Freyr - 01.01.1994, Blaðsíða 18
Úr fjárhúsunum á Kjarlaksvöllum, en þar er einstaklega snyrtilega um gengið.
(Freysmynd).
tilboð í þetta og því var tekið. Pað
var kveikjan að því að við fórum að
byggja nýju húsin.
Við rifum fjárhúsin í Ólafsdal
niður og merktum hverja einingu,
járn og tré. Þetta var ekki í sömu
lengdum og nú tíðkast, þannig að
það þurfti fjórar plötur í lengdina á
hvora hlið þaksins.
Þetta hefur verið mikil vinna?
Já, þetta var feikileg vinna, en
þá voru stákaranir komnir upp og
tóku þátt í þessu og þetta gekk
ágætlega. Utlagður kostnaður
varð hins vegar afar lítill. Pað vann
reyndar smiður með okkur við
bygginguna sem bar ábyrgð á verk-
inu en fyrst þurfti að steypa undir-
stöður undir húsin. Mig minnir að
útlagður kostnaður áður en við
fórum að smíða milligerðirnar hafi
verið um ein milljón króna, en þar í
voru m.a. laun rafvirkja sem lagði í
húsin.
Síðan kemur að
innréttingunum sem eru mjög
haganlega úthugsaðar.
Fannstu þessa lausn sjálfur?
Já, ég fikraði mig áfram með
þetta, og rafsuðu og logsuðu höf-
um við stundað hér lengi. Ég rak
hér lítið viðgerðaverkstæði í mörg
ár fyrir bíla og búvélar þó að ég
hafi enga skólagöngu á bak við
mig. Það er afar erfitt að vera í
búskap án þetta að geta bjargað sér
við smíðar og helstu vélaviðgerðir.
Stunda synir þínir smíðar og
viðgerðir eins og þú?
Já, þeir gera það og eins Guð-
mundur, tengdasonur minn. Við
gerum við allar vélar sjálfir, og
höfum jafnvel tekið upp mótora
o.s.frv. Komi upp dæmi sem við
ráðum ekki við eigum við góða
granna sem kunna flest ráð og við
leitum þá gjarnan til. Annars eru
allar þessar nýju tegundir farnar að
vera svo flóknar að það er ekki
einu sinni fyrir bifvélavirkja að
gera við þær. Það þarf helst raf-
eindavirkja til þess. Það er komin
tölvustýring í þetta sem helst eng-
inn botnar í.
Svo að við snúum okkur aftur
að fjárbúskapnum, þú ert nú
farinn að hýsa féð fyrr en á
Þorláksmessu?
Já, nú á síðari árum er mönnum
ljósara en áður að ef við erum að
hora féð niður á haustin þá fáum
við litla frjósemi og lélegar afurðir.
Þannig að við tökum féð á hús um
leið og fyrstu snjóar koma og jafn-
vel fyrr, því að nú erum við farnir
að klippa féð áður en það er tekið á
gjöf. Reyndar þurfum við þá gott
veður, þurrt og sæmilega stillt,
þannig að við getum verið með um
100 kindur inni á dag sem við
klippum. Við miðum við að féð sé
þá ekki farið að leggja af og eftir
það er framhaldið ósköp einfalt.
Þá fer féð ekki út fyrr en eftir að
það er borið næsta vor.
Afurðir?
Við höfum tekið þátt í skýrslu-
haldinu og frjósemin hefur verið
að þokast upp, t.d. losuðu fædd
lömb sl. vor tvö lömb á á. Fall-
þungi er svo í kringum 15,5 kg að
meðaltali, breytilegur eftir árferði.
Er hér gott fjárland?
Saurbærinn hefur verið talinn
heldur létt sauðland, þröngir dalir
og mýrlent. Smalamennskur taka
aðeins dagspart, 5-6 tíma.
Þú hefur fengið yfir þig allar
skerðingarnar á framleiðslu,
sem að undanförnu hafa dunið
yfir?
Já, eins og aðrir. Við vorum
mest með um 500 fjár, þegar við
keyptum féð af tengdaföður
mínum. Síðan hefur verið nagað
utan af þessu þannig að við erum
komin niður í um 300 kindur.
Eruð þið með félagsbú á
jörðinni?
Nei, við sóttum um það á sínum
tíma, en okkur var synjað um það.
Við köllum þetta hins vegar sam-
rekstrarbú og búið er talið þannig
fram til skatts í samráði við skatt-
stofuna.
Það eru fjórir aðilar sem standa
að búinu og hafa tekjur af því, þ.e.
við hjónin, dóttir okkar og tengda-
sonur og tveir synir. Það er því
ekki stór hlutur hvers og eins. Allt
það annað sem við höfum haft í að
hlaupa dregst líka saman, því að
það byggist á fjárbúskapnum, slát-
urvinna, akstur o.s.frv. Við erum
þó með nokkrar aligæsir og ölum
upp gæsarunga til slátrunar.
Þessi samdráttur í sauðfjár-
rœkt fer að koma hart við hér í
Dölum?
Jú, það er einmitt núna, sem
hann fer að bitna hart á okkur. Það
er í ár, 1993, eftir haustinnlegg sem
við förum verulega að finna fyrir
þessu, en þó er sýnt að næstu ár
verða enn verri. Hingað til höfum
10 FREYR -1-2*94