Freyr - 01.08.1991, Blaðsíða 12

576 FREYR
15.-16.'91
mér til hjálpar úr Vík og eins hef ég
getað sent þvottinn frá mér til
konu í Vík sem er að setja á stofn
þvottahús. Þetta er allt af því góða.
Parna skapast atvinna fyrir fleiri en
okkur.
Hvernig finnst þér staða þín
miðað við konur í þéttbýli sem
þá margar vinna utan heimilis?
Eg tel það forréttindi að fá að vera
heima við mína vinnu. Það eina
sem ég gæti öfundað þær af er það
þegar þær fá útborgað um mánaða-
mót. Eg held að konur nú til dags
sem eru heimavinnandi, komist út
á meðal fólks ef þær vilja. Núorðið
hafa flestar yngri konur bílpróf og
komast bæjarleið eða í kaupstað
þótt þær búi í sveit.
Hvernig f innst þér að þér takist
að rœkta tengsl við venslafólk
og vini?
Mér finnst það samband nokkuð
gott. Það er helst yfir sumartímann
að fólk þorir ekki að heimsækja
okkur. því að það heldur að við
höfurn svo mikið að gera, sem er
reyndar rétt. Annars eru ekki
nema 200 km héðan og til Reykja-
víkur eða um 2Vi-3 tíma akstur.
Það er jafnlangt frá Reykjavík og
hingað, þó að það sé oft eins og
auðveldara sé fyrir fólk að fara úr
sveitinni í bæinn heldur en fyrir
þéttbýlisbúa að fara út á land.
Hvernig er aðstaða ykkartil að
takaykkurfrí?
Það getur verið nokkuð snúið. Frí
eru ekki á dagskrá meðan aðal-
ferðamannatíminn stendur yfir.
Það er auglýst að hér sé opið frá 1.
júní til 1. september, en á öðrum
tímum verður fólk að panta fyrir-
fram. Septembermánuður er ann-
ars mikill annatími hjá bændum.
Við höfum svo ekið skólabíl á vet-
urna auk þess sem við erum með
þrjá stráka í skóla.
Við höfum þó komist tvisvar
sinnum í vikutíma til útlanda og
fengið þá fólk fyrir okkur til að
vera hér.
Hafið þið þá kynnt ykkur
ferðaþjónustu erlendis?
Já, einu sinni fórum við Wales og
kynntum okkur þar ferðaþjónustu
á vegum bænda í vikutíma. Það var
afar fróðlegt.
Hafið þið fengið aðra
ferðaþjónustubœndur í
heimsókn?
Já, það hefur komið fyrir og það er
ánægjulegt. Annars finnst mér að
bændur og fólk í dreifbýli ætti að
hafa í huga Ferðaþjónustu bænda
og það sem hún býður upp á um
allt land þegar það skipuleggur
sumarleyfisferðir sínar.
M.E.
Frá Framleiðsluráði land-
búnaðarinns
Frh. afbls. 597
Ráðstöfun á fullvirðisrétti til
mjólkur og sauðf járframieiðslu.
Kynntar voru eftirfarandi ályktan-
ir frá Framleiðslunefnd Fram-
leiðsluráðs, sem gerðar voru á
fundi nefndarinnar 24. júlí 1991;
a) „Með tilvísun til 3. mgr. 6. gr. í
mjólkurgerð nr. 262/1991 telur
Framleiðsluráð landbúnaðar-
ins nauðsynlegt að sölusamn-
ingur milli búmarkssvæða
vegna fullvirðisréttar í mjólk
verði ekki samþykktir án þess
að fyrir liggi að viðkomandi
réttur sé ekki seljanlegur á við-
unandi verði á búmarkssvæði
seljanda.
Búnaðarsamböndunum verði
falið að kanna slíka sölumögu-
leika heima fyrir. Framleiðslu-
ráð ákveði hvað teljist viðun-
andi verð á hverjum tíma.“
b) Varðandi skipti á fullvirðisrétt í
mjólk og sauðfé. „Nefndin tel-
ur ekki rétt að samþykkja slík
skipti nema hlutfall í skiptum
verði mest 2:3.“
Framkvæmdanefnd Fram-
leiðsluráðs lýsir sig sammála fram-
angreindum ályktunum.
Forðumst svakalœti
Þó að sumri sé tekið að halla er
ekki úr vegi að rifja upp gamla
hvatningu Friðriks Hansen á Sauð-
árkróki:
Við skulum taka lífið létt,
láta vaka kæti,
fara á bak og fá sér sprett,
en forðast svakalæti.
BÆNDUR ATHUGIÐ!
Seljum kyngreinda varpfugla, daggamla og stdlp-
aða, hvert d land sem er.
Veitum alla rdðgjöf um uppeldi og fóðrun.
Áratuga reynsla.
Pantið tímanlega í síma: 91 -666800
91-666150 (d kvöldin).
Fuglakynbótabúið hf.
Reykjum
270 Mosfellsbæ