Freyr - 01.03.1995, Blaðsíða 25

er unnt að banna kjötinnflutning ef
unnt er að beita fyrir sig sjúkdóma-
hættu. Allar heimildir segja mér að
Nýsjálendingar séu með kjötið sitt í
góðu lagi hvað þetta snertir svo að
kjötinnflutningur verður aðeins taf-
inn en ekki stöðvaður.
í öðru lagi hef ég orðað það þann-
ig að neytendur geti látið sig einu
varða hvaða tollvernd verði ákveð-
in í upphafi. Ef boginn verði þar
spenntur til hins ýtrasta þá hafi það
eingöngu í för með sér að andstað-
an gegn þessum tollum mun tvíefl-
ast og þá er stutt í að þeir fari miklu
neðar, en ef bændur og landbún-
aðarráðuneyti beri strax frá upphafi
gæfu til að fara varlega í sakirnar.
En hvað er þá til ráða, ráðunaut-
ar góðir? Ef ég má gerast svo djarf-
ur að ráðleggja ykkur þá mundi ég
fyrst og fremst leggja áherslu á
eftirfarandi atriði:
1. Finna þarf leiðir til að örva
kvótasölu þannig að varan leiti
inn á þau bú sem mesta hafa
framleiðslugetuna. Kvóti þeirra
bænda sem hætta á að fara inn á
markað en ekki dreifast flatt til
allra bænda eins og nú er gert
við úreldingu framleiðslutækja
kúabænda.
2. Allir þurfa að einbeita sér að því
að fleiri mjólkurbú verði úrelt.
3. Gera þarf bændum ljóst að verð
til framleiðenda mun lækka á
næstu misserum þannig að þeir
byggi framtíðaráætlanir sínar á
raunhæfum áætlunum en ekki á
ráðum misviturra stjórnmála-
manna.
4. Auka þarf skilning á að opin-
berri verðlagningu á nauta- og
hrossakjöti verði hætt nú þegar
enda er hún gjörsamlega óraun-
hæf og þjónar engum tilgangi.
Þetta gildir einnig um verðlagn-
ingu Fimmmannanefndar á
kindakjöti. Hefja þarf rækilega
umræðu um hvernig opinber
verðlagning á mjólk og einkum
opinber verðlagning kindakjöts
verði afnumin. Það er unnt að
hætta opinberri verðlagningu
Fimmmannanefndar nú þegar -
verð til framleiðenda er snún-
ara, en þó verður að fara að
undirbúa það líka. Líklegasta
leiðin í þá átt er væntanlega að
hætta að framleiðslutengja nið-
urgreiðslur eins og fulltrúar
verkalýðshreyfíngarinnar lögðu
til frá upphafi í Sjömannanefnd,
þó að ekki næðist um það sam-
staða þar. Æskilegast er að hefja
nú þegar að koma þessu á í
áföngum.
En fram hjá því verður ekki litið
að lambakjötið er nú þegar í
erfiðri samkeppnisstöðu við
aðrar kjöttegundir. Minna má á
að lambakjötið hefur orðið nær
algjörlega útundan í skyndibita-
sprengingunni hér á landi. Af
hverju?
5. Bændur þurfa að taka miklu
virkari þátt í því að lækka slát-
urkostnaðinn. Athuga þarf nú
þegar hve raunhæft það er að
flytja inn sláturhúsavagna, eins
og ég rakti hér áðan. A þann hátt
má vera að bændur geti á
skömmum tíma stórminnkað
sláturkostnað.
6. Fjármunum þarf að verja til að
finna markaði erlendis. Þarf að
athuga rækilega hve langt unnt
er að ná með gæðunum einum
saman. Það er borin von að unnt
verði að keppa við Nýsjálend-
inga með verðum og því verður
að athuga hvort markaður sé
reiðubúinn að taka við íslensku
lambakjöti á hærra verði, gæð-
anna vegna. Við skulum athuga
vel að ekki þarf margar „deli-
katess" - verslanir í hverju landi
í sölu á íslensku lambakjöti til
að það skipti umtalsverðu máli
fyrir íslenska framleiðendur.
Lengi mætti áfram telja. Bændur
og afurðastöðvar verða að láta af
þeirri draumsýn að hlutunum verði
bjargað með tollamúrum, sjóða-
sukki og öðrum slíkum aðgerðum.
Samningstíminn styttist og Iítill
tími eftir til að undirbúa nýja samn-
inga.
Aðalatriðið er þó að vöm verði
snúið í sókn. Ef svo verður hef ég
von til þess að íslenskur landbún-
aður megi dafna. Þar hafið þið
ráðunautar lykilhlutverki að gegna.
MOLRR
Fluga gegn flugu
Húsflugnaplága í svínahúsum
getur verið erfið viðfangs. Danir
hafa reynt og sett á markað s.n.
fluga - gegn - flugu kerfi. Með því
að flytja ránflugur í svínahús er
fundin árangursrík aðferð til þess að
berjast við flugnapláguna, án þess
að þurfa að brúka skordýraeitur.
Lirfur ránflugunnar éta lirfur hús-
flugunnar og eftir fáar vikur eru
mest megnis ránflugur eftir. Oþæg-
indi af ránflugu eru smávægileg
samanborið við amann af húsflugu.
Bændur, húsfreyjur í sveit
Vantar ykkur aðstoð, kúasmala, barnapíu o.s.frv.?
Höfum börn á skrá sem vilja komast í sveit.
Hafið samband.
Bændasamtök íslands
Halldóra Ólafsdóttir
Símar 563 0360 og 563 0300
3. '95- FREYR 113