Freyr - 01.08.1991, Blaðsíða 32

596 FREYR
15.-16.’91
Á fundi framkvœmdanefndar Framleiðsluráðs 4. júlí sl. gerðist m.a. þetta:
Aðlögun sauðf járrœktar að
innanlandsmarkaði.
Kynnt var reglugerð um aðlögun
fullvirðisréttar til framleiðslu
sauðfjárafurða að innanlands-
markaði, nr. 313 frá 2. júlí 1991.
í II. kafla reglugerðarinnar er
fjallað um kaup ríkissjóðs á full-
virðisrétti til sauðfjárframleiðslu
fram til 1. september nk. og hafa
þær reglur áður verið kynntar,
m.a. íFréttabréfi Stéttarsambands
bænda nr. 2/1991.
í III. kafla reglugerðarinnar er
fjallað um niðurfærslu fullvirðis-
réttar til sauðfjárframleiðslu 1.
september nk. á þeim svæðum þar
sem ekki hafa náðst markmið upp-
kaupa nýtanlegs réttar með frjálsri
sölu.
Markmiðin eru að kaupa 12%
réttarins á þeim búmarkasvæðum
þar sem sauðfjárréttur er innan við
70% af samanlögðum rétti til sauð-
fjár- og mjólkurframleiðslu. Þar
sem sauðfjárréttur er 70-90%
heildarréttarins skulu kaupin
nema 9,6% sauðfjárréttarins og á
búmarkssvæðum þar sem réttur til
sauðfjárframleiðslu er yfir 90%
heildarréttarins skulu kaupin á
sauðfjárrétti miðast við 7,2%
minnkun nýtanlegs fullvirðisrétt-
ar.
Undantekning frá þessu er þó sú
að selji einhver búmarkssvæði rétt
til sauðfjárframleiðslu umfram
framangreind markmið þá gagnast
það öðrum svæðum í fyrri niður-
færlsu.
I IV. kafla reglugerðarinnar er
fjallað um sölu fullvirðisréttar milli
framleiðenda og fylgir hann hér á
eftir:
15. gr.
Heimild til sölu.
Á tímabilinu frá 1. september
1991 til 31. ágúst 1992 er heimil
sala á fullvirðisrétti milli framleið-
enda á lögbýlum með skilyrðum
16.-20. greinar. Sala verður þó
fyrst heimil að lokinni fyrri niður-
færslu eða þegar kaup ríkissjóðs á
fullvirðisrétti á viðkomandi bú-
markssvæðum hafa náð aðlögun-
armarkmiðum skv. 9. og 10. gr.
Sé lögbýli í leiguábúð þarf sam-
þykki eiganda og ábúanda fyrir
ráðstöfun fullvirðisréttar.
16. gr.
Takmarkanir á sölu fullvirðisrétt-
ar.
Fullvirðisréttur sem leigður hef-
ur verið Framleiðnisjóði landbún-
aðarins má því aðeins selja að hann
hafi verið í framleiðslu hjá viðkom-
andi framleiðanda næstliðin tvö ár
fyrir sölu.
Fullvirðisréttur sem bundinn er í
fjárskiptasamningi við Sauðfjár-
veikivarnir verður seljanlegur að
liðnum samningstíma og þegar
samningurinn telst fullefndur að
öðru leyti.
17. gr.
A ukning fullvirðisréttar.
Hverjum framleiðanda á lögbýli
er heimilt að kaupa sér fullvirðis-
rétt að því marki að hann auki sinn
fullvirðisrétt um 15% frá þeim full-
virðisrétti sem hann var skráður
fyrir til framleiðslu verðlagsárið
1991/92.
18. gr.
Gróðurvernd.
Landbúnaðarráðherra er heim-
ilt að takmarka eða stöðva kaup á
fullvirðisrétti ef fyrir liggur rök-
stutt álit Landgræðslu ríkisins þar
um. Landbúnaðarráðherra ákveð-
ur nánari starfsreglur hér að lút-
andi.
Framleiðsluráð landbúnaðarins
skal veita Landgræðslu ríkisins
upplýsingar um fyrirhuguð við-
skipti með fullvirðisrétt milli ein-
staklinga jafnóðum og tilkynning-
ar berast.
19. gr.
Forkaupsréttur.
Ríkissjóður hefur heimild til að
kaupa 20% af fullvirðisrétti í
hverri sölu. Það hlutfall getur verið
lægra eða ekkert á ákveðnum
svæðum eða búum sem byggja af-
komu sína nær eingöngu á sauð-
fjárrækt. Ríkissjóður greiðir kr.
380 á kg.
20. gr.
Tilkynningar og staðfesting.
Viðskipti með fullvirðisrétt
skulu tilkynnt á þar til gerðum
eyðublöðum sem Framleiðsluráð
landbúnaðarins lætur í té og munu
liggja frammi á skrifstofum búnað-
arsambanda. Viðskiptin taka fyrst
gildi þegar staðfesting Fram-
leiðsluráðs landbúnaðarins liggur
fyrir.
í V. kafla er fjallað um frjáls
kaup ríkissjóðs á fullvirðisrétti til
sauðfjárframleiðslu á tímabilinu 1.
september 1991 til 31. ágúst 1992.
Verð fyrir fullvirðisrétt og förgun-
arbætur á því tímabili eru mun
lægri en á fyrra tímabilinu.
I reglugerðinni er ekki að finna
ákvæði um fyrirkomulag síðari
niðurfærslu sem samið hefur verið
um að gerist 1. september 1992. Þó
má gera ráð fyrir að heildarkaup
og niðufærsla verði samanlagt um
30% af fullvirðisrétti eins og hann
er á verðlagsárinu 1991-1992.
Umsjón með framkvæmd reglu-
gerðarinnar er falin Framkvæmda-
nefnd búvörusamninga sem aftur
hefur samið við búnaðarsambönd-
in um öll samskipti við fullvirðis-
réttarhafa hvert á sínu svæði.