-
lagi sveitarinnar í þrjátíu ár, var skatta-
nefndarmaður í áratugi og sýslunefndar-
maður um skeið. Hann sat á Búnaðarþingi
1938—1954 og var þar flutningsmaður 1941
að tillögu um byggingu Bændahallarinnar.
Hann var og fasteignamatsmaður frá 1916
og í Kreppulánasjóðsnefnd sýslunnar á
meðan hún starfaði.
Búnaðarfélag íslands veitti honum heið-
ursverðlaun fyrir „frábær afrek í þágu
landbúnaðarins“ og gerði hann að heiðurs-
félaga sínum 1965 og Skaftfellingafélagið
einnig 1941. Hann var sæmdur riddara-
krossi Fálkaorðunnar 1961, og hlaut verð-
laun úr skógræktarsjóði Friðriks konungs
VIII, er hann stofnaði við komu sína til
landsins 1907.
Á seinni árum sinnti Sigurður ritstörfum
töluvert, og hafa birzt í tímaritinu „Heima
er bezt“ margir frásöguþættir af ýmsum
atburðum á ævi hans, ferðalýsingar og
sagnir um samtíðarmenn hans og málefni.
Er þetta allt skemmtilegt og fræðandi efni,
og ber ekki ellimörk á sér, þótt flest þetta
sé ritað eftir að aldur hans var orðinn hár
og andlegt og líkamlegt þrek tekið að láta
undan.
Sigurður var sístarfandi og fyrirhyggju-
maður, hvort sem var í þágu heimilis hans
og fjölskyldu eða þess, er hann hafði að
sér tekið. Að sjálfsögðu var heimilið og
forsjá þess sem hæst bar í huga hans, enda
þurfti svo stór búrekstur, sem hann hafði,
mikillar forsjár við á öllum tímum ársins,
en eins og sagt hefur verið voru störf hans
mörg og mikil utan heimilisins og þeim
sinnti hann af áhuga og starfsgleði.
Jón ívarsson.
418
F R E Y R