Freyr - 01.11.1993, Blaðsíða 11

21.’93
FREYR 767
-í-
Sundlaugin í Úthlíð er vinsœl meðal dvaiargesta í oriofs- og sumarhúsum í
nágrenninu.
hver hluti kemur hér. Við höfum
haft opið í allan fyrra vetur um
helgar og svo í sumar við góða
aðsókn.
Björn hóf að reisa veitingahúsið
í maí í fyrra. Sjálfur veitingaskál-
inn er 140 m2, með glerveggjum og
þar geta liðlega 100 manns setið
við borð, þá er eldhús, inngangur
og snyrtiklefar. Dyr eru út í sund-
laugina en innan þeirra er sund-
laugarbar. Sundlaugargestir geta
rölt um, fengið sér veitingar og |
setið við borð þó þeir séu í sundföt-
unum og stungið sér svo í laugina.
Hugmyndina að þessu skipulagi
átti Björn sjálfur og öll þau mann-
virki sem lúta að ferðaþjónustunni
hefur hann teiknað sjálfur. Björn
segir að Verkfræðistofa Suður-
lands hafi tekið við hugmyndum
hans, útfært þær, gert burðar-
þolsútreikninga og smíðateikning-
ar.
Björn hefur nú í hyggju að reisa
10 smáhús í landi Uthlíðar, eins
konar mótel. í sumar var byrjað á
níu holu golfvelli á svæðinu neðan
þjónustustöðvarinnar, og er hann
nú að komast í notkun.
Frá því er að segja að Úrval-
Útsýn hefur gert samning við fjóra
bændur til reynslu, sinn í hverjum
landsfjórðungi um þjónustu við
ferðamenn frá Þýskalandi. Auk
Björns í Úthlíð eru það bændurnir
á Snorrastöðum í Kolbeinsstaða-
hreppi, Hrísum í Eyjafjarðarsveit
og Skipalæk í Fellum á Héraði.
Allir þessir bændur geta boðið upp
á orlofshús. Björn er nú að byggja
tvö slík hús.
- Við létum auglýsa þessa þjón-
ustu hjá þýskum ferðaþjónustu-
hring og miðum við sjö mánaða
tíma. þ.e. frá apríl byrjun til októ-
berloka og auglýstum ferðir við
ýmsar aðstæður og tímann útmán-
uði, vor, sumar, haust og vetrar-
komu á Islandi.
Þessi þjónusta er ætluð tiltölu-
lega vel stæðum ferðamönnum
sem vilja borga 35 þúsund krónur á
viku fyrir hús, auk bfls og hafa
áhuga á landinu og hinni sérstæðu
náttúru hér. Telur þýska ferða-
skrifstofan engin vandkvæði á að
selja þessar ferðir.
Miðað er við að fimm manns
ferðist saman í bfl og fái hús fyrir
sig. Þjóðverjar hafa fundið að yfir-
leitt muni vera ódýrast fyrir fimm
að ferðast saman, segir Björn. Það
væri gott mál ef unnt væri að nýta
þetta tækifæri.
Fjölskyldan styður
fyrirtœkið
- Rás tímans heldur áfram segir
Björn. Það var ánægjulegt verkefni
fyrir okkur hjónin í fyrra vetur að
við hjálpuðum yngstu dóttur okkar
að byggja gott íbúðarhús heima.
Hún og hennar mannsefni eru að
setjast að hérna hjá okkur. Þau eru
aðal driffjöðurin í ferðamanna-
móttökunni.
Ég bý vel að því að sonur okkar
sér um bókhald og alla samninga
og viðskiptamál, þannig að ég þarf
ekki að leita annað með slíkt. Við
höfum sérstakt tölvuforrit fyrir all-
an reksturinn því tengdasonurinn
er forritari, og hefur gert fyrir okk-
ur sérstakt forrit.
Við eigum fjögur börn. Þau eru
öll vel menntað fólk og styðja okk-
ur í þessu, hvert með sínum hætti.
Þau taka virkan þátt í uppbygging-
unni og rekstrinum og eru tilbúin
að koma inn í starfsemina eftir því
sem þarf.
Umhverfið skipulagt
- Eitt af þeim málum sem við
höfum unnið að á undanförnum
árum hérna í Úthlíð er að gera
skipulag fram í tímann. Við réðum
til þeirra hluta Jón Ólaf Ólafsson
landslagsarkitekt í Reykjavík.
Hann byrjaði á þessu fyrir hálfu
örðu ári. Þetta er skipulag sem nú
hefur tekið gildi á að gilda um
byggð hér í Úthlíð næstu 20 árin og
er aðalskipulag. Það er mikið
nauðsynjamál að sá þáttur sé fyrir
hendi þar sem verið er að byggja
upp ferðaþjónustu eða aðra starf-
semi.
Ég tel að það hafi staðið þéttbýl-
issvæðum fyrir þrifum í þessu sveit-
arfélagi, einkum í Skálholti og
Haukadal, að skipulag hefur ekki
verið til þar. Það tók okkur heilt ár
að koma okkar skipulagi á en nú
mun það loksins vera í höfn í
Úthlíð. Við horfum því björtum
augum til framtíðarinnar og mun-
um halda áfram á sömu braut, að
sinna bústörfum hvort sem eru það
búsmalinn eða ferðaþjónustan sem
á í hlut, sagði Björn að lokum.
J.J.D.