Freyr - 01.01.1994, Blaðsíða 35
Skýrsla Félags hrossabœnda
13. nóv. 1992 til 11. nóv. 1993
hluí' VII. Ýmis sérverkefni
7.1. Málefni Reiðhallarinnar og Reiðskólans hf.
Á síðasta verðlagsári voru haldnir tveir stjórnarfundir í stjórn Reiðskóians hf. þar sem
varð að horfast í augu við iok á starfseminni, þar sem fjárveitingu til starfseminnar var
hœtt.
Reiðskólinn hf. leigði því ekki
Reiðhöllina 1993, en það gerði
hins vegar íþrótta- og tómstunda-
ráð Reykjavíkurborgar að frátöld-
um þremur helgum, sem voru ætl-
aðar til sýningahalds fyrir hesta-
menn. Deildir F.hrb. á Norður-
landi og Suðurlandi stóðu að
Hestadögum í Reiðhöllinni 16-18.
apríl 1993 og 7.-9. maí 1993 með
öðrum aðilum. Þessar sýningar
þóttu takast mjög vel og voru nær
alla sýningardagana með fullsetna
Reiðhöll af gestum.
í lok árs 1992 fóru stjórnarmenn
Reiðskólans hf. á fund Júlíusar
Hafstein og ræddu við hann í fram-
haldi af ræðu hans á aðalfundi
H.Í.S. 1992 þar sem hann hafði
gefið fyrirheit um að Reykjavíkur-
borg myndi ef til vill vilja styrkja
íþróttadeild Fáks eins og önnur
íþróttafélög til að eignast sína
íþróttaaðstöðu með 80% framlagi.
Staðfesti Júlíus þennan vilja sinn
og sagði að hann gæti hugsað sér
tilboð á föstu verði án vaxta til
margra ára. þar sem Reykavíkur-
borg myndi borga sinn hluta fyrstu
árin. íþróttadeild Fáks yrði að hafa
forystu um áframhald þessa máls.
Því miður hefur þessum málum
lítið miðað áfram. Til þess að
F.hrb. geti orðið beinn samnings-
aðili óskaði stjórn F.hrb. eftir því
við Framleiðnisjóð að eignarhluti
sjóðsins í Reiðhöllinni yrði yfir-
færður til F.hrb., eins og sambæri-
leg fordæmi eru fyrir frá öðrum
búgreinum. Stjórn Framleiðni-
sjóðs taldi sér ekki fært að verða
við þeirri ósk.
Reiðskólinn hf. hefur því hætt
starfsemi frá og með 31.12.1992
með einhverri fjárinneign í banka-
bók félagsins og mun kanna mcgu-
leika á nýrri starfsemi með nýju
eignarhaldsfélagi eða eignaraðild
Reiðhallarinnar ef af verður.
F.hrb. hefur viljað skoða mögu-
leika við nýjar aðstæður að kaupa
eða byggja upp hesthús í tengslum
við Reiðhöllina og starfsemina
þar.
7.2. íslenska flugþjónustan.
íslenska flugþjónustan hf. sem
F.hrb. er stór hluthafi að vann
áfram án árangurs að því að fá
afgreiðslugjöld á Keflavíkurflug-
velli lækkuð til samræmis við af-
greiðslugjöld á öðrum sambærileg-
um flugvöllum. Fyrirheitum um
fríhafnarsvæði á Keflavíkurflug-
velli miðar heldur ekki neitt. Leit-
að hefur verið eftir því við Islensku
flugþjónustuna að útvega leiguflug
með hross, sem gætu lent annars
staðar en á Keflavíkurflugvelli.
Hefur m.a. verið leitað eftir rúss-
neskum fraktflugvélum, s.s. IL-18,
IL-76 og AN-12, en vöntun á
ýmsum búnaði hjá ódýrari flugvél-
um hefur komið í veg fyrir samn-
inga. Hækkun á flutningsgjöldum
hjá Flugleiðum og Eimskip kallar á
samkeppni eða breytingar á út-
flutningsreglugerð varðandi skipa-
flutninga, þannig að þeir séu
mögulegir á veturna, nú þegar
gjörbylting hefur orðið á með
gámaflutningum hrossa. Á síðast-
liðnu ári hækkaði frakt hjá Flug-
leiðum í tengslum við millifærslu á
myntviðmiðun úr kr. 30.000 á
hross í kr. 43.000 og hjá Eimskip til
Hamborgar úr kr. 23.000 á hross í
33.000.
7.3. Samskipti við Landgrœðslu
ríkisins
í desember 1992 og upphafi árs
1993 urðu óvægnar umræður um
ofbeit hrossa: „Á mörg hundruð
hektara svæði er landið komið í
svað vegna beitar“ - „Það er álit
sérfræðinga Landgræðslu ríkisins
að svona beit fari vaxandi um allt
land af þeirri einföldu ástæðu hvað
hrossum fjölgar ört og að hrossin
sigli nú hraðbyri fram úr sauðkind-
inni sem helsta beitarvandamál
landsmanna“ - Vitnað var til
blaðagreinar Jóns Finns Hansson-
ar, starfsmanns Landgræðslunnar
um að hross yrðu 112.000 árið 2000
og myndu þá þurfa beit á við hátt á
aðra milljón sauðkinda - Nauðsyn-
legt væri að fækka hrossum um að
minnsta kosti helming.
Þessurn fullyrðingum og fleirum
var svarað og haldnir fundir með
fulltrúum Landgræðslu ríkisins,
þar sem reynt var að nálgast skoð-
anir. Bréfi Landgræðslunnar frá 4.
febrúar til Landbúnaðarráðherra
með röngum fullyrðingum var gef-
in umsögn frá F.hrb. að beiðni
Landbúnaðarráðuneytisins og í
framhaldi af allri þessari umræðu
var leitað eftir umsögn Ólafs R.
Dýrmundssonar, landnýtingar-
ráðunauts BÍ um afréttarbeit
hrossa. Umsögn hans var eftirfar-
andi:
„A. Stórlega hefur dregið úr
allri afréttarbeit. Könnun á opin-
berum gögnum frá Rannsókna-
stofnun landbúnaðarins fyrir 20
helstu hálendisafréttina, sem um
40 sveitarfélög eiga upprekstrar-
rétt á, hefur leitt eftirfarandi f ljós:
Reiknað beitarþol RALA 155.000 ærgildi
Áætlaðbeitarálag 1993 . 50.000 ærgildi
í þessum útreikningum RALA
var ekki tekið tillit til ástands jarð-
vegs. í afréttum 13 sveitarfélaga er
ítala og er beitarálag alls staðar vel
1-2‘94 - FREYR 27