Freyr - 01.11.1993, Blaðsíða 32

788 FREYR
21.'93
Á fundi stjórnar Stéftarsambands bœnda 27. október 1993 gerðist m.a. þetta:
Kynningarmál landbúnaðarins.
Framkvæmdastjóri kynnti þær
aðgerðir sem staðið hefur verið
fyrir af hálfu bændasamtakanna í
kjölfar þeirrar umræðu sem átti sér
stað um landbúnaðarmál á sl.
sumri. í undirbúningi er útgáfa 20
síðna bæklings sem á að koma út í
15.000 eintökum. Honum verður
dreift til ýmissa aðlila í þjóðfélag-
inu.
I undirbúningi fyrir næsta ár eru
birting auglýsinga og greinarskrif,
upplýsingagjöf, námskeið fyrir
stjórnendur og starfsmenn, al-
mennir bændafundir þar sem rædd
verða ímyndar- og kynningarmál
og opið hús hjá bændum.
Formaður skýrði frá samstarfi
við samtök iðnaðarins, ASÍ, VSÍ
og fleiri, um að reka áróður fyrir
því að kaupa íslenskt til að styrkja
íslenskt atvinnulíf.
Stefna í útlánum Stofnlána-
deildar landbúnaðarins á
nœsta ári.
Varaformaður, Pórólfur Sveins-
son, skýrði frá forsendum Stofn-
lánadeildar landbúnaðarins fyrir
útlánum á næsta ári. Fram kom að í
útsendum rukkunum árgjalda af
lánum hjá sauðfjárbændum verður
þeim gefinn kostur á að sækja um
frestun afborgana.
Stjórn SB fjallaði um málið út
frá þeirri forsendu að í fylgiskjöl-
um með Fjárlagafrumvarpi fyrir
árið 1994 koma fram þær upplýs-
ingar að Stofnlánadeild landbún-
aðarins hafi að hámarki 370 millj-
ónir króna til útlána á árinu 1994.
Stjórn SB gerir ekki athugasemdir
við þá upphæð.
Eftirfarandi ábendingar komu
fram:
1. Takmarka útlán svo sem kostur
er og lána ekki til gróðurhúsa,
grænmetisgeymslna og kjöt-
framleiðslu umfram þegar gefin
lánsloforð.
2. Vekja sérstaka athygli á ákvæð-
um um breytilega vexti.
3. Jarðakaupalán hafi forgang að
tiltæku fjármagni, enda séu
traustar fjárhagslegar forsend-
ur fyrir kaupunum og jarðirnar
líklegar til að skila sjóðagjöld-
um næstu ár.
Birkir Friðbertsson taldi ekki
eðlilegt að útiloka algerlega ný
lánsloforð Stofnlánadeildar til
byggingar yfir kjötgreinar, þrátt
fyrir offramboð á afurðum þeirra.
Hins vegar megi reikna með því að
fáir leiti slíkra lána, þar sem allar
líkur séu fyrir mjög hækkuðum út-
lánavöxtum innan tíðar og full
ástæða fyrir bændur að fara var-
lega í umræddar fjárfestingar af
fleiri ástæðum.
Þá benti Hörður Harðarson á að
í ljósi verulegs samdráttar í lánveit-
ingum til kjötgreina verði að telja
eðlilegt sð jafnframt verði dregið
úr innheimtu sjóðagjalda af þess-
um greinum.
Stofnun hlutafélags um
skinnaiðnaðinn.
Formaður greindi frá stofnun
hlutafélags um skinnaiðnað á Ak-
ureyri. Fram kom að Framleiðni-
sjóður hefur veitt Landssamtökum
sauðfjárbænda kr. 3 millj. í styrk til
þess að kaupa hlutafé í hinu nýja
fyrirtæki.
Skuldbreyting stofnlána
kartöflubœnda.
Lagt fram bréf Landssambands
kartöflubænda dags. 1. október
ásamt ljósriti af bréfi félagsins til
stjórnar Stofnlánadeildar landbún-
aðarins, þar sem þess er óskað að
athugað verði hvort mögulegt sé
að skuldbreyta stofnlánum þeirra
kartöflubænda sem þess óska.
Einnig er þess óskað að stofnað-
ur verði lánaflokkur vegna lána til
kaupa á vatnsúðunarkerfum fyrir
kartöflubændur.
Ráðstöfun á sérstöku
fóðurgjaldi vegna
nautgriparœktar.
Lagt fram bréf Landssambands
kúabænda þar sem þess er óskað
að stjórn SB mæli með því við
landbúnaðarráðherra að 5/55 hlut-
um sérstaks fóðurgjalds vegna
nautgriparæktar verði varið til
markaðsátaks vegna nautgripa-
kjöts og að 50/55 hlutum gjaldsins
vegna mjólkur verði varið til verð-
uppbótar á ungkálfa og markaðs-
átaks vegna nautgripakjöts. Pessi
ráðstöfun gildi frá 1. janúar 1994.
Samþykkt að mæla með þessari
ráðstöfun kjarnfóðurgjaldsins.
Skipan í nefndir.
Skipan i nefnd um umhverfismál
og landbúnað á vegum Umhverfis-
málaráðuneytisins:
Þórólfur Sveinsson, Ferju-
bakka.
Skipan í nefnd á vegum Ferða-
málaráðs, þar sem fjallað er um
framtíðarskipulag er lýtur að um-
hverfismálum á ferðamannastöð-
um:
Hákon Sigurgrímsson.
Sexmannanefnd:
Eftirfarandi skipan var sam-
þykkt í Sexmannanefnd:
Haukur Halldórsson
Þórólfur Sveinsson
Arnór Karlsson
Varamenn:
1. Hákon Sigurgrímsson
2. Guðmundur Stefánsson
Útgáfustjórn Freys til eins árs:
Aðalmaður:
Hákon Sigurgrímssson.
Til vara:
Birkir Friðbertsson.